ꓙꓲꓻ ꓫꓬ ꓢꓴ ꓬ‐ꓗꓴ ꓐꓰ ꓒꓲ‐ꓡꓲ ꓑꓮꓲ

ꓙꓲꓻ ꓫꓬ ꓢꓴ ꓬ‐ꓗꓴ ꓐꓰ ꓒꓲ‐ꓡꓲ ꓑꓮꓲ

ꓝꓲ ꓓꓴ ꓬ‐ꓗꓴ ꓐꓰ ꓒꓲ‐ꓡꓲ ꓪꓽ ꓘꓴ ꓦꓲꓻ ꓔꓯ ꓣꓳ‐ꓟ ꓡꓳ ꓒꓱ ꓗꓪ ꓫꓬ, ꓦ ꓟ ꓥ ꓡꓳ꓿ 563 ꓘꓳꓼ ꓗꓪ ꓐꓰ ꓙꓲꓻ ꓫꓬ ꓢꓴ ꓠꓬꓲꓽ ꓣꓳ ꓔꓯ ꓟꓲ. ꓓꓳꓽ ꓖꓶˍ ꓒꓴ ꓗ ꓬꓰ ꓔꓬ ꓟ ꓥ ꓡꓳ꓿ ꓒꓲ‐ꓡꓲ ꓠꓬ ꓖ‐ꓡꓲ‐ꓡꓲ ꓟꓵꓽ ꓗꓪ ꓔꓬ ꓢꓴ ꓥ ꓡꓳ꓿ ꓬꓳ‐ꓦ ꓬꓲ,  ꓝꓲ ꓓꓴ ꓕꓲ ꓣꓳ ꓟꓲ ꓥ ꓡꓳ꓿ (ꓬꓳ‐ꓦ ꓕꓳ ꓶ 1ꓽ43‐46) ꓗ ꓠꓯ. ꓕꓲ ꓠꓬꓲ ꓬꓰ‐ꓢꓴ ꓠꓬ ꓖ‐ꓡꓲ‐ꓡꓲ ꓗꓪ ꓙꓰ ꓠ, ꓟ ꓚꓴꓽ ꓬꓲ, ꓓꓶꓽ ꓗꓷ ꓢꓲ꓾ ꓒꓲ‐ꓡꓲ ꓔꓯ ꓟꓳ ꓗꓷ ꓠꓬ ꓥꓪ ꓔꓯ ꓚꓳ ꓡꓯ꓾ ꓐꓯ ꓖꓶˍ ꓡꓳ꓿ ꓒꓲ‐ꓡꓲ ꓠꓽ ꓐꓱ‐ꓢꓰ‐ꓓ ꓢꓴ ꓥ ꓢꓲ ꓯ‐ꓓꓱ‐ꓣꓴˍ ꓐꓰ ꓒꓲ‐ꓔꓱ ꓐꓰ ꓕꓲ ꓡꓳ ꓒꓱˍ ꓢ ꓥ ꓡꓳ꓿

(ꓬꓳ‐ꓦ 14ꓽ8‐9) ꓒꓲ‐ꓡꓲ ꓡꓰ ꓬꓲ ꓔꓯ ꓢꓲ ꓒꓽꓳ ꓐ, ꓐ ꓥꓪ ꓠꓴꓽ ꓔꓯ ꓟꓳ. ꓖꓶ ꓡꓯ꓿  ꓖꓳ ꓡꓱ ꓠꓬ ꓥꓪ ꓠꓴꓽ ꓠꓽ ꓠꓲ, ꓘꓪꓽ ꓫꓵˍ ꓥꓳ꓾ ꓐꓯˍ ꓡꓳ꓿ ꓬꓰ‐ꓢꓴ ꓡꓰ ꓬꓲ ꓔꓯ ꓒꓲ‐ꓡꓲꓳ꓾ ꓥꓪ ꓠꓬ ꓠꓴˍ ꓐꓰ ꓕꓱ ꓟꓶ ꓛꓲ ꓔꓬ ꓗꓷˍ ꓟꓲ ꓠꓴ ꓥꓪ ꓔꓯ ꓟꓽ ꓢꓷ. ꓢꓰꓽ ꓡ ꓥꓪ ꓔꓯ ꓟꓳꓻ ꓠꓬꓲ ꓢꓴ ꓠꓬ ꓐ, ꓐ ꓔꓯ ꓟꓳ ꓠꓬꓲ ꓟ ꓥ ꓡꓳ꓿ ꓠꓴ ꓮ ꓡꓲ ꓗ, ꓠꓬꓲ ꓐ, ꓐ ꓔꓯ ꓟꓳ ꓠꓬꓲ ꓐ, ꓐ ꓥꓪ ꓠꓴꓽ ꓔꓯ ꓟꓳ. ꓖꓶ ꓡꓯ꓾ ꓐꓯˍ ꓢꓰꓽ  ꓡ ? ꓒꓲ‐ꓡꓲ ꓠꓬ ꓪꓴ‐ꓢ ꓶ ꓓꓳꓽ ꓫꓱ ꓓꓳꓽ ꓔꓯ ꓮ‐ꓢꓲꓮ ꓟꓮꓲ‐ꓠ ꓗꓪ ꓚꓺ ꓟ. ꓖꓶ ꓗꓷꓳ꓿

ꓝꓲ ꓓꓴ ꓬ‐ꓘꓴ ꓠꓬ  ꓢꓲ ꓒ ꓬꓰ‐ꓢꓲ ꓫꓵ ꓤ ꓪꓳꓽ ꓤ ꓥ ꓡ ꓟ  (ꓟ‐ꓘꓳ 3ꓽ18) ꓗꓪ ꓡꓳ. ꓟꓳ ꓪ ꓡꓳ꓿ ꓝꓲ ꓓꓴ ꓬ‐ꓘꓴ ꓠꓬ ꓙꓱ‐ꓣꓴ‐ꓢ‐ꓡꓱ ꓗꓪ ꓔꓲꓺ ꓒ ꓓꓽ ꓒꓬꓱꓼ ꓡ ꓟ ꓥ ꓡꓳ꓿ ꓝꓲ ꓓꓴ ꓬ‐ꓘꓴ ꓠꓬ ꓙꓵˍ ꓠꓲ ꓚꓱ, ꓗꓪ ꓮ ꓟꓬ ꓙꓲꓻ ꓫꓬ ꓢꓴ ꓥ ꓡꓳ꓿ ꓝꓲ ꓓꓴ ꓬ‐ꓘꓴ ꓠꓬ ꓮ ꓟꓬ ꓪꓽ ꓘꓴ ꓢꓴ ꓟꓲ  ꓥ ꓡꓳ꓿ A.D 62 ꓔꓯ ꓢꓲ ꓒ ꓬꓰ‐ꓢꓴ ꓠꓬ ꓚꓬꓴ ꓢꓲ ꓒ ꓥ ꓡꓳ ꓐꓰ ꓕꓳ ꓶ ꓐꓳ ꓗꓷ ꓟ ꓑꓶ. ꓓꓴ ꓟꓽ ꓙꓵˍ ꓢꓴ ꓐꓴ ꓡꓰ ꓢꓰꓼ ꓗꓷꓳ꓿