ꓙꓲꓻ ꓫꓬꓻ ꓢꓴ Bernard ꓑꓮꓲ

ꓙꓲꓻ ꓫꓬꓻ ꓢꓴ Benard ꓑꓮꓲ

ꓙꓲꓻ ꓫꓬꓻ ꓢꓴ Bernard ꓔꓯ AD 1380 ꓘꓳꓼ ꓕꓯ Italy ꓗꓴꓷꓼ Siena ꓡꓳ ꓒꓱ Marittinma ꓘꓹ ꓗꓪ ꓬꓲ ꓔꓯ ꓦꓵꓻ ꓗꓷꓳ= ꓙꓲꓻ ꓫꓬꓻ ꓢꓴ Bernard ꓬꓲ ꓐꓹ ꓐꓽ ꓐꓰ ꓟ ꓟꓹ ꓠꓬ꓾ ꓬꓲ ꓞꓲꓼ ꓣꓳ ꓟ ꓙꓵꓼ ꓗꓪ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳˍ ꓬꓰꓳ= ꓙꓲꓻ ꓫꓬꓻ ꓢꓴ Bernard ꓔꓯ ꓬꓲ ꓮꓽ-ꓪꓴ ꓡꓰ ꓡꓳꓸ ꓙ ꓖꓶ ꓗꓷꓳ= ꓙꓲꓻ ꓫꓬꓻ ꓢꓴ Bernard ꓬꓲ ꓞꓲꓼ 17 ꓘꓳꓼ ꓕꓯ ꓔꓲꓺ ꓒ ꓜꓴ ꓗꓪ ꓓꓵ ꓡꓰꓳ=

ꓙꓲꓻ ꓫꓬꓻ ꓢꓴ Bernard ꓠꓬ ꓪꓴ-ꓢ ꓔꓯ ꓮ ꓕꓯ ꓥˍ ꓟꓲ꓾  ꓪꓽ ꓘꓴ ꓢꓴ  ꓥˍ ꓡꓳ= ꓔꓲꓺ ꓒ ꓜꓴꓼ ꓗꓪ ꓓꓵ ꓡꓰ ꓟꓹ  ꓬꓲꓹ ꓙꓵ ꓟꓽ ꓟꓶ ꓫꓵꓽ ꓕꓯ ꓙꓲꓻ ꓫꓬꓻ ꓢꓴ Bernard ꓠꓬ꓾ ꓪꓴ-ꓢ ꓟꓬꓱꓽ ꓟꓯꓹ ꓠꓹ ꓟ ꓔꓲꓺ ꓒ ꓕꓲ ꓪ ꓒꓬꓱꓼ ꓡꓰꓳ= ꓙꓲꓻ ꓫꓬꓻ ꓢꓴ Bernard ꓠꓬ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓗꓸ ꓠꓯꓹ 12 ꓘꓳꓼ ꓕꓯ꓾ ꓔꓲꓺ ꓒ ꓜꓴ ꓗꓪ ꓧꓳꓽ ꓪꓴꓸ ꓟꓴ ꓢꓴ ꓡꓰ꓾ ꓙꓲꓻ ꓫꓬꓻ ꓢꓴ Bernard ꓔꓯ Italy ꓗꓴꓓꓼ ꓗꓪ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓙꓵꓽ ꓪ ꓖꓶˍ ꓗꓷꓳ= ꓙꓲꓻ ꓫꓬꓻ ꓢꓴ Bernard ꓠꓬ ꓮ ꓟꓬꓹ ꓙꓵ ꓠꓲꓸ ꓙꓳꓻ ꓟ ꓔꓲꓺ ꓒ ꓕꓲ ꓪ ꓥˍ ꓟꓹ ꓪꓴꓸ ꓠꓬꓲ꓾ ꓬꓲ ꓟꓸ ꓟꓲꓽ ꓚꓺ ꓔꓯ ꓡ ꓞꓳ ꓮ ꓟꓬꓹ ꓓꓴ ꓙꓽ ꓒꓳ ꓡꓲˍ ꓡꓰꓳ=

ꓕꓲ ꓧꓪ ꓕꓯ ꓙꓲꓻ ꓫꓬꓻ ꓢꓴ Bernard ꓠꓬ꓾ Bologna ꓡꓳ ꓒꓱ ꓗꓪ ꓟꓸ ꓟꓲꓽ ꓚꓺ ꓡ ꓟꓹ ꓪꓴꓸ ꓠꓬꓲ꓾ ꓟꓽ ꓙꓲ ꓟ ꓟꓬꓱꓽ ꓬꓰ ꓔꓬ ꓢꓴ ꓡ ꓞꓳ ꓮ ꓟꓬꓹ ꓒꓳꓸ ꓡꓲˍ ꓡꓳ= ꓖꓳ ꓕꓯ ꓟꓽ ꓙꓲ ꓟꓹ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓙꓲꓻ ꓫꓬꓻ ꓢꓴ Bernard ꓔꓯ ꓥꓪ ꓠꓴ ꓮ ꓫꓵꓽ ꓬꓰ ꓠꓯꓹ ꓟ ꓟꓸ ꓖꓶ ꓡꓯˍ ꓐꓰ ꓫꓸ ꓕꓱˍ ꓡꓳ= ꓙꓲꓻ ꓫꓬꓻ ꓢꓴ Bernard ꓠꓬ꓾ ꓪꓴ-ꓢ ꓒꓬꓱꓼ ꓔꓯ ꓠꓴ ꓟꓬꓱꓽ ꓬꓰ ꓔꓶꓸ ꓗꓪ ꓙꓳ ꓝꓲ ꓐꓰ ꓫꓸ ꓕꓱˍ ꓖꓶˍ ꓡꓳ= ꓟꓽ ꓙꓲ ꓟ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓠꓬ꓾ ꓙꓲ ꓟ ꓟꓬꓱꓽ ꓔꓯ ꓮ ꓟꓬꓹ ꓢꓯꓼ ꓕꓵ ꓢꓲ ꓠꓬꓲ꓾ ꓪꓴ-ꓢ ꓟꓬꓱꓽ ꓗꓪ ꓬꓰ ꓙ  ꓢꓴ ꓒꓬꓱ ꓡ ꓪ=ꓙꓲꓻ ꓫꓬꓻ ꓢꓴ Bernard ꓠꓬ꓾ AD 1444 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓸ ꓬꓰꓳ=                                                            

 

 

Add new comment

1 + 0 =