ꓙꓲꓻ ꓫꓬꓻ ꓟ Padre Pio ꓑꓮꓲ꓿

ꓙꓲꓻ ꓫꓬꓻ ꓟ Padre Pio ꓑꓮꓲ꓿

ꓙꓲꓻ ꓫꓬꓻ ꓟ Padre Pio ꓠꓬ ꓮ ꓘꓶ. ꓟꓬꓱꓺ ꓓꓳ ꓙꓳ ꓟ ꓙꓲꓻ ꓫꓬꓻ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓕꓯ 1887 ꓘꓳꓼ 5 ꓦ ꓟ 25 ꓠꓬꓲ ꓕꓯ Italy ꓗꓴꓷꓼ Pietreleina ꓡꓳ ꓒꓱ ꓗꓪ ꓬꓲ ꓔꓯ ꓦꓵꓻ ꓗꓷꓳ꓿ ꓬꓲ ꓞꓲꓼ 5 ꓘꓳꓼ ꓙꓳ ꓢꓲ ꓕꓯ ꓡꓰ ꓪꓴ‐ꓢ ꓡꓰ ꓬꓰ ꓔꓯ ꓘꓴˍ ꓢꓯꓼ ꓔꓯ ꓠ ꓡꓳ. ꓪ ꓗꓷꓳ  ꓿ ꓬꓲ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓲ‐ꓢ ꓪꓽ ꓘꓴ ꓙꓵ, ꓗꓪ ꓪꓽ ꓘꓴ ꓢꓴ ꓥ ꓡꓳ꓿ ꓬꓲ ꓠꓬ ꓡꓳ. ꓔꓬ ꓟ ꓟꓴ ꓗꓪ ꓝꓲ ꓓꓴ ꓔꓯ ꓡꓳ. ꓟꓳ ꓓ ꓢꓴ ꓥ ꓡꓳ꓿ ꓬꓲ ꓠꓬ ꓪꓴ‐ꓢ ꓡꓯ ꓖꓶ ꓔ ꓟ ꓡꓯ ꓫꓴ ꓘꓳ ꓣꓴ ꓪ ꓢꓴ ꓥ ꓡꓳ꓿

ꓙꓲꓻ ꓫꓬꓻ Padre Pio ꓠꓬ ꓧꓪꓽ ꓖꓳꓽ ꓓꓱ ꓗꓪ ꓠꓻ ꓓꓴ ꓮ ꓟꓬ, ꓙꓳ ꓟ ꓟꓲ ꓥ ꓡꓳ꓿1915 ꓘꓳꓼ ꓕꓯ ꓬꓲ ꓠꓬ ꓮ ꓘꓶ. ꓠꓻ ꓓꓴ ꓔꓳ ꓜꓳ ꓗꓷꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ ꓠꓯ ꓗꓪ ꓢꓰꓼ ꓡꓯ ꓟ (ꓟꓯꓼ ꓒ ) ꓬꓰ ꓠ, ꓟ ꓟꓽ ꓐ ꓪ ꓡꓳ꓿ ꓬꓲ ꓠꓬ ꓔꓲꓺ ꓒ ꓕꓲ ꓣꓳ ꓥ ꓟ ꓪꓴ. ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓮ ꓘꓶ. ꓢꓯꓼ ꓕꓵꓼ ꓢꓴ ꓥ ꓡꓳ꓿

ꓙꓲꓻ ꓫꓬꓻ ꓢꓴ Padre Pio ꓡꓯ ꓒꓯ, ꓗꓪ ꓢꓲꓺ ꓒ ꓬꓰ‐ꓢꓴ ꓠꓻ ꓓꓴ ꓙꓳ ꓟ ꓥ ꓡꓳ꓿ ꓬꓲ ꓡꓰ ꓪꓽ ꓘꓴ ꓖꓶ ꓢꓴ ꓠꓬ ꓢꓷ. ꓡꓰ ꓓꓴ ꓮ ꓟꓬ, ꓙꓳ ꓟ ꓥ ꓡꓳ꓿ ꓙꓲꓻ ꓫꓬꓻ ꓢꓴ Padre Pio ꓠꓬ 1968 ꓘꓳꓼ 9 ꓦ 23 ꓠꓬꓲ ꓕꓯ ꓢꓲꓺ ꓒ ꓠꓯ ꓗꓪ ꓬꓲ ꓟꓶ ꓡꓰꓳ꓿

ꓙꓲꓻ ꓫꓬꓻ ꓢꓴ Padre Pio  ꓧꓪ ꓖꓳꓽ ꓓꓱ ꓡꓳ ꓬꓰ ꓕꓯ ꓙꓲ‐ꓢꓴ ꓢꓲꓺ ꓤ (100000) ꓣꓳ ꓡ ꓗꓷꓳ꓿ꓔꓲꓺ ꓒ ꓪ ꓔꓲ ꓒꓳ‐ꓡꓳ (2) ꓡꓰ 2002 ꓘꓳꓼ 9 ꓦ 23 ꓠꓬꓲ ꓕꓯ ꓙꓲꓻ ꓫꓬꓻ ꓢꓴ ꓐꓰ ꓐꓯ ꓑꓶ ꓗꓷꓳ꓿