ꓙꓲꓻ ꓫꓬ ꓢꓴ Agatha ꓑꓮꓲꓽ

ꓙꓲꓻ ꓫꓬ ꓢꓴ Agatha ꓑꓮꓲꓽ

ꓙꓲ ꓠꓲ, ꓚꓱ, ꓐꓱ ꓶ ꓢꓰꓼ ꓟꓶ ꓗꓷ ꓟ ꓙꓲꓻ ꓫꓬ ꓢꓴ Agatha ꓔꓯ AD300 ꓘꓳꓼ ꓕꓯ Sicily ꓗꓴꓷꓼ ꓗꓪ ꓮ ꓟꓬ, ꓟꓬꓱꓽ ꓓꓳꓽ ꓙꓳ ꓟ ꓕꓲ ꓦꓲꓻ ꓘꓴ ꓗꓪ ꓐꓰ ꓬꓲ, ꓔꓯ ꓦꓵ ꓗꓷꓳ꓿  ꓙꓲꓻ ꓫꓬ ꓢꓴ Agaha ꓠꓬ ꓬꓲ, ꓞꓲꓼ ꓣꓳ ꓟ ꓙꓵ, ꓗꓪ ꓐꓰ ꓬꓲ, ꓧꓪꓽ ꓖꓳ ꓓꓱ ꓔꓯ ꓪꓴ‐ꓢ ꓔꓯ ꓡꓯ ꓙꓱ ꓗꓷ ꓢꓲ ꓠꓬꓲ ꓦꓲꓻ ꓢꓲꓽ ꓒꓽ ꓟꓽ ꓧꓪ ꓠ, ꓟ ꓓꓴ ꓙ ꓝꓲ. ꓗꓷꓳ꓿ ꓙꓲꓻ ꓫꓬ ꓢꓴ Agatha ꓠꓬ ꓮ ꓟꓬ ꓡꓳ. ꓐꓲˍ ꓟ ꓤ ꓟꓶ ꓡꓯ ꓥ ꓟ ꓪꓴ. ꓠꓬꓲ ꓬꓲ ꓔꓯ ꓡꓯ ꓒꓯ ꓝ. ꓠꓲ, ꓫꓵ ꓢꓴ ꓮ ꓟꓬ, ꓙꓳ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Agatha ꓔꓯ ꓟꓯꓼ ꓜꓲꓼ ꓒ Senator Quintanius ꓟꓬꓱꓺ ꓢꓴ ꓡꓰ ꓓꓰꓽ ꓡ ꓡꓳ꓾ ꓖꓳ ꓡꓱ ꓥ ꓟꓲ ꓙꓲꓻ ꓫꓬ ꓢꓴ Agatha ꓟꓽ ꓠꓲ. ꓒꓵ ꓗꓷꓳ꓿

ꓟꓯꓼ ꓜꓲꓼ ꓒ ꓠꓬ ꓙꓲꓻ ꓫꓬ ꓢꓴ Agatha ꓔꓯ ꓮ ꓟꓬ, ꓫꓵꓽ ꓪꓴ. ꓖꓶˍ ꓗꓷꓳ꓿ AD 250 ꓘꓳꓼ ꓕꓯ Decius ꓢꓲꓽ ꓒꓽ ꓠꓬ ꓘꓴ ꓜꓲꓼ ꓞꓳ ꓔꓯ ꓮ ꓟꓬ, ꓫꓵꓽ ꓪꓴ. ꓖꓶ  ꓗꓷꓳ꓿ ꓙꓲꓻ ꓫꓬ ꓢꓴ Agatha ꓔꓯ  ꓟꓽ ꓙꓵˍ ꓟ ꓟꓬꓱꓽ ꓬꓰ ꓠ, ꓟ ꓐꓱ ꓶ ꓬꓰ ꓗꓷꓳ꓿ ꓖꓳ ꓡꓱ ꓥ ꓟꓲ ꓙꓲꓻ ꓫꓬ ꓢꓴ Agatha ꓠꓬ ꓬꓲ, ꓧꓪꓽ ꓖꓳ ꓓꓱ ꓔꓯ ꓢꓲꓺ ꓒ ꓬꓰ‐ꓢꓴ ꓔꓯ ꓡꓯ ꓙꓱ ꓢꓲ ꓠꓬꓲ ꓟꓽ ꓙꓳˍ ꓙꓳˍ ꓢꓲꓽ ꓒꓽ ꓐꓴ ꓔꓯ ꓔꓳ ꓗꓷꓳ꓿ ꓟꓽ ꓙꓵ ꓢꓴ ꓡꓰ ꓙꓲꓻ ꓫꓬ Agatha ꓔꓯ ꓮ ꓟꓬ ꓓꓶꓽ ꓢꓲ ꓠꓬꓲ ꓫꓵꓻ ꓠ, ꓗꓪ ꓛꓲ ꓫ. ꓟꓴ ꓗꓷꓳ꓿ ꓙꓲꓻ ꓫꓬ ꓢꓴ Agatha ꓠꓬ ꓬꓲ, ꓔꓯ ꓢꓰꓼ ꓢꓴ ꓝꓴꓲꓼ ꓐꓱ ꓶ ꓪꓽ ꓘꓴ ꓙ ꓗꓷꓳ꓿ ꓙꓲꓻ ꓫꓬ ꓢꓴ Agatha ꓠꓬ ꓙꓲ ꓠꓲ, ꓐꓱ ꓶ ꓢꓯꓼ ꓟꓬ, ꓖꓶ ꓗꓷ ꓢꓴ ꓙꓲꓻ ꓫꓬ ꓢꓴ ꓥ ꓡꓳ