ꓙꓲꓻ ꓫꓬ ꓢꓴ Blasé ꓑꓮꓲ꓿ (St.Blase)

#St.Blase #creditphoto

Friday, February 03, 2023

ꓙꓲꓻ ꓫꓬ ꓢꓴ Blasé ꓑꓮꓲ꓿

ꓙꓲꓻ ꓫꓬ ꓢꓴ Blasé ꓠꓬ ꓗꓶ. ꓝꓲ. ꓠꓻ ꓢꓴ ꓐꓴ ꓔꓯ ꓬꓰ ꓙ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Blasé ꓔꓯ Armenia ꓗꓴꓷꓼ ꓗꓪ ꓞꓳ ꓐꓳ ꓕꓲ ꓦꓲꓻ ꓗꓪ ꓐꓰ ꓬꓲ ꓔꓯ ꓦꓵꓻ ꓗꓷ ꓢꓴ ꓥ ꓡꓳ꓿ ꓬꓲ. ꓠꓬ ꓞꓳ ꓐꓳ ꓤ ꓠꓱ ꓥ ꓡꓳ꓿ ꓬꓲ. ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓒꓬꓱꓼ ꓡ ꓗ, ꓠꓯ ꓠꓯꓼ ꓞꓲꓼ ꓟ. ꓒ ꓓꓽ ꓕꓲ ꓣꓳ ꓒꓬꓱꓼ ꓡ ꓪ꓿

ꓝꓮꓲ ꓙꓲꓻ ꓫꓬ ꓢꓴ Blasé ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓢꓳ ꓣꓴ ꓟꓶ ꓡꓰ ꓗ, ꓠꓯ ꓪꓴ‐ꓢ ꓟꓬꓱꓽ ꓬꓰ ꓢꓴ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓪ꓿ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓗ, ꓠꓯ Armenia ꓗꓴꓷꓼ Sabaste ꓟꓵꓽ ꓗꓪ ꓔꓲꓺ ꓒ ꓓꓽ ꓕꓲ ꓪ ꓒꓬꓱꓼ ꓡ ꓪ꓿

ꓝꓮꓲ Licinius ꓟꓬꓱꓽ ꓔ ꓢꓴ ꓙꓵꓽ ꓪ ꓙꓳ ꓢꓴ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓐꓴ ꓔꓯ ꓮ ꓟꓬ, ꓢꓰꓼ ꓗꓷꓳ꓿ ꓖꓳ ꓕꓯ ꓔꓲꓺ ꓒ ꓓꓽ Blasé ꓠꓬ ꓟꓵꓽ ꓙꓰ ꓢꓲ ꓠꓬꓲ ꓔꓬ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓓꓽ Blasé ꓔꓬ ꓟ ꓟꓵꓽ ꓗꓪ ꓠꓬ ꓟꓽ ꓙꓲ ꓟ ꓮ‐ꓠꓬꓲ ꓐꓰ ꓧꓪꓽ ꓫꓵꓽ ꓧꓪꓽ ꓙꓲ ꓮ ꓟꓬ, ꓔꓬ ꓟ ꓟꓵꓽ ꓟꓲ ꓥ ꓡꓳ꓿ ꓙꓵꓽ ꓪ ꓙꓳ ꓢꓴ ꓐꓴ ꓠꓬ ꓔꓲꓺ ꓒ ꓓꓽ Blasé ꓔꓯ ꓐꓱ ꓓꓴꓽ ꓗꓪ ꓐꓱ ꓠ, ꓟ ꓡꓳ ꓒꓱ ꓗꓪ ꓧꓳꓽ ꓡ ꓪ꓿

ꓙꓲꓻ ꓫꓬ ꓢꓴ Blasé ꓔꓯ ꓐꓱ ꓓꓴꓽ ꓗꓪ ꓐꓱ ꓠ, ꓟ ꓧꓳꓽ ꓡ ꓟ ꓙꓽ ꓖꓴ ꓗꓪ ꓤ ꓠꓱ ꓤ ꓕꓲ ꓣꓳ ꓠꓬ ꓫꓵꓻ ꓗꓪ ꓛꓲ ꓗꓶ. ꓝꓲ. ꓗꓪ ꓠꓻ ꓓꓴ ꓔꓳ, ꓜꓳ ꓔꓬ ꓟ ꓡꓳ. ꓟꓳ ꓡꓳ꓿ ꓖꓳ ꓕꓱ ꓙꓲꓻ ꓫꓬ ꓢꓴ Blasé ꓡꓰ ꓪꓽ ꓘꓴ ꓖꓶ ꓟ ꓪꓴ. ꓠꓬꓲ ꓠꓻ ꓓꓴ ꓓ ꓡꓰ ꓟ ꓡꓳ. ꓟꓳ ꓪ ꓡꓳ꓿

ꓙꓲꓻ ꓫꓬ ꓢꓴ Blasé ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓙꓵꓻ ꓠꓲ, ꓑꓶ. ꓓꓴ ꓢꓰꓼ ꓗꓷꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓙꓲꓻ ꓫꓬ ꓢꓴ Blasé ꓔꓯ ꓟꓬꓱꓽ ꓓꓳꓽ ꓖꓶ ꓢꓲ ꓠꓬꓲ ꓑꓮꓲ ꓬꓰ ꓖꓶ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Blasé ꓠꓬ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓢꓰꓼ ꓗꓷ ꓢꓴ ꓙꓲꓻ ꓫꓬ ꓢꓴ ꓥ ꓡꓳ꓿