ꓙꓲꓻ ꓫꓬ ꓢꓴ Bernardine ꓑꓮꓲꓽ

ꓙꓲꓻ ꓫꓬ ꓢꓴ Bernadine ꓑꓮꓲꓽ

ꓙꓲꓻ ꓫꓬ ꓢꓴ Bernadine ꓠꓬ ꓮ ꓟꓬ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓟ ꓪꓴꓸ ꓠꓬ ꓬꓲ ꓔꓯ ꓟꓬꓱ ꓓꓳꓽ ꓖꓶ ꓢꓴ ꓮ ꓟꓬꓹ ꓙꓳˍ ꓟ ꓥ ꓡꓳ= ꓙꓲꓻ ꓫꓬ ꓢꓴ Bernadine ꓔꓯ AD 1380 ꓘꓳꓼ ꓕꓯ Italy ꓗꓴꓷꓼ (Massa Marittima) ꓡꓳ ꓒꓱ ꓗꓪ ꓬꓲ ꓔꓯ ꓦꓵꓻ ꓗꓷ ꓪ= ꓬꓲ ꓞꓲꓼ ꓣꓳˍ ꓟ ꓙꓵꓹ ꓕꓯ ꓬꓲ ꓐꓹ ꓐ ꓐꓰ ꓟꓹ ꓟ ꓐꓴ ꓫꓵꓻꓳ= ꓙꓲꓻ ꓫꓬ ꓢꓴ Bernadine ꓠꓬ ꓬꓲ ꓮ ꓠꓬꓲ ꓐꓰ ꓔꓬ ꓢꓲ ꓬꓲ ꓔꓯ ꓪꓴ-ꓢ ꓐꓯ ꓘꓶꓽ ꓟꓸ ꓖꓶ ꓗꓷꓳ=

ꓙꓲꓻ ꓫꓬ ꓢꓴ Bernadine ꓬꓲ ꓞꓲꓼ 17 ꓘꓳꓼ ꓕꓯ ꓞꓳ ꓠ ꓐꓴ ꓔꓯ ꓬꓰ ꓙˍ ꓟ ꓜꓴꓻ ꓗꓪ ꓓꓵꓽ ꓡꓰ ꓢꓲ ꓪꓴ-ꓢ ꓟꓬꓱꓽ ꓬꓰ ꓗꓷꓳ= ꓝꓮꓲ ꓫꓵꓽ ꓘꓳꓼ ꓕꓯ Siena ꓡꓳ ꓒꓱ  ꓗꓪ ꓙꓳˍ ꓟ (Franciscan)ꓔꓲꓺ ꓒ ꓜꓴꓻꓗꓪ ꓓꓵꓽ ꓗꓷ ꓢꓲ ꓔꓲꓺ ꓒ ꓕꓲ ꓣꓳ ꓒꓬꓱꓼ ꓡ ꓗꓷꓳ= ꓙꓲꓻ ꓫꓬ ꓢꓴ Bernadine ꓡꓰ ꓔꓲꓺ ꓒ ꓣꓱꓽ ꓗꓷ ꓢꓲ 12 ꓘꓳꓼ ꓙꓳ ꓡˍ ꓟ ꓗꓪ ꓮ ꓟꓬꓹ ꓢꓯꓼ ꓕꓵꓼ ꓢꓲ ꓪꓴ-ꓢ ꓟꓬꓱꓽ ꓬꓰ ꓢꓲ ꓦꓻ ꓕꓲ ꓒꓳꓹ ꓗꓪ ꓮ ꓟꓬꓸ ꓢꓯꓼ ꓕꓵꓼˍ ꓟ ꓪꓴꓸ ꓠꓬꓲ ꓔꓲꓺ ꓒ ꓜꓴꓻ ꓗꓪ ꓒꓵꓽ ꓢꓴ ꓡꓰ ꓙꓲꓻ ꓫꓬ ꓢꓴ Bernadine ꓔꓯ Italy ꓗꓴꓷꓼ ꓗꓪ ꓪꓴ-ꓢ ꓐꓯ ꓘꓶ ꓚꓺ ꓠꓹ ꓟ ꓟꓬꓱꓽ ꓖꓶ ꓗꓷꓳ= ꓙꓲꓻ ꓫꓬ ꓢꓴ Bernadine ꓠꓬ ꓮ ꓟꓬꓹ ꓢꓯꓼ ꓕꓵꓼˍ ꓟ ꓪꓴꓸ ꓠꓬꓲ ꓡ ꓞꓳ ꓮ ꓟꓬꓸ ꓥ ꓟꓲ ꓙꓲꓻˍ ꓟ ꓚꓱꓹ ꓗꓪ ꓒꓳꓹ ꓡꓲ ꓡ ꓪ=

Bologna ꓡꓳ ꓒꓱ ꓗꓪ ꓙꓲꓻ ꓫꓬ ꓢꓴ Bernadine ꓪꓴ-ꓢ ꓐꓯ ꓘꓶꓽ ꓚꓺˍ ꓟ ꓪꓴꓸ ꓠꓬꓲ  ꓡ ꓞꓳ ꓮ ꓟꓬꓹ ꓟꓽ ꓙꓲꓻ ꓟ ꓟꓬꓱꓽ ꓔꓯ ꓟꓽ ꓬꓰ ꓗꓷ ꓡꓰꓳ =ꓖꓳ ꓕꓯ ꓟꓽ ꓙꓲꓻ ꓟ ꓟꓬꓱ ꓬꓰ ꓢꓴ ꓡꓳ-ꓑ ꓒ ꓠꓬ ꓙꓲꓻ ꓫꓬ ꓢꓴ Bernadine ꓔꓯ꓾ ꓥꓪ ꓮ ꓫꓵ ꓟꓬꓱꓽ ꓬꓰ ꓠꓯꓹ ꓡ ꓐꓰ ꓫꓸ ꓕꓱˍ  ꓡꓳ= ꓙꓲꓻ ꓫꓬ ꓢꓴ Bernadine ꓠꓬ ꓬꓲ ꓔꓯ ꓢꓲꓹ  ꓒꓲꓽ ꓗꓪ ꓪꓴ-ꓢ ꓟꓬꓱꓺ ꓐꓳ ꓢꓲ ꓠꓬꓲ ꓪꓴꓽ꓾ ꓐꓰ ꓐꓯ ꓖꓶˍ ꓕꓯ ꓟꓽ ꓙꓲꓻ ꓟ ꓟꓬꓱꓽ ꓬꓰ ꓢꓴ ꓠꓬ ꓗ ꓠꓯꓸ ꓠꓬ ꓒꓴ ꓫꓵꓻ ꓮ ꓟꓬꓹ ꓟꓶ ꓡꓰꓳ =

ꓙꓲꓻ ꓫꓬ ꓢꓴ Bernadine ꓠꓬ AD 1444 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓪ= ꓝꓮꓲ ꓙꓲꓻ ꓫꓬ ꓢꓴ Bernadine ꓫꓵꓻ ꓗꓷ ꓗꓸ ꓠꓯꓸ ꓫꓵꓽ ꓘꓳꓼ ꓕꓯ ꓘꓴ-ꓜꓲ-ꓞꓳ ꓠꓬ ꓙꓲꓻ ꓫꓬ ꓢꓴ Bernadine ꓔꓯ ꓙꓲꓻ ꓫꓬ ꓢꓴ ꓕꓲ ꓣꓳ ꓐꓯ ꓢꓲ ꓟꓬꓱ ꓓꓳꓽ ꓖꓶ ꓗꓷ ꓪ=

Add new comment

1 + 7 =