ꓙꓲꓻ ꓫꓬ ꓢꓴ ꓡꓴ-ꓘ ꓑꓮꓲ=

ꓙꓲꓻ ꓫꓬ ꓢꓴ ꓡꓴ-ꓘ ꓑꓮꓲ=

ꓙꓲꓻ ꓫꓬ ꓢꓴ ꓡꓴ-ꓘ ꓠꓬ ꓠꓯꓼ ꓞꓲꓼ ꓫꓬꓹ ꓢꓴ ꓐꓴ ꓔꓯ ꓬꓰ ꓙ ꓢꓴ ꓙꓲꓻ ꓫꓬ ꓢꓴ ꓕꓲ ꓪ ꓥ ꓡꓳ= ꓙꓲꓻ ꓫꓬ ꓢꓴ ꓡꓴ-ꓘ ꓠꓬ Antioch ꓘꓹ ꓗꓪ ꓐꓰ ꓠꓯꓼ ꓞꓲꓼ ꓫꓬꓹ ꓒꓽ ꓓ ꓟ  ꓕꓲ ꓪ ꓥ ꓡꓳ= ꓬꓲ ꓠꓬ ꓟꓲ ꓠꓯ ꓢꓷꓸ ꓠꓲ ꓕꓳ ꓶ ꓥˍ ꓟꓲ ꓢꓷꓸ ꓢꓴ ꓥ ꓡꓳ= ꓬꓲ ꓠꓬ ꓢꓯꓼ ꓒꓬꓱꓼ ꓮ ꓟꓬꓹ ꓫꓬꓹ ꓗꓴꓸ ꓢꓴ ꓕꓲ ꓣꓳ ꓥ ꓡꓳ= ꓙꓲꓻ ꓫꓬ ꓢꓴ ꓡꓴ-ꓘ ꓠꓬ ꓢꓲ ꓒꓽ ꓬꓰ-ꓢꓴ ꓟꓹ ꓟ ꓟ-ꓡꓲ ꓒꓬꓱꓼ ꓔꓯ ꓬꓲꓸ ꓪꓴꓸ ꓐꓳ ꓢꓴ ꓥ ꓡꓳ=

ꓙꓲꓻ ꓫꓬ ꓢꓴ ꓡꓴ-ꓘ ꓠꓬ ꓢꓲ ꓒꓽ ꓬꓰ-ꓢꓴ ꓔꓯ ꓘꓳꓹ ꓣꓴ ꓟ ꓙꓲ ꓢꓴ ꓢꓲ ꓤ ꓐꓴ ꓗꓪ ꓟ ꓕꓲ ꓣꓳ ꓥ ꓡꓳ= ꓙꓲꓻ ꓫꓬ ꓢꓴ ꓡꓴ-ꓘ ꓠꓬ ꓝꓲ ꓓꓴ ꓒꓳ-ꓡꓳ ꓪꓴ-ꓢ ꓶꓽ ꓓꓳ ꓫꓬ ꓓꓳ ꓚꓺ ꓕꓯ ꓬꓰ ꓙ  ꓢꓴ  ꓢꓴ ꓕꓲ ꓣꓳ ꓟꓲ ꓥ ꓡꓳ=ꓙꓲꓻ ꓫꓬ ꓢꓴ ꓡꓴ-ꓘ ꓠꓬ ꓝꓲ-ꓓꓴ ꓒꓳ-ꓡꓳ ꓔꓯ ꓬꓰ ꓙ ꓢꓴ ꓟꓲ꓾ ꓥ ꓡꓳ= ꓝꓲ-ꓓꓴ ꓒꓳ-ꓡꓳ ꓔꓯ ꓣꓳ-ꓟ ꓢꓲꓽ ꓒ ꓐꓴ ꓡꓰ ꓐꓱ ꓓꓵ ꓗꓪ ꓔꓬ ꓝꓲꓸ ꓟ ꓙꓵ ꓗꓪ ꓝꓲ ꓓꓴ ꓒꓳ-ꓡꓳ ꓔꓯ ꓙꓲꓻ ꓫꓬ ꓢꓴ ꓡꓴ-ꓘ ꓮ ꓟꓬꓹ ꓬꓰ ꓙ ꓗꓷꓳ=(2 ꓕꓲ-ꓟꓳ-ꓕꓲ-ꓪꓴ 4ꓽ11) ꓗꓪ ꓡꓴ-ꓘ ꓕꓲ ꓣꓳˍ ꓡꓰꓽ ꓥꓪ ꓐꓰ ꓔꓬ ꓡ= ꓥꓪ ꓠꓬ ꓟꓬꓱꓽ ꓗꓪ ꓟ-ꓘꓳ ꓔꓯ ꓣꓱꓽ ꓬꓯꓼˍ ꓠꓬꓲ꓾ ꓠꓴ ꓐꓰ ꓕꓲ ꓛꓳˍ ꓬꓲ ꓔꓯ ꓧꓳꓽ ꓔꓯꓹ ꓡꓯ ꓐꓰ ꓡꓳꓸ ꓟꓳ ꓪ ꓡꓳ=

ꓝꓲ ꓓꓴ ꓒꓳ-ꓡꓳ ꓠꓬ AD 64 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓸ ꓬꓰꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓙꓲꓻ ꓫꓬ ꓢꓴ ꓡꓴ-ꓘ ꓠꓬ Greek ꓗꓴꓷꓼ ꓗꓪ ꓔꓬ ꓗꓷꓳ= ꓙꓲꓻ ꓫꓬ ꓢꓴ  ꓡꓴ-ꓘ ꓠꓬ Greek ꓗꓴꓷꓼ ꓗꓪ ꓔꓬ ꓕꓯ ꓢꓲꓽ ꓫꓬ ꓕꓳ ꓶ ꓔꓯꓹ ꓐꓳ ꓗꓷꓳ= ꓙꓲꓻ ꓫꓬ ꓢꓴ ꓡꓴ-ꓘ ꓡꓰ ꓐꓳ ꓔ ꓟ ꓢꓲꓽ ꓫꓬ ꓕꓳ ꓶ ꓠꓬ ꓮ ꓟꓬꓹ ꓵꓻ ꓢꓽ ꓟ ꓐꓰ ꓢꓷꓸ ꓢ ꓟꓹ ꓢꓲꓽ ꓫꓬ ꓕꓳ ꓶ ꓥ ꓡꓳ= ꓙꓲꓻ ꓫꓬ ꓢꓴ ꓡꓴ-ꓘ ꓬꓲ ꓞꓲꓼ 84 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓸ ꓬꓰꓳ= ꓙꓲꓻ ꓫꓬ ꓢꓴ ꓡꓴ-ꓘ ꓔꓯ Turkey ꓗꓴꓷꓼ Istanbul ꓡꓳ ꓒꓱ (Constantinople ) ꓡꓳ ꓒꓱ ꓗꓪ ꓓꓵꓸ ꓗꓷꓳ= ꓙꓲꓻ ꓫꓬ ꓢꓴ ꓡꓴ-ꓘ ꓠꓬ ꓮ ꓟꓬꓹ ꓟꓬꓱꓺ ꓓꓳꓽ ꓙꓳ ꓟ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ=