ꓙꓲꓻ ꓫꓬ ꓢꓴ ꓚꓡꓮꓣꓰ ꓑꓮꓲ:

St.Clare

ꓮ ꓙꓵꓹ ꓢꓴ ꓧꓪ. ꓧꓪꓸꓼ

ꓠꓬꓲꓸ ꓠꓬꓲ ꓠꓬ ꓙꓲꓻ ꓫꓬ ꓢꓴ ꓚꓡꓮꓣꓰ ꓑꓮꓲꓽ ꓥ ꓡꓳ = ꓙꓲꓻ ꓫꓬ ꓢꓴ ꓚꓡꓮꓣꓰ ꓠꓬ ꓫꓸ ꓢꓴ ꓟꓶꓽ ꓢꓴ ꓔꓯ ꓬꓲ ꓙ ꓔ ꓙˍ ꓟ “Poor clare” ꓜꓴꓻ ꓔꓯ ꓒꓴ ꓢꓴ ꓔꓲ-ꓟ ꓕꓲ ꓣꓳ ꓥ ꓡꓳ= ꓬꓲ ꓔꓯ 1193 ꓘꓳꓼ ꓕꓯ ꓲ-ꓔꓮ-ꓡꓲ ꓗꓴꓷꓼ ꓮ-ꓢꓲ-ꓢꓲ ꓡꓳ ꓒꓱ ꓗꓪ ꓮ ꓟꓬꓹ ꓒꓴꓻ ꓫꓵꓺ ꓙꓳˍ ꓟ ꓕꓲ ꓦꓲ ꓗꓪ ꓐꓰ ꓦꓵ ꓡ ꓢꓴ ꓕꓲ ꓣꓳ ꓥ ꓡꓳ=

ꓙꓲꓻ ꓫꓬ ꓢꓴ ꓚꓡꓮꓣꓰ ꓬꓲ ꓘꓳꓼ 19 ꓘꓳꓼ ꓡꓳꓹ ꓬꓰ ꓕꓯ ꓜ ꓝꓲꓸ ꓝꓸꓲ ꓙꓵꓻ ꓗꓪ ꓙꓲꓻ ꓫꓬ ꓢꓴ ꓮꓢꓢꓲꓢꓲ ꓗꓪ ꓐꓰ ꓪꓴ-ꓢ ꓟꓸ ꓟꓲ  ꓙ ꓖꓶ ꓡꓹ ꓟ ꓔꓯ ꓠ ꓡꓳꓸ ꓗꓷ ꓗ ꓠꓯꓸ꓾ ꓑꓳꓣꓔꓲꓠꓴꓚꓡꓮ ꓟꓬꓱ ꓔ ꓟ ꓪꓽ ꓘꓴ ꓦꓲ ꓗꓪ ꓙꓰ ꓢꓲ꓾ ꓬꓲ ꓢꓯꓸ ꓔꓬ ꓟ ꓤꓶꓻ ꓗꓪ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓓꓵꓽ ꓙ ꓗꓷꓳ=

ꓙꓲꓻ ꓫꓬ ꓢꓴ ꓮ-ꓢꓲ-ꓢꓲ ꓠꓬ ꓙꓲꓻ ꓫꓬ ꓢꓴ ꓚꓡꓮꓣꓰ ꓔꓯ ꓐꓮꓢꓔꓲꓮ  ꓗꓪ ꓙꓳˍ ꓟ ꓢꓲꓢꓔꓰꓣ ꓜꓳꓽ ꓗꓪ ꓔꓬ ꓝꓲˍ ꓡꓳ= ꓙꓲꓻ ꓫꓬ ꓢꓴ ꓚꓡꓮꓣꓰ ꓬꓲ ꓐꓹ ꓐ ꓐꓰ ꓟꓹ ꓟ ꓠꓬ  ꓬꓲ ꓪ ꓦꓲ ꓗꓪ ꓡꓽ ꓙꓰ ꓠ ꓟ ꓘꓴ ꓡˍ ꓥ ꓟꓲ꓾ ꓙꓲꓻ ꓫꓬ ꓢꓴ ꓚꓡꓮꓣꓰ ꓠꓬ ꓦꓲ ꓗꓪ ꓟ ꓡꓽ ꓙꓰ=

ꓙꓲꓻ ꓫꓬ ꓢꓴ ꓚꓡꓮꓣꓰ ꓠꓬ ꓪꓴ-ꓢ ꓔꓯ ꓮ ꓟꓬꓹ ꓪꓽ ꓘꓴ ꓢꓴ ꓕꓲ ꓣꓳ ꓥ ꓡꓳ= ꓬꓲ ꓠꓬ ꓜ ꓚꓵꓸ ꓚꓵꓸ ꓪꓽ ꓘꓴ꓾  ꓦ ꓕꓲ ꓒꓳꓹ ꓗꓪ ꓮ ꓟꓬꓹ ꓪꓴꓽ ꓟꓴ ꓡ ꓠꓹ ꓟ ꓢꓯꓼ ꓕꓵˍ ꓡꓳ=

ꓙꓲꓻ ꓫꓬ ꓚꓡꓮꓣꓰ ꓠꓬ ꓬꓲ ꓛꓳꓽ ꓒꓯꓹ ꓐꓴ ꓐꓰ  “Poor clare” ꓐꓯˍ ꓟ ꓜꓴꓻ ꓔꓯ ꓒꓴ ꓢꓲ ꓫꓸ ꓢꓴ ꓟꓶꓽ ꓢꓴ ꓐꓰ꓾ ꓜꓽ ꓓꓴ ꓓꓳ ꓓꓴ ꓟꓽ ꓙꓳ ꓟ ꓡ ꓞꓳ ꓔꓯ ꓬꓰ ꓙˍ ꓡꓳ=

ꓔꓲꓺ ꓒ ꓪ ꓔꓲꓸ Gregory 9 ꓠꓬ ꓙꓲꓻ ꓫꓬ ꓢꓴ ꓚꓡꓮꓣꓰ ꓔꓯ ꓟꓬꓱ ꓓꓳꓽ ꓖꓶ ꓗꓷꓳ= ꓙꓲꓻ ꓫꓬ ꓢꓴ ꓚꓡꓮꓣꓰ ꓠꓬ ꓮ ꓟꓬꓸ ꓢꓯꓼ ꓕꓵꓼ ꓢꓲ ꓠꓬꓲ ꓢꓯꓸ ꓔꓬ ꓗꓷꓳ=

1224 ꓘꓳꓼ ꓕꓯ ꓪꓺ ꓔꓲꓸ Frederick (2) ꓠꓬ ꓮ-ꓢꓲ-ꓢꓲ ꓡꓳ ꓒꓱ ꓔꓯ ꓟꓯꓼ ꓢꓰꓼ ꓡꓹ ꓕꓯ꓾  ꓮꓢꓢꓲꓢꓲ ꓗꓪ ꓙꓳˍ ꓟ ꓦꓲ ꓮ ꓟꓬꓹ ꓒꓬꓹ ꓩꓴ ꓪ = ꓖꓳ ꓕꓲ ꓙꓵꓹ ꓗꓪ ꓙꓲꓻ ꓫꓬ ꓢꓴ ꓚꓡꓮꓣꓰ ꓠꓬ ꓢꓲꓺ ꓒ ꓬꓰ-ꓢꓴ ꓬꓲꓸ ꓫꓵꓽ ꓬꓲꓸ ꓧꓪꓽ ꓥ ꓟ ꓢꓲꓽ ꓫꓬ ꓖꓳ ꓖꓱꓽ ꓔꓯ  ꓔꓯꓹ ꓢꓲ ꓠꓬꓲ ꓮꓢꓢꓲꓢꓲ ꓡꓳ ꓒꓱ ꓗꓪ ꓚꓳꓺ ꓔꓬ ꓡꓳ =

ꓖꓳ ꓟ ꓔꓯ ꓪꓺ ꓔꓲꓸ ꓢꓷ ꓡꓰ ꓠꓬ ꓮ-ꓢꓲ-ꓢꓲ ꓡꓳ ꓒꓱ ꓗꓪ ꓐꓰ ꓡꓽ ꓙꓰˍ ꓡꓳ=

ꓙꓲꓻ ꓫꓬ ꓢꓴ ꓚꓡꓮꓣꓰ ꓠꓬ 1253 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳꓹ ꓬꓰꓳ= ꓮ ꓙꓵꓽ ꓢꓴ ꓔꓯ ꓫꓸ ꓟꓳ ꓪ=

 

 

Add new comment

8 + 7 =