ꓙꓲꓻ ꓫꓬꓻ ꓢꓴ ꓔꓲꓺ ꓒ ꓪ ꓔꓲ Gregory ꓑꓮꓲ=

ꓙꓲꓻ ꓫꓬꓻ ꓢꓴ ꓔꓲꓺ ꓒ ꓪ ꓔꓲ Gregory ꓑꓮꓲ=

ꓙꓲꓻ ꓫꓬꓻ ꓢꓴ Gregory ꓠꓬ ꓮ ꓟꓬꓹ ꓟꓬꓱꓺ  ꓓꓳ ꓙꓳꓹ ꓟ ꓔꓲꓺ ꓒ ꓪ ꓔꓲ ꓕꓲ ꓪ ꓥˍ ꓡꓳ= ꓙꓲꓻ ꓫꓬꓻ ꓢꓴ Gregory ꓔꓯ ꓣꓳ ꓟ ꓡꓳ ꓒꓱ ꓗꓪ ꓮ ꓟꓬꓹ ꓟꓬꓱꓺ ꓓꓳ ꓙꓳꓹ ꓟ ꓐꓹ ꓐꓽ ꓐꓰ ꓟꓹ ꓟ ꓗꓪ ꓐꓰ AD 540 ꓘꓳꓼ ꓕꓯ ꓦꓵꓻ ꓗꓷꓳ=ꓙꓲꓻ ꓫꓬꓻ ꓢꓴ Gregory ꓠꓬ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ AD 590 ꓕꓯ ꓔꓲꓺ ꓒ ꓜꓴꓻ ꓗꓪ ꓓꓵ ꓗꓷꓳ= ꓣꓳ-ꓟ ꓡꓳ ꓒꓱ ꓗꓪ ꓔꓬ ꓟ ꓙꓲ-ꓢꓴ ꓢꓲ ꓤ ꓐꓴ ꓡꓰ ꓙꓲꓻ ꓫꓬꓻ ꓢꓴ Gregory ꓔꓯ ꓔꓲꓺ ꓒ ꓪ ꓔꓲ ꓬꓰ ꓠꓹ ꓟ ꓠꓲꓸ ꓫꓵꓺ ꓡꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ꓾ ꓙꓲꓻ ꓫꓬꓻ ꓢꓴ Gregory ꓠꓬ ꓣꓳ-ꓟ ꓡꓳ ꓒꓱ ꓗꓪ ꓐꓰ ꓛꓰꓸ ꓙꓰꓳ= ꓣꓳ-ꓟ ꓡꓳ ꓒꓱ ꓗꓪ ꓔꓬ ꓟ ꓙꓲ-ꓢꓴ ꓢꓲ ꓤ ꓐꓴ ꓠꓬ꓾ ꓙꓲꓻ ꓫꓬꓻ ꓢꓴ Gregory ꓔꓯ ꓘꓴ ꓜꓲꓼ ꓞꓳ ꓗꓪ ꓧꓳꓽ ꓪꓴꓸ ꓟꓴ ꓠꓹ ꓟ ꓔꓲꓺ ꓒ ꓪ ꓔꓲ ꓙꓵꓽ ꓪ ꓘꓳꓹ ꓣꓴ ꓟꓶˍ ꓠꓹ ꓟ ꓬꓰ ꓗꓷꓳ=

ꓙꓲꓻ ꓫꓬꓻ ꓔꓲꓺ ꓒ ꓪ ꓔꓲ Gregory ꓠꓬ ꓔꓲꓺ ꓒ ꓪ ꓔꓲ ꓕꓲ ꓪ ꓒꓬꓱꓼ ꓡ ꓕꓯ ꓘꓴ ꓜꓲꓼ ꓞꓳ ꓗꓪ ꓪꓴꓸ ꓟꓴ ꓡ ꓚꓱꓹ ꓐꓰ ꓫꓸ ꓢꓴ ꓟꓷꓼ ꓢꓴ ꓔꓯ ꓮ ꓟꓬꓹ ꓬꓰ ꓙ ꓗꓷꓳ= ꓪꓴ-ꓢ ꓐꓯ ꓘꓶ ꓚꓺ ꓒꓬꓱꓹ ꓙꓰ ꓠꓹ ꓟ ꓮ ꓟꓬꓹ ꓬꓰ ꓙ ꓗꓷꓳ= ꓙꓲꓻ ꓫꓬꓻ ꓢꓴ  ꓔꓲꓺ ꓒ ꓪ ꓔꓲ Gregory ꓠꓬ꓾ ꓘꓴ ꓜꓲꓼ ꓞꓳ ꓗꓪ ꓙꓳ ꓟ ꓒꓵ ꓫꓵꓺ ꓔꓯ ꓫꓸ ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓗꓷꓳ= ꓙꓲꓻ ꓫꓬꓻ ꓢꓴ ꓔꓲꓺ ꓒ ꓪ ꓔꓲ  Gregory ꓪꓴ-ꓢ ꓔꓯ ꓓꓳꓸ ꓟꓳ ꓫꓱ ꓖꓶ ꓕꓯ ꓣꓴ ꓟ ꓟꓴꓽ ꓖꓪ ꓮ ꓟꓬꓹ ꓔꓯ ꓐꓳꓸ ꓖꓶˍ ꓢꓴ ꓔꓲꓺ ꓒ ꓪ ꓔꓲ ꓕꓲ ꓪ ꓥˍ ꓡꓳ= ꓙꓲꓻ ꓫꓬꓻ ꓢꓴ Gregory ꓔꓲꓺ ꓒ ꓪ ꓔꓲ ꓠꓬ꓾ England ꓗꓴꓷꓼ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓬꓰ ꓙˍ ꓗꓷꓳ=

ꓙꓲꓻ ꓫꓬꓻ ꓢꓴ Gregory ꓠꓬ꓾ ꓣꓳ-ꓟ ꓗꓴꓷꓼ ꓗꓪ ꓠꓻ ꓫꓵꓽ ꓒꓬꓱꓼ ꓡꓹ ꓕꓯ ꓪ ꓘꓴꓽ ꓢꓲ ꓠꓬꓲ꓾ ꓡꓳ ꓒꓱ ꓗꓪ ꓙꓰ ꓗꓷꓳ= ꓖꓳ ꓗꓸ ꓠꓯꓹ ꓣꓳ-ꓟ ꓡꓳ ꓒꓱ ꓗꓪ ꓒꓬꓱꓼ ꓟ ꓠꓻ ꓫꓵꓽ ꓟꓶ ꓡꓰꓳ= ꓙꓲꓻ ꓫꓬꓻ ꓢꓴ ꓔꓲꓺ ꓒ ꓪ ꓔꓲ Gregory ꓠꓬ꓾ AD 604 ꓘꓳꓼ ꓬꓲ ꓞꓲꓼ 64 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓳꓽ ꓖꓳ ꓓꓱ ꓡꓳꓸ ꓬꓰꓳ= ꓙꓲꓻ ꓫꓬꓻ ꓢꓴ ꓔꓲꓺ ꓒ ꓪ ꓔꓲ Gregory ꓠꓬ ꓮ ꓟꓬꓹ ꓙꓵꓸ ꓠꓲ ꓙꓳꓹ ꓟ ꓔꓲꓺ ꓒ ꓪ ꓔꓲ ꓕꓲ ꓪ ꓥˍ ꓡꓳ=