ꓙꓲꓻ ꓫꓬꓻ ꓢꓴ Regina ꓑꓮꓲ=

ꓙꓲꓻ ꓫꓬꓻ ꓢꓴ Regina ꓑꓮꓲ=

ꓙꓲꓻ ꓫꓬꓻ ꓢꓴ Regina ꓠꓬ AD 300 ꓘꓳꓼ ꓕꓯ Alesia ꓡꓳ ꓒꓱ Alise ꓘꓹ ꓗꓪ ꓔꓬ ꓢꓴ ꓥˍ ꓡꓳ= ꓙꓲꓻ ꓫꓬꓻ ꓢꓴ Regina ꓦꓵꓻ ꓗꓷ ꓕꓯ꓾ ꓬꓲꓹ ꓟꓸ ꓟ ꓠꓬ ꓟꓲ ꓠꓯ ꓗꓪ ꓐꓰ ꓧꓳꓽ ꓖꓳ ꓓꓱ ꓡꓳꓸ ꓬꓰꓳ= ꓙꓲꓻ ꓫꓬꓻ ꓢꓴ Regina ꓬꓲ ꓟꓸ ꓟ ꓟꓲ ꓠꓯ ꓗꓪ ꓐꓰ ꓧꓳꓽ ꓖꓳ ꓓꓱ ꓡꓳꓸ ꓬꓰ ꓗꓸ ꓠꓯꓹˍ ꓠꓯꓹ ꓞꓲꓼ ꓦꓲꓻ ꓣꓱ ꓙꓹ ꓢꓴ ꓠꓯꓹ ꓞꓲꓼ ꓟꓸ ꓟ ꓠꓬ꓾ ꓙꓲꓻ ꓫꓬꓻ ꓢꓴ Regina ꓔꓯ ꓪꓴ-ꓢ ꓦꓻ ꓡꓱ ꓠꓹ ꓟ ꓖꓳ ꓓꓱ ꓓꓶꓹ ꓖꓶˍ ꓗꓷꓳ= ꓪꓴ-ꓢ ꓟꓽ ꓦꓻ ꓡꓱ ꓢꓴ ꓙꓲꓻ ꓫꓬꓻ ꓢꓴ Regina ꓬꓲꓹ ꓐꓸ ꓐꓽ ꓠꓬ꓾ ꓙꓲꓻ ꓫꓬꓻ ꓢꓴ Regina ꓔꓯ ꓖꓳ ꓓꓱ ꓓꓶꓹ ꓖꓶ ꓟ ꓓꓳꓽ ꓢꓷꓸ ꓡꓰ ꓗꓸ ꓠꓯꓹ ꓙꓲꓻ ꓫꓬꓻ ꓢꓴ Regina ꓔꓯ ꓠꓯꓹ ꓞꓲ ꓟꓸ ꓟ ꓔꓯ ꓖꓶˍ ꓗꓷꓳ=

ꓙꓲꓻ ꓫꓬꓻ ꓢꓴ Regina ꓠꓬ ꓠꓯꓹ ꓞꓲꓼ ꓟꓸ ꓟ ꓐꓰ ꓕꓲ ꓪ ꓔꓬ ꓢꓲ ꓠꓬꓲ꓾ ꓦꓻ ꓕꓲ ꓒꓳ ꓗꓪ ꓮ ꓟꓬꓹ ꓢꓯꓼ ꓕꓵ ꓗꓷꓳ= ꓙꓲꓻ ꓫꓬꓻ ꓢꓴ Regina ꓠꓬ ꓙꓲꓸ ꓟ ꓟꓬꓱꓽ ꓮ ꓟꓬꓹ ꓬꓰ ꓢꓴ ꓟꓲ꓾ ꓥˍ ꓡꓳ=ꓙꓲꓻ ꓫꓬꓻ ꓢꓴ Regina ꓬꓲ ꓞꓲ 15 ꓘꓳꓼ ꓕꓯ AD251 ꓘꓳꓼ ꓕꓯ ꓡꓳ ꓒꓱ ꓙꓵꓽ ꓢꓲꓽ ꓒꓽ Olybrius ꓟꓬꓱꓺ ꓢꓴ ꓠꓬ꓾ꓬꓲ ꓦꓲꓻ ꓢꓲ ꓟ ꓬꓰ ꓠꓹ ꓟ ꓬꓰ ꓡꓳ= ꓖꓳ ꓡꓱ ꓥ ꓟꓲ꓾ ꓙꓲꓻ ꓫꓬꓻ ꓢꓴ Regina ꓠꓬ ꓟꓽ ꓘꓳꓽ ꓣꓴ= ꓙꓲꓻ ꓫꓬꓻ ꓢꓴ Regina ꓠꓬ ꓡꓳ ꓒꓱ ꓙꓵꓽ ꓢꓲꓽ ꓒꓽ Olybrius ꓓꓰꓽ ꓟꓽ ꓔꓯ ꓟꓽ ꓘꓳꓽ ꓣꓴ ꓟ ꓪꓴꓸ ꓠꓬꓲ꓾ ꓐꓱ ꓓꓵ ꓓꓳꓻ ꓦꓲꓻ ꓗꓪ ꓗꓶ ꓗꓰꓳ=

ꓙꓲꓻ ꓫꓬꓻ ꓢꓴ Regina ꓐꓶ ꓓꓵ ꓗꓪ ꓔꓬ ꓕꓯ ꓮ ꓟꓬꓹ ꓫꓸ ꓓꓴ ꓔꓳꓹ ꓜꓳ ꓗꓰꓳ= ꓗꓸ ꓠꓯꓹ ꓠꓬ ꓙꓲꓻ ꓫꓬꓻ ꓢꓴ Regina ꓔꓯ ꓡꓳ ꓒꓱ ꓙꓵꓽ ꓢꓲꓽ ꓒꓽ ꓠꓬ꓾ ꓢꓰꓼ ꓗꓷꓳ= ꓙꓲꓻ ꓫꓬꓻ ꓢꓴ Regina ꓠꓬ ꓫꓸ ꓢꓴ ꓟꓶ ꓓꓴ ꓮ ꓟꓬꓹ ꓔꓳꓸ ꓜꓳ ꓥˍ ꓟꓲ ꓪꓴ-ꓢ ꓔꓯ ꓦꓻ ꓡꓱ ꓟ꓾ ꓟꓽ ꓡꓳ ꓗꓷ ꓢꓴ ꓙꓲꓻ ꓫꓬꓻ ꓢꓴ Regina ꓢꓴ ꓔꓲ ꓪ ꓥˍ ꓡꓳ=