ꓙꓲꓻ ꓫꓬ ꓢꓴ ꓬꓳ‐ꓦ Chrysostom ꓑꓮꓲ꓿

ꓙꓲꓻ ꓫꓬ ꓢꓴ ꓬꓳ‐ꓦ Chrysostom ꓑꓮꓲ꓿

ꓙꓲꓻ ꓫꓬ ꓢꓴ ꓬꓳ‐ꓦ Chrysostom ꓠꓬ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓚꓺ ꓕꓯ ꓮ ꓘꓶ. ꓓꓽ ꓢꓴ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓢꓴ ꓐꓴ ꓮ ꓘꓶ. ꓠꓲ, ꓠꓵꓻ ꓟ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ, ꓔꓯ 347 ꓘꓳꓼ ꓕꓯ Turkey ꓗꓴꓷꓼ Antioch ꓡꓳ ꓒꓱ ꓗꓪ ꓦꓵꓻ ꓗꓷꓳ꓿ ꓬꓲ ꓠꓬ ꓟ. ꓟꓲꓽ ꓚꓺ ꓕꓯ ꓮ ꓘꓶ. ꓓꓽ ꓟ ꓪꓴ. ꓠꓬꓲ ꓫꓵꓺ ꓟꓶ ꓡꓶ. ꓐꓰ ꓐꓯ ꓟ ꓥ ꓡꓳ꓿ ꓬꓲ ꓔꓬ ꓟ ꓙꓵ, ꓗꓪ ꓟ. ꓟꓲꓽ ꓚꓺ ꓕꓯ ꓮ ꓘꓶ. ꓓꓽ ꓒꓽ ꓥ ꓟ ꓟ.ꓒ Libnius ꓗꓪ ꓐꓰ ꓢꓷ. ꓠꓲ ꓢꓳ ꓣꓴ ꓟꓶ ꓡꓰꓳ꓿ ꓬꓲ ꓠꓬ ꓟ. ꓟꓲ ꓚꓺ ꓟꓲ ꓟ ꓓꓴ ꓙ ꓔ ꓥ ꓟꓲ Antioch ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ Meletus ꓡꓰ ꓚꓺ ꓟ ꓟ. ꓟꓲꓽ ꓠꓻ ꓡꓳ. ꓗꓷ ꓗ. ꓠꓯ ꓪꓴ‐ꓢ ꓦꓻ ꓡꓱ ꓢꓴ ꓒꓬꓱꓼ ꓡ ꓪ꓿

386 ꓘꓳꓼ ꓔꓯ ꓔꓲꓺ ꓒ ꓕꓲ ꓪ ꓒꓬꓱꓼ ꓡꓺ ꓳ꓿ 398 ꓘꓳꓼ ꓕꓯ ꓙꓲꓻ ꓫꓬ ꓢꓴ ꓬꓳ‐ꓦ Chrysostom ꓠꓬ Constantinople ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ ꓒꓬꓱꓼ ꓡ ꓪ꓿ ꓙꓲꓻ ꓫꓬ ꓢꓴ ꓬꓳ‐ꓦ ꓬꓲ. ꓪꓴ. ꓟꓬꓱꓽ ꓬꓰ ꓗꓷ ꓟ ꓠꓬ ꓘꓴ ꓜꓲꓼ ꓞꓳ ꓗꓪ ꓙꓳ ꓟ ꓒꓴ ꓫꓵꓽ ꓔꓯ ꓫ. ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓔꓳ  ꓙ ꓠ, ꓟ ꓙ ꓖꓶ ꓗꓷꓳ꓿ ꓬꓲ ꓠꓬ ꓪꓴ‐ꓢ ꓟꓬꓱꓽ ꓬꓰ ꓔꓬ ꓟ ꓙꓵ, ꓗꓪ ꓥ ꓟꓲ ꓬꓲ ꓟ. ꓟꓲꓽ ꓚꓺ ꓟ ꓔꓯ ꓠꓻ ꓡꓳ ꓠꓲ, ꓫꓵˍ ꓢꓴ ꓮ ꓘꓶ. ꓔꓬ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓔꓲꓺ ꓒ ꓓꓽ ꓬꓳ‐ꓦ ꓠꓬ 403 ꓘꓳꓼ ꓕꓯ ꓫꓵꓽ ꓪꓴꓽ ꓓꓽ ꓔꓳ, ꓜꓳ ꓡꓰꓳ꓿ ꓪ ꓔꓲ ꓟ ꓟꓬꓱꓺ ꓘꓴ ꓕꓯ ꓥꓳꓼ ꓡꓰ ꓟ ꓪꓴ. ꓠꓬꓲ ꓪ ꓔꓲ ꓠꓬ ꓠꓱ ꓐꓯ ꓟꓵꓽ ꓗꓪ ꓔꓬ ꓝꓲꓳ꓿

ꓔꓲꓺ ꓒ ꓪ ꓓꓽ ꓬꓳ‐ꓦ ꓔꓯ ꓠꓱ. ꓐꓯ ꓟꓵꓽ ꓗꓪ ꓔꓬ ꓝꓲ ꓟ ꓙꓵ, ꓗꓪ ꓗꓴꓷꓼ ꓗꓪ ꓟꓶ ꓦꓲꓻ ꓕꓳꓽ ꓥꓳꓽ ꓙꓶꓻ ꓡ ꓟ ꓪꓴ. ꓠꓬꓲ ꓪ ꓔꓲ ꓠꓬ ꓔꓲꓺ ꓒ ꓓ ꓔꓯ ꓝꓮꓲ ꓗꓴꓷꓼ ꓗꓪ ꓬꓲꓼ ꓡ ꓠ, ꓘꓴ ꓗꓷꓳ꓿ 407 ꓘꓳꓼ ꓕꓯ ꓙꓲꓻ ꓫꓬ ꓢꓴ ꓬꓳ‐ꓦ Chrysostom ꓠꓬ ꓟꓲ ꓠꓯ ꓗꓪ ꓧꓪꓽ ꓖꓳꓽ ꓓꓱ ꓡꓳ. ꓬꓰꓳ꓿ ꓬꓲ, ꓧꓪꓽ ꓖꓳꓽ ꓓꓱ ꓔꓯ Constantinople ꓡꓳ ꓒꓱ ꓗꓪ ꓙꓳ ꓟ ꓝꓲ ꓓꓴ ꓐꓴ ꓪꓽ ꓘꓴ ꓦꓲꓻ ꓘꓴꓽ ꓗꓪ ꓔ  ꓗꓷꓳ꓿