ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓚꓱ,

#creditphoto #St.Pope John (1) #rvalisu

ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓚꓱ,

ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓔꓯ Italy ꓗꓴꓷꓼ  (Tuscany) ꓡꓳ ꓒꓱ ꓗꓪ ꓬꓲ ꓔꓯ ꓦꓵꓻ ꓗꓷꓳ꓿ ꓬꓲ ꓠꓬ ꓞꓲꓼ ꓣꓳ ꓟ ꓙꓵ, ꓗꓪ ꓔꓲꓺ ꓒ ꓒꓬꓱꓼ ꓦꓲꓻ ꓗꓪ ꓓꓵ ꓡꓰꓳ꓿ ꓙꓲꓻ ꓢꓴ ꓬꓳ‐ꓦ ꓠꓬ (523) ꓘꓳꓼ ꓕꓯ ꓔꓲꓺ ꓒ ꓒꓬꓱꓼ ꓬꓰ ꓗ, ꓠꓯˍ ꓔꓲꓺ ꓒ ꓪ ꓔꓲ ꓒꓬꓱꓼ ꓡ ꓪ꓿ ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓠꓬ ꓔꓲꓺ ꓒ ꓪ ꓔꓲ ꓒꓬꓱꓼ ꓡ ꓗ, ꓠꓯ (Constantinople) ꓡꓳ ꓒꓱ ꓗꓪ ꓙꓰ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ Italy ꓗꓴꓷꓼ ꓙꓵꓽ ꓪ ꓔꓲ ꓡꓰ ꓑ ꓫꓬ ꓐꓴ ꓔꓯ ꓟꓽ ꓔꓱ ꓟ ꓕꓲ ꓒꓳ ꓗꓪ ꓐꓰ  ꓗꓴꓷꓼ ꓙꓵꓽ ꓚꓱ, ꓔꓯ ꓫꓬ ꓔꓱ ꓠ, ꓟ ꓫꓬ, ꓔꓱ ꓗꓷꓳ꓿ ꓔꓲꓺ ꓒ ꓪ ꓔꓲ ꓔꓯ (Constantinople) ꓗꓪ ꓔꓬ ꓟ ꓑ ꓫꓬ ꓐꓴ ꓡꓰ ꓠꓲ, ꓒꓴ ꓒꓴ ꓐꓰ ꓘꓳ ꓣꓴ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ Italy ꓗꓴꓷꓼ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓟꓽ ꓔꓱ ꓟ ꓗꓴꓷꓼ ꓙꓵꓽ ꓚꓱ, ꓔꓯ ꓟꓽ ꓣꓱ ꓠ, ꓟ ꓗꓴꓷꓼ ꓙꓵꓽ ꓪ ꓔꓲ ꓔꓯ ꓐꓯ ꓟ. ꓖꓶ ꓗꓷꓳ꓿ ꓔꓲꓺ ꓒ ꓪ ꓔꓲ ꓬꓳ ꓦ(1) Constantinople ) ꓡꓳ ꓒꓱ ꓗꓪ ꓛꓲ ꓟ ꓙꓵ, ꓗꓪ ꓟꓽ ꓙꓲˍ ꓟ ꓟꓬꓱꓽ ꓬꓰ ꓟ ꓑ ꓫꓬ ꓐꓴ ꓣꓱ ꓢꓴ ꓣꓱ ꓙꓵˍ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ  ꓮ.‐ꓔꓳ ꓛꓵ ꓩꓴ ꓗꓷꓳ꓿ ꓟꓽ ꓙꓵˍ ꓟ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓬꓲ ꓪ ꓟꓬꓱꓽ ꓐꓬꓱ ꓡꓰ ꓟ ꓑꓶ. ꓓꓴ ꓮ ꓟꓬ, ꓠꓲ, ꓟ ꓫ. ꓗꓷꓳ꓿

ꓙꓲꓻ ꓫꓬ ꓢꓴ Bernadine ꓠꓬ ꓟꓽ ꓙꓵˍ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓟꓬꓱꓽ ꓬꓰ ꓕꓯ ꓢꓲꓺ ꓒ ꓬꓰ‐ꓢꓴ ꓐꓬꓱ ꓔꓯ ꓣꓱ ꓢꓲ ꓠꓬꓲ ꓟꓬꓱꓽ ꓬꓰ ꓕꓯ ꓧꓪ. ꓡꓰ ꓟ ꓔꓯ ꓘꓳ ꓣꓴ ꓟꓶ ꓓꓴ ꓥꓳ ꓐꓰ ꓐꓯ ꓖꓶ ꓗꓷꓳ꓿ ꓬꓲ ꓪ ꓬꓰ ꓟ ꓟꓬꓱꓽ ꓮ ꓙꓵˍ ꓮ ꓘꓶ. ꓪꓴꓽ ꓟꓴ ꓡ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓟꓽ ꓙꓵˍ ꓟ ꓟꓬꓱꓽ ꓬꓰ ꓢꓴ ꓠꓬ ꓠꓲ, ꓟ ꓓꓴ ꓙ ꓒꓳ ꓡꓰ ꓡ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬ, ꓢꓯꓼ ꓕꓵꓼ ꓗꓷꓳ꓿

Add new comment

9 + 3 =