ꓙꓲꓻ ꓫꓬ ꓢꓴ ꓡꓴꓚꓬ ꓑꓮꓲ꓿ (St.Lucy)

ꓙꓲꓻ ꓫꓬ ꓢꓴ ꓡꓴꓚꓬ ꓑꓮꓲ꓿

ꓙꓲꓻ ꓫꓬ ꓢꓴ Lucy ꓠꓬ ꓟꓴ ꓖꓪꓽ ꓮ ꓟꓬꓽ ꓖꓪ ꓗꓴ ꓢꓴ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ꓿ ꓙꓲꓻ ꓫꓬ ꓢꓴ Lucy ꓠꓬ ꓟꓴ ꓖꓪꓽ ꓖꓪ ꓢꓴ ꓐꓴ ꓔꓯ ꓬꓰ ꓙ ꓢꓴ ꓙꓲꓻ ꓫꓬ ꓢꓴ ꓥ ꓡꓳ꓿ ꓬꓲ ꓠꓬ ꓮꓓ 300 ꓘꓳꓼ ꓛꓲ ꓕꓯ ꓲꓔꓮꓡꓬ ꓗꓴꓷꓼ Syracuse ꓡꓳ ꓒꓱ ꓗꓪ ꓮ ꓟꓬꓽ ꓛꓲ ꓒꓴ ꓫꓵꓺ ꓙꓳ ꓟ ꓕꓲ ꓦꓲꓻ ꓗꓪ ꓐꓰ ꓬꓲ. ꓔꓯ ꓦꓵꓻ ꓗꓷꓳ꓿ ꓙꓲꓻ ꓫꓬ ꓢꓴ Lucy ꓬꓲ. ꓐ, ꓐ ꓬꓲ. ꓞꓲꓼ ꓣꓳ ꓟ ꓙꓵ, ꓕꓯ ꓡꓰ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳꓽ ꓓꓰ ꓡꓺꓳ ꓬꓰꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ. ꓔꓯ ꓬꓲ. ꓟ, ꓟ ꓡꓰ ꓡꓳ. ꓙ ꓗꓷꓳ꓿

ꓙꓲꓻ ꓫꓬ ꓢꓴ Lucy ꓠꓬ ꓮ ꓟꓬꓽ ꓙꓵꓻ ꓠꓲ, ꓙꓳ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ. ꓠꓬ ꓪꓴ‐ꓢ ꓠꓯ, ꓗꓪ ꓮ ꓟꓬ, ꓪꓽ ꓘꓴ ꓢꓴ ꓥ ꓡꓳ꓿ ꓕꓲ ꓠꓬꓲ ꓙꓳ ꓕꓯ ꓬꓲ. ꓟ, ꓟ ꓐꓰ ꓙꓲꓻ ꓫꓬ ꓢꓴ ꓡꓴꓚꓬ ꓐꓴ ꓠꓬꓲꓽ ꓣꓳ ꓠꓬ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓠ, ꓟ ꓙꓰ ꓗꓷꓳ꓿ ꓙꓲꓻ ꓫꓬ ꓢꓴ ꓡꓴꓚꓬ ꓬꓲ. ꓟ, ꓟ ꓠꓬ ꓬꓲ. ꓠꓯ, ꓗꓪ ꓠꓻ ꓫꓵꓽ ꓔꓳ, ꓜꓳ ꓔꓬ ꓟ ꓗꓪ ꓐꓰ ꓜꓼ ꓐꓰ ꓓ ꓡꓰ ꓟ ꓪꓴ. ꓠꓬꓲ ꓙꓲꓻ ꓫꓬ ꓢꓴ ꓡꓴꓚꓬ ꓔꓯ ꓬꓲ. ꓓꓴ ꓙ ꓔ ꓟ ꓚꓱ, ꓗꓪ ꓞꓳ ꓫꓱ, ꓠ, ꓙꓵꓽ ꓪ ꓖꓶ ꓗꓷꓳ꓿

ꓙꓲꓻ ꓫꓬ ꓢꓴ ꓡꓴꓚꓬ ꓠꓬ ꓬꓲ. ꓕꓲ ꓞꓲꓼ ꓡꓱ ꓦꓲꓻ ꓢꓲꓺ ꓒ ꓟꓽ ꓣꓴ ꓠ, ꓟ ꓥ ꓡꓳ꓿ ꓬꓲ. ꓠꓬ ꓬꓲ. ꓧꓪꓽ ꓖꓳ ꓓꓱ ꓔꓯ ꓢꓲꓺ ꓒ ꓬꓰ‐ꓢꓴ ꓠꓯ, ꓗꓪ ꓡꓯꓼ ꓙꓱ ꓔ ꓡꓳ꓿ ꓙꓲꓻ ꓫꓬ ꓢꓴ ꓡꓴꓚꓬ ꓠꓬ ꓮ ꓘꓶ. ꓐꓲˍ ꓟ ꓤ ꓟꓶ ꓡꓯ ꓕꓲ ꓣꓳ ꓥ ꓟ ꓪꓴ. ꓠꓬꓲ ꓬꓲ. ꓔꓯ ꓤ ꓑ ꓤ ꓐꓴ ꓮ ꓟꓬ, ꓣꓳ ꓓꓰꓽ ꓡ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓬꓲ. ꓠꓬ ꓦꓲꓻ ꓢꓲꓺ ꓒ ꓟꓽ ꓧꓪ ꓠ, ꓐꓯ ꓟ. ꓖꓶ ꓗꓷꓳ꓿ ꓪ ꓔꓲ Diocletian ꓠꓬ ꓙꓲꓻ ꓫꓬ ꓢꓴ ꓡꓴꓚꓬ ꓔꓯ ꓣꓱ ꓢꓲ ꓠꓬꓲ ꓫꓵꓽ ꓪꓴꓽ ꓮ ꓟꓬ, ꓖꓶ ꓗꓷ ꓟ ꓥ ꓡꓳ꓿ ꓪ ꓔꓲ ꓠꓬ ꓙꓲꓻ ꓫꓬ ꓢꓴ ꓡꓴꓚꓬ ꓔꓯ ꓟꓽ ꓙꓲꓻ ꓟ ꓟꓬꓱꓽ ꓬꓰ ꓢꓴ ꓖꓳ ꓓꓱꓽ ꓪꓴꓽ ꓜꓽ ꓢꓴ ꓬꓰ ꓝꓲ. ꓡꓳ꓿

ꓖꓳ ꓡꓱ ꓥ ꓟꓲ ꓪꓴ‐ꓢ ꓠꓬ ꓙꓲꓻ ꓫꓬ ꓢꓴ ꓡꓴꓚꓬ ꓔꓯ ꓚꓬꓴ. ꓙ ꓗꓷꓳ꓿ ꓙꓲꓻ ꓫꓬ ꓡꓴꓚꓬ ꓔꓯ ꓟꓯꓼ ꓒꓽ ꓐꓴ ꓡꓰ ꓜꓳꓻ ꓔ ꓢꓲ ꓠꓬꓲ ꓮ ꓟꓬ, ꓛꓲ ꓫ. ꓟꓳ ꓗꓷꓳ꓿ ꓙꓲꓻ ꓫꓬ ꓢꓴ ꓡꓴꓚꓬ ꓟꓬ ꓢꓶ. ꓔꓯ ꓥ ꓟꓲ ꓟꓯꓼ ꓒꓽ ꓐꓴ ꓡꓰ ꓣꓴ ꓗꓷꓳ꓿ ꓕꓱ ꓡꓱ ꓐꓰ ꓙꓲꓻ ꓫꓬ ꓢꓴ ꓡꓴꓚꓬ ꓔꓯ ꓟꓯꓼ ꓒꓽ ꓐꓴ ꓡꓰ ꓮ ꓟꓬ, ꓛꓲ ꓓꓶꓽ ꓗꓷ ꓟ ꓪꓴ. ꓠꓬꓲ ꓙꓲꓻ ꓫꓬ ꓢꓴ ꓡꓴꓚꓬ ꓠꓬ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰꓳ꓿