ꓙꓲꓻ ꓫꓬ ꓢꓴ ꓬꓴ‐ꓔ ꓑꓮꓲ꓿

#rvalisu #creditphoto #St.Jude #Saint

ꓙꓲꓻ ꓫꓬ ꓢꓴ ꓬꓴ‐ꓔ ꓑꓮꓲ꓿

ꓙꓲꓻ ꓫꓬ ꓢꓴ ꓬꓴ‐ꓔ ꓠꓬ ꓢꓲ ꓒ ꓬꓰ‐ꓢꓴ ꓬꓲ ꓫꓵꓽ ꓤ ꓪꓳꓽ ꓤ ꓥ ꓡꓳ꓿ ꓙꓲꓻ ꓫꓬ ꓢꓴ ꓬꓴ‐ꓔ ꓠꓬ ꓢꓲ ꓒꓽ ꓬꓰ‐ꓢꓴ ꓝꓲ ꓓꓴ ꓬ‐ꓗꓴ ꓬꓲ ꓠꓬꓲ ꓤ ꓥ ꓡꓳ꓿ ꓙꓲꓻ ꓫꓬ ꓢꓴ ꓬꓴ‐ꓔ ꓠꓬ ꓬꓲ ꓮꓽ ꓬꓲ ꓬ‐ꓗꓴ ꓔꓯ AD 62 ꓘꓳꓼ ꓕꓯ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓗꓪ ꓔꓲꓺ ꓒ ꓓꓽ ꓬꓰ ꓔꓬ ꓟ ꓙꓵꓽ ꓗꓪ ꓟꓬꓱꓽ ꓮ ꓟꓬ, ꓬꓰ ꓙ ꓗꓷꓳ꓿

ꓙꓲꓻ ꓫꓬ ꓢꓴ ꓬꓴ‐ꓔ ꓠꓬ ꓢ‐ꓟ‐ꓡꓲ ꓟꓵꓽ ꓬꓴ‐ꓔ ꓟꓵꓽ ꓐꓰ ꓠꓱˍ ꓐꓯ ꓟꓵꓽ ꓮ ꓟꓬ  ꓗꓪ ꓪꓴ‐ꓢ ꓶꓽ ꓓꓳ ꓫꓱꓽ ꓓꓳ ꓚꓺ  ꓗꓷꓳ꓿ ꓙꓲꓻ ꓫꓬ ꓢꓴ ꓬꓴ‐ꓔ ꓠꓬ ꓢꓲ ꓒꓽ ꓬꓰ‐ꓢꓴ ꓐꓰ ꓟꓽ ꓟꓳ ꓢꓲ ꓕꓯ ꓬꓴ‐ꓔ ꓦꓻ ꓡꓱ ꓚꓱ, ꓔꓯ ꓦꓻ ꓡꓱ ꓢꓴ ꓥ ꓡꓳ꓿

ꓙꓲꓻ ꓫꓬ ꓢꓴ ꓬꓴ‐ꓔ ꓠꓬ ꓝꓲ ꓓꓴ 12 ꓣꓳ ꓗꓪ ꓟ ꓕꓲ ꓪ ꓟꓲ ꓥ ꓡꓳ꓿ Persia ꓟꓵꓽ ꓗꓪ ꓪꓴ‐ꓢ ꓶꓽ ꓓꓳ ꓫꓱꓽ ꓓꓳ ꓚꓺ ꓟ ꓪꓴ. ꓠꓬꓲ꓾ Armenia ꓞꓳ ꓫꓵ ꓐꓴ ꓪꓴ‐ꓢ ꓦꓻ ꓡꓱ ꓡ ꓢꓴ ꓒꓬꓱꓼ ꓡ ꓪ꓿ ꓙꓲꓻ ꓫꓬ ꓢꓴ ꓬꓴ‐ꓔ ꓮ ꓟꓬ ꓢꓯꓼ ꓕꓵꓼ ꓟ ꓪꓴ. ꓠꓬꓲ AD300 ꓘꓳꓼ ꓕꓯ ꓦꓻ ꓡꓱ ꓢꓴ ꓗꓴꓷꓼ ꓒꓬꓱꓼ ꓡ ꓪ꓿ ꓙꓲꓻ ꓫꓬ ꓬꓴ‐ꓔ ꓠꓬ ꓪꓴ‐ꓢ ꓶꓽ ꓓꓳ ꓫꓱ ꓓꓳ ꓚꓺ ꓢꓲ ꓠꓬꓲ ꓟꓽ ꓙꓲꓻ ꓢꓴ ꓡꓰ ꓢꓰꓼ ꓗꓷ ꓪ꓿ ꓙꓲꓻ ꓫꓬ ꓢꓴ ꓬꓴ‐ꓔ ꓠꓬ ꓪꓴ‐ꓢ ꓟꓬꓱꓽ ꓬꓰ ꓟ ꓗꓪ ꓮ ꓟꓬ, ꓢꓯꓼ ꓕꓵꓼ ꓢꓴ ꓙꓲꓻ ꓢꓴ ꓕꓲ ꓪ ꓥ ꓡꓳ꓿

Add new comment

2 + 0 =