ꓙꓲꓻ ꓫꓬꓻ ꓢꓴ Andrew Kim Taegon, Paul ꓐꓰ ꓬꓲ ꓛꓳ ꓒꓯ ꓐꓴ ꓑꓮꓲ꓿

ꓙꓲꓻ ꓫꓬꓻ ꓢꓴ Andrew Kim Taegon, Paul ꓐꓰ ꓬꓲ ꓚꓳ ꓒꓯ ꓐꓴ ꓑꓮꓲ꓿

ꓙꓲꓻ ꓫꓬꓻ ꓢꓴ Andrew Kim Taegon, ꓐꓰ ꓢꓳ ꓤ ꓒꓳ ꓡꓳ ꓐꓰ ꓬꓲ ꓛꓳ ꓒꓯ 78 ꓣꓳ ꓔꓯ ꓗꓳꓣꓰꓮ ꓗꓴꓷꓼ ꓗꓪ 1839 ꓘꓳꓼ ꓐꓰ 1846 ꓘꓳꓼ ꓕꓯ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓗꓷꓳ꓿ ꓬꓲ ꓪ ꓜꓴꓻ ꓠꓬ ꓬꓲ, ꓪꓴ. ꓗꓳꓣꓰꓮ ꓗꓴꓷꓼ ꓗꓪ ꓐꓰ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓱꓼ ꓗꓷ ꓢꓴ ꓐꓴ  ꓥ ꓡꓳ꓿ ꓬꓲ ꓪ ꓔꓯ ꓡꓯꓻ ꓐꓲ ꓗꓪ ꓮ‐ꓕꓽ ꓡꓰ ꓓꓶꓺ ꓗꓷ ꓟ ꓐꓰ ꓮ ꓘꓶ. ꓫ. ꓙꓵꓻ ꓢꓲ ꓠꓬꓲ ꓢꓰꓼ ꓗꓷ ꓟ ꓥ ꓡꓳ꓿ ꓗꓳꓣꓰꓮ ꓗꓴꓷꓼ ꓗꓪ ꓪꓴ‐ꓢ ꓦꓻ ꓡꓱ ꓢꓴ ꓙꓵꓻ ꓠꓲ, ꓛꓲ ꓡ ꓗꓷ ꓗ, ꓠꓯ  ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓔꓯ ꓢꓰꓼ ꓗꓷꓳ꓿

ꓔꓲꓺ ꓒ ꓮꓠꓓꓣꓰꓪ ꓗꓲꓟ ꓔꓮꓰꓖꓳꓠ ꓠꓬ ꓗꓳꓣꓰꓮ ꓗꓴꓷꓼ ꓗꓪ ꓐꓰ ꓬꓲ ꓪꓴ. ꓗ‐ꓕꓳ‐ꓡꓲ ꓔꓲꓺ ꓒ ꓒꓬꓱꓼ ꓡ ꓢꓴ ꓥ ꓡꓳ꓿ ꓬꓲ ꓔꓯ 1821 ꓘꓳꓼ ꓕꓯ Seoul ꓡꓳ ꓒꓱ ꓗꓪ ꓦꓵꓻ ꓗꓷꓳ꓿ 1845 ꓘꓳꓼ ꓔꓯ ꓧꓶꓽ ꓗꓴꓷꓼ ꓫ‐ꓧ ꓡꓳ ꓒꓱ ꓗꓪ ꓔꓲꓺ ꓒ ꓔꓲ ꓪ ꓒꓬꓱꓼ ꓡ ꓪ꓿ ꓔꓲꓺ ꓒ ꓮꓠꓓꓣꓰꓪ ꓠꓬ ꓔꓲꓺ ꓒ ꓒꓬꓱꓼ ꓗ,ꓠꓯ ꓗꓳꓣꓰꓮ ꓗꓴꓷꓼ ꓗꓪ ꓡ ꓙꓰ ꓟ ꓙꓽ ꓖꓴ ꓗꓪ ꓟꓵꓽ ꓫ ꓗꓼ ꓗꓽ ꓢꓴ ꓟꓯꓼ ꓐꓴ ꓡꓰ ꓬꓲ ꓔꓯ ꓣꓴ ꓟꓶ ꓡꓰꓳ꓿ ꓔꓲꓺ ꓒ ꓠꓬ ꓗꓳꓣꓰꓮ ꓗꓴꓷꓼ ꓗꓪ ꓗ‐ꓕꓳ‐ꓡꓲ ꓙꓵꓻ ꓠꓲ, ꓚꓱ, ꓔꓯ ꓟ. ꓖꓶ ꓠ, ꓟ ꓢꓯꓼ ꓕꓵꓼ ꓢꓴ ꓥ ꓡꓳ꓿ ꓔꓲꓺ ꓒ ꓮꓠꓓꓣꓰꓪ ꓗꓲꓟ ꓔꓮꓰꓖꓳꓠ ꓔꓯ ꓢꓰꓳꓴꓡ ꓡꓳ ꓒꓱ ꓑ ꓕꓲ ꓗꓪ ꓙꓳ ꓟ ꓧꓮꓠ ꓙꓲ ꓙꓬꓻ ꓡꓳ ꓗꓪ ꓢꓰꓼ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓮꓠꓓꓣꓰꓪ ꓠꓬ ꓗꓳꓣꓰꓮ ꓔꓲꓺ ꓒ ꓐꓴ ꓔꓯ ꓬꓰ ꓙ ꓢꓴ ꓙꓲꓻ ꓫꓬꓻ ꓢꓴ “Patron of the Korean Clergy,  ꓐꓰ ꓟꓬꓱꓺ ꓔ ꓟ ꓥ ꓡꓳ꓿

Add new comment

7 + 0 =