ꓙꓲꓻ ꓫꓬꓻ ꓢꓴ Clare ꓑꓮꓲ꓿

ꓙꓲꓻ ꓫꓬꓻ ꓢꓴ Clare ꓑꓮꓲ꓿

ꓙꓲꓻ ꓫꓬꓻ ꓢꓴ Clare ꓠꓬ ꓫ ꓢꓴ ꓢꓷꓼ ꓢꓴ ꓔꓯ ꓬꓰ ꓙ ꓔ ꓙ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓢꓴ ꓙꓲꓻ ꓫꓬꓻ ꓢꓴ ꓕꓲ ꓣꓳ ꓥ ꓡꓳ꓿ 1193 ꓘꓳꓼ ꓔꓯ Assisi ꓡꓳ ꓒꓱ ꓮ ꓘꓶ. ꓒꓴ ꓫꓵꓽ ꓙꓳ ꓢꓴ ꓕꓲ ꓦꓲꓻ ꓗꓪ ꓐꓰ ꓬꓲ ꓔꓯ ꓦꓵꓻ ꓗꓷꓳ꓿ ꓬꓲ ꓠꓬ ꓙꓲꓻ ꓫꓬꓻ ꓢꓴ Assisi ꓡꓰ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓟ ꓔꓯ ꓠꓽ ꓡꓳ ꓪ ꓗꓷ ꓠꓬ ꓬꓲ ꓠꓬ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓓꓴ ꓙ ꓗꓷꓳ꓿

ꓙꓲꓻ ꓫꓬ ꓢꓴ Clare ꓔꓯ ꓔꓲꓺ ꓟ ꓙꓳ ꓦꓲꓻ ꓗꓪ ꓙꓲꓻ ꓫꓬ ꓢꓴ Francis Assisi ꓠꓬ ꓧꓳꓽ ꓙꓰꓳ꓿ ꓙꓲꓻ ꓫꓬꓻ ꓢꓴ Clare ꓪꓴ‐ꓢ ꓟꓬꓱꓽ ꓗꓪ ꓮ ꓘꓶ. ꓢꓯꓼ ꓕꓵꓼ ꓗꓷꓳ꓿ ꓙꓲꓻ ꓫꓬꓻ ꓢꓴ Clare ꓔꓲꓺ ꓟ ꓕꓲ ꓪ ꓒꓬꓱꓼ ꓡ ꓕꓯ (Poor Clare) ꓟꓬꓱꓺ ꓟ ꓜꓴꓻ ꓔꓯ ꓒꓴ ꓢꓲ ꓠꓬꓲ ꓫ. ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓔ ꓙ ꓗꓷꓳ꓿ ꓙꓲꓻ ꓫꓬꓻ Clare ꓦꓻ ꓕꓲ ꓒꓳ ꓗꓪ ꓮ ꓟꓬ, ꓢꓯꓼ ꓕꓵꓼ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓮ ꓕꓯ ꓟꓲ ꓢꓯꓼ ꓕꓵꓼ ꓢꓴ ꓥ ꓡꓳ꓿

AD 1228 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Gregory (9) ꓠꓬ ꓜꓽ ꓚꓲ. ꓚꓲ. ꓪꓽ ꓘꓴ ꓟ ꓔꓯ ꓮ ꓟꓬ ꓟꓽ ꓬꓰ ꓠ, ꓟ ꓐꓯ ꓖꓶ ꓗꓷꓳ꓿ ꓖꓳ ꓡꓱ ꓥ ꓟꓲ ꓙꓲꓻ ꓫꓬꓻ ꓢꓴ Clare ꓠꓬ ꓦꓻ ꓕꓲ ꓒꓳ ꓗꓪ ꓪꓴꓽ ꓟꓴ ꓡ ꓠ, ꓟ ꓢꓯꓼ ꓕꓵꓼ ꓟ ꓚꓱ, ꓔꓯ ꓐꓯ ꓖꓶ ꓗꓷꓳ꓿ 1224 ꓘꓳꓼ ꓕꓯ ꓪ ꓔꓲ Fredrick (2) ꓠꓬ Assisi ꓡꓳ ꓒꓱ ꓔꓯ ꓟꓯꓼ ꓢꓰꓼ ꓡ ꓠ, ꓟ ꓡ ꓕꓯ ꓙꓲꓻ ꓫꓬꓻ ꓢꓴ Clare ꓠꓬ ꓢꓲꓽ ꓫꓬ ꓑ, ꓑ ꓔꓯ ꓓꓯꓼ ꓢꓲ ꓠꓬꓲ ꓪ ꓔꓲ ꓔꓯ ꓫ. ꓕꓱ ꓗꓷꓳ꓿ ꓪ ꓔꓲ ꓟꓯꓼ ꓜꓴꓻ ꓠꓬ Assisi ꓡꓳ ꓒꓱ ꓔꓯ ꓟꓯꓼ ꓟ ꓢꓰꓼ ꓡ ꓙꓰꓳ꓿ 1253 ꓘꓳꓼ ꓕꓯ ꓙꓲꓻ ꓫꓬ ꓢꓴ Clare ꓠꓬ ꓢꓲꓺ ꓒ ꓠꓯꓻ ꓗꓪ ꓬꓲꓼ ꓟꓶ ꓡꓰꓳ꓿