ꓙꓲꓻ ꓫꓬ ꓢꓴ ꓬꓳ‐ꓦ ꓑꓮꓲ ꓿ (St.John the apostle)

ꓝꓲ ꓓꓴ ꓬꓳ‐ꓦ ꓑꓮꓲ꓿

ꓝꓲ. ꓓꓴ ꓬꓳ‐ꓦ ꓠꓬ ꓢꓲꓺ ꓒ ꓬꓰ‐ꓢꓴ ꓮ ꓟꓬ, ꓠꓲ, ꓠꓵ ꓢꓴ ꓝꓲ ꓓꓴ ꓕꓲ ꓣꓳ ꓥ ꓡꓳ꓿ ꓬꓲ. ꓠꓬ ꓜꓲ‐ꓐꓱ‐ꓓꓲ ꓬꓲ ꓤ ꓥ ꓡꓳ꓿ ꓬꓲ ꓪꓽˍ ꓟꓲ ꓞꓼ ꓐꓰ ꓡꓲꓺˍ ꓐꓰ ꓬꓲ ꓪꓽ ꓐꓹ ꓐ ꓔꓯ ꓗꓶꓺ ꓔ ꓬꓰ ꓢꓲ ꓬꓰ-ꓢꓴ ꓔꓯ ꓛꓳ ꓙꓰˍ ꓡꓳ꓿ 

 ꓬꓰ-ꓢꓴ ꓠꓬ ꓖ-ꓡꓲ-ꓡꓲ ꓕꓲ ꓟꓵꓽ ꓡꓱꓸꓼ ꓚꓳ ꓙꓰ ꓢꓲ꓾ ꓬꓲ ꓪꓽ ꓜꓲꓼ ꓦꓲ ꓗꓪ ꓟꓸ ꓟꓲ ꓟꓸ ꓠꓬꓲ꓾ ꓟꓴꓽ ꓗꓪ ꓗꓴꓷꓼ ꓶꓼ ꓓꓳꓽ ꓫꓱꓹ ꓓꓳ ꓚ ꓟꓸ ꓖꓶ ꓠꓬꓲ꓾ ꓑ ꓫꓬꓼ ꓐꓴ ꓠꓻ ꓫꓵꓽ ꓠꓻ ꓙꓰ ꓫꓬꓹ ꓖꓶ ꓠꓬꓲ ꓐꓰ ꓬꓰˍ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓠꓬ ꓝꓲ ꓓꓴ ꓬꓳ‐ꓦ ꓔꓯ ꓬꓲ. ꓝꓲ ꓓꓴ ꓬꓰ ꓠ, ꓟ ꓘꓴ ꓗꓷ ꓟ ꓥ  ꓡꓳ꓿ ꓝꓲ ꓓꓴ ꓬꓳ‐ꓦ ꓠꓬ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓗꓪ ꓐꓰ ꓞꓲꓼ ꓣꓳ ꓓꓰˍ ꓡꓰ ꓢꓴ ꓕꓲ ꓣꓳ ꓟ ꓥ ꓡꓳ꓿

ꓝꓲ ꓓꓴ ꓬꓳ‐ꓦ ꓠꓬ ꓢꓲꓺ ꓒ ꓬꓰ‐ꓢꓴ ꓐꓰ ꓝꓲ ꓓꓴ ꓐꓴ ꓬꓲ. ꓟꓶ ꓕꓲ ꓟꓶꓼ ꓘꓶꓼ ꓗꓪ ꓜ ꓜꓽ ꓗꓷ ꓟ ꓙꓵ, ꓕꓯ ꓬꓳ‐ꓦ ꓠꓬ ꓢꓲꓺ ꓒ ꓬꓰ‐ꓢꓴ ꓒ ꓕꓲ ꓗꓪ ꓔꓬ ꓗꓷ ꓥ ꓡꓳ꓿ ꓕꓱ ꓡꓱ ꓐꓰ ꓢꓲꓺ ꓒ ꓬꓰ‐ꓢꓴ ꓔꓯ ꓡꓯ ꓐꓳ ꓔꓶ. ꓓꓴ ꓗꓪ ꓢꓰꓼ ꓗꓷ ꓟ ꓙꓵ, ꓔꓯ ꓢꓲꓺ ꓒ ꓬꓰ‐ꓢꓴ ꓠꓬ ꓟ, ꓟ ꓟ‐ꓡꓲ ꓔꓯ ꓝꓲ ꓓꓴ ꓬꓳ‐ꓦ ꓔꓯ ꓡꓳ. ꓖꓶ ꓠ, ꓟ ꓐꓯ ꓗꓷ ꓟ ꓥ ꓡꓳ꓿ ꓝꓲ ꓓꓴ ꓬꓳ‐ꓦ ꓠꓬ ꓮ.ꓓ 49 ꓘꓳꓼ ꓕꓯ ꓬꓲ‐ꓩ‐ꓢꓳ ꓡꓳ ꓒꓱ ꓗꓪ ꓔꓬ ꓗꓷ ꓢꓲ ꓠꓬꓲ ꓟ, ꓟ ꓟ‐ꓡꓲ ꓔꓯ ꓪꓴ‐ꓢ ꓡꓰ ꓟꓴ ꓗꓪ ꓗꓪ ꓛꓲ ꓓꓯˍ ꓙꓰ ꓟ ꓔꓯ ꓢꓷ. ꓢꓴ ꓕꓲ ꓣꓳ ꓥ ꓡꓳ꓿

ꓝꓲ ꓓꓴ ꓬꓳ‐ꓦ ꓟꓳ. ꓖꓶ ꓓꓴ ꓢꓲꓽ ꓫꓬ ꓕꓳꓽ ꓶ ꓔꓯ ꓥ ꓟꓲ ꓐꓳ ꓢꓴ ꓥ ꓡꓳ꓿

ꓝꓲ ꓓꓴ ꓬꓳ‐ꓦ ꓠꓬ ꓪꓴ‐ꓢ ꓠꓬ ꓠꓵꓻ ꓠꓲ, ꓥ ꓟ ꓔꓯ 1 ꓬꓳ‐ꓦ 4ꓽ 7 ꓗꓪ ꓐꓳ ꓔ ꓡꓳ꓿ ꓝꓲ ꓓꓴ ꓬꓳ‐ꓦ ꓠꓬ ꓢꓲꓽ ꓫꓬ ꓕꓳ ꓶ ꓔꓯ ꓬꓲ. ꓟꓶ ꓗꓪ ꓐꓳ ꓖꓶ ꓢꓴ ꓥ ꓡꓳ꓿ ꓝꓲ ꓓꓴ ꓬꓳ‐ꓦ ꓬꓲ. ꓞꓲꓼ ꓮ ꓟꓬ, ꓫꓵꓺ ꓢꓴ ꓥ ꓡꓳ꓿ ꓝꓲ ꓓꓴ ꓬꓳ‐ꓦ ꓠꓬ ꓬꓲ ꓞꓲꓼ 101 ꓘꓳꓼ ꓗꓪ ꓛꓲ ꓔꓬ ꓢꓴ ꓥ ꓡꓳ꓿ ꓝꓲ ꓓꓴ ꓬꓳ‐ꓦ ꓫꓵꓻ ꓗꓪ ꓛꓲ ꓬꓲ‐ꓩ‐ꓢꓳ ꓟꓵꓽ ꓗꓪ ꓔꓬ ꓗꓷ ꓟ ꓥ ꓡꓳ꓿