ꓙꓲꓻ ꓫꓬꓻ ꓢꓴ ꓡꓴ‐ꓘ ꓑꓮꓲ꓿

ꓙꓲꓻ ꓫꓬꓻ ꓢꓴ ꓡꓴ‐ꓘ ꓑꓮꓲ꓿

ꓙꓲꓻ ꓫꓬꓻ ꓢꓴ ꓡꓴ‐ꓘ ꓠꓬ ꓠꓯꓻ ꓞꓲꓼ ꓟ. ꓒ ꓐꓰ ꓢꓲꓽ ꓫꓬ ꓕꓳ ꓶ ꓐꓳ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓠꓬ ꓮ‐ꓕꓲ‐ꓬ ꓘ, ꓗꓪ ꓐꓰ ꓠꓯꓻ ꓞꓲꓼ ꓟ. ꓒ ꓥ ꓡꓳ꓿ ꓝꓮꓲ ꓬꓲ ꓠꓬ ꓬꓲ. ꓒꓬꓱ ꓮ ꓟꓬ, ꓐꓳ ꓖꓴ. ꓢꓴ ꓢꓪ. ꓖꓴ. ꓢꓴ ꓕꓲ ꓣꓳ ꓥ  ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓟ, ꓟ ꓟ‐ꓡꓲ ꓒꓬꓱ ꓔꓯ ꓬꓲ. ꓪꓴ. ꓐꓳ ꓢꓴ ꓢꓪ ꓢꓴ ꓥ ꓡꓳ꓿ꓙꓲꓻ ꓫꓬꓻ ꓢꓴ ꓡꓴ‐ꓘ ꓡꓰ ꓐꓳ ꓗꓷ ꓟ ꓒꓬꓱꓽ ꓢꓪ ꓢꓷ. ꓠꓲ, ꓔꓯ ꓢꓷ. ꓠꓲ, ꓙꓳ ꓒꓽ ꓐꓴ ꓢꓳꓻ ꓣꓴ ꓗꓷ ꓟ ꓥ ꓡꓳ꓿

ꓙꓲꓻ ꓫꓬꓻ ꓢꓴ ꓡꓴ‐ꓘ ꓠꓬ ꓬꓲ. ꓪꓴ. ꓓꓽ ꓪꓴ. ꓢꓲꓺ ꓒ ꓬꓰ‐ꓢꓴ ꓡꓰ ꓚꓺ ꓗꓷ ꓟ ꓙꓵꓻ ꓠꓲ, ꓔꓯ ꓘꓳ ꓣꓴ ꓢꓴ ꓐꓴ ꓗꓪ ꓐꓰ ꓕꓲ ꓣꓳ ꓥ ꓡꓳ꓿ ꓬꓲ ꓠꓬ ꓝꓲ ꓓꓴ ꓒꓳ‐ꓡꓳ ꓐꓰ ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓚꓺ ꓟ ꓙꓵ, ꓗꓪ ꓙꓰ ꓢꓴ ꓥ ꓡꓳ꓿ ꓣꓳ‐ꓟ ꓗꓪ ꓝꓲ ꓓꓴ ꓒꓳ‐ꓡꓳ ꓔꓯ ꓐꓱ ꓓꓵꓽ ꓗꓪ ꓐꓱ ꓗꓷ ꓟ  ꓙꓵ, ꓗꓪ ꓙꓲꓻ ꓫꓬꓻ ꓢꓴ ꓡꓴ‐ꓘ   ꓥ ꓟꓲ ꓐ ꓗꓷ ꓟ ꓥ ꓡꓳ꓿ ꓝꓲ ꓓꓴ ꓒꓳ‐ꓡꓳ ꓡꓰ ꓐꓳ ꓗꓷ ꓟ ꓢꓲꓽ ꓫꓬ ꓕꓳ ꓶ ꓥ ꓟ (2 ꓕꓲ‐ꓟꓳ‐ꓕꓲ‐ꓪꓴ ‐ꓕꓲ‐ꓪꓴ) ꓡꓴ‐ꓘ ꓕꓲ ꓣꓳ ꓡꓰꓽ ꓥꓪˍ ꓐꓰ ꓔꓬ ꓡꓳ꓿ ꓥꓪ ꓠꓬ ꓟꓬꓱꓽ ꓗꓪ ꓟ‐ꓘꓳ ꓔꓯ ꓣꓱꓽ ꓬꓯꓼ ꓠꓬꓲ꓾ ꓠꓴ ꓐꓰ ꓕꓲ ꓛꓳˍ ꓬꓲ ꓔꓯ ꓧꓳꓽ ꓔꓯ, ꓡꓯ꓿ ꓢꓲꓽ ꓫꓬ ꓕꓳ ꓶ ꓗꓪ ꓡꓳ ꓟꓳ. ꓪ ꓡꓳ꓿

ꓝꓲ ꓓꓴ ꓒꓳ‐ꓡꓳ ꓠꓬ ꓮ.ꓓ 64 ꓗꓪ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓚꓺ ꓟ ꓙꓵ, ꓗꓪ ꓢꓰꓼ ꓗꓷ ꓟ ꓔꓯ ꓔꓳ, ꓜꓳꓽ ꓡꓰ ꓟ ꓥ ꓡꓳ꓿ ꓝꓲ ꓓꓴ ꓒꓳ‐ꓡꓳ ꓫꓵꓻ ꓡꓰ ꓗ, ꓠꓯꓻ ꓙꓲꓻ ꓫꓬꓻ ꓢꓴ ꓡꓴ‐ꓘ ꓠꓬ Greek ꓗꓴꓷꓼ ꓗꓪ ꓔꓬ ꓗꓷꓳ꓿ ꓪꓴ‐ꓢ ꓶ ꓓꓳ ꓫꓱꓼ ꓓꓳ ꓐꓰ ꓝꓲ ꓓꓴ ꓕꓳ ꓶ ꓔꓯ Greek ꓗꓪ ꓐꓰ ꓐꓳ ꓗꓷ ꓟ ꓥ ꓡꓳ꓿ ꓪꓴ‐ꓢ ꓶ ꓓꓳꓽ ꓫꓱꓼ ꓓꓳ ꓐꓳ ꓢꓴ ꓡꓲ ꓣꓳ ꓗꓪ ꓐꓰ ꓙꓲꓻ ꓫꓬꓻ ꓢꓴ ꓡꓴ‐ꓘ ꓠꓬ ꓢꓲꓺ ꓒ ꓬꓰ‐ꓢꓴ ꓦꓵꓻ ꓡ ꓟ ꓚꓱ, ꓝꓮꓲ ꓟ‐ꓡꓲ ꓠꓬ ꓬꓲ‐ꓡꓲ‐ꓫ‐ꓑꓷ ꓔꓬ ꓗꓪ ꓙꓰˍ ꓟ ꓓꓳꓽ ꓮ ꓟꓬ, ꓫꓵꓽ ꓔꓯ ꓐꓳ ꓢꓴ ꓥ ꓡꓳ꓿ꓙꓲꓻ ꓫꓬꓻ ꓢꓴ ꓡꓴ‐ꓘ ꓠꓬ ꓕꓳ ꓶ ꓮ ꓟꓬ, ꓢꓷ. ꓢꓴ ꓥ ꓟ ꓪꓴ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓚꓱ, ꓔꓯ ꓐꓳ ꓢꓴ ꓟꓲ ꓥ ꓡꓳ꓿ ꓙꓲꓻ ꓫꓬꓻ ꓢꓴ ꓡꓴ‐ꓘ ꓬꓲ ꓞꓲꓼ 84 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓳꓽ ꓖꓳꓽ ꓓꓱ ꓡꓳ ꓬꓰꓳ꓿ ꓬꓲ ꓧꓪꓽ ꓖꓳꓽ ꓓꓱꓽ ꓔꓯ Turkey ꓗꓴꓷꓼ Istanbull ꓡꓳ ꓒꓱ  ꓗꓪ ꓓꓵꓼ ꓔ ꓟ ꓥ ꓡꓳ꓿ ꓙꓲꓻ ꓫꓬꓻ ꓢꓴ ꓡꓴ‐ꓘ ꓔꓯ ꓘꓴ ꓜꓲꓼ ꓞꓳ ꓠꓬ ꓮ ꓟꓬ ꓟꓬꓱꓽ ꓓꓳꓽ ꓖꓶ ꓔꓬ ꓟ ꓥ ꓡꓳ꓿