ꓙꓲꓻ ꓫꓬ ꓢꓴ Charles Borromeo ꓑꓮꓲ

ꓙꓲꓻ ꓫꓬ ꓢꓴ Charles Borromeo ꓑꓮꓲ

ꓙꓲꓻ ꓫꓬ ꓢꓴ Charles Borromeo ꓠꓬ ꓔꓲꓸꓸꓒ ꓒꓬꓱꓼ ꓠꓲꓹ ꓫꓵ ꓢꓴ ꓢꓳ ꓤ ꓐꓴ ꓔꓯ ꓬꓰ ꓙ ꓔ ꓙ ꓢꓴ ꓥ ꓡꓳ= ꓬꓲ ꓔꓯ 1538 ꓘꓳꓼ ꓕꓯ Italy ꓗꓴꓷꓼ ꓗꓪ ꓦꓵꓻ ꓗꓷ ꓪ= ꓬꓲ ꓞꓲꓼ 22 ꓘꓳꓼ ꓕꓯ ꓪꓴ-ꓢ ꓐꓯ ꓘꓶꓽ ꓢꓳ ꓣꓴ ꓪ ꓡꓰ ꓢꓲ ꓔꓲꓸꓸꓒ ꓒꓬꓱꓼ ꓡ ꓪ= ꓔꓲ-ꓒ ꓪ ꓔꓲ Pius 4 ꓠꓬ ꓙꓲꓻ ꓫꓬ ꓢꓴ Charles Borromeo ꓔꓯ ꓔꓲꓺ ꓒ ꓙꓵꓽ ꓪꓽ ꓖꓶ ꓗꓷ ꓪ= ꓙꓲꓻ ꓫꓬ ꓢꓴ Charles Borromeo ꓠꓬ ꓟꓲ ꓠꓯ ꓢꓷꓸ ꓠꓲꓹ ꓐꓰ ꓪꓴ-ꓢ ꓐꓯ ꓘꓶꓽ ꓮ ꓟꓬꓹ ꓢꓷꓸ ꓔ ꓟ  ꓔꓲꓸꓸꓒ ꓕꓲ ꓣꓳ ꓥ ꓟ ꓪꓴꓸ ꓠꓬꓲ ꓘꓴ-ꓜꓲ-ꓞꓳ ꓘꓴꓽ ꓗꓪ ꓖꓪ ꓙꓱ ꓜꓲꓼ ꓓꓴ Trent ꓖꓪ ꓙꓱ ꓜꓲꓼ ꓓꓴ ꓗꓪ ꓮ ꓟꓬꓹ ꓬꓰ ꓙ ꓗꓷ ꓪ= ꓙꓲꓻ ꓫꓬ ꓢꓴ Charles Borromeo ꓠꓬ ꓔꓲꓸꓸꓒ ꓓ ꓙꓵꓽ ꓪ ꓘꓳꓹ ꓣꓴ ꓟꓶ ꓗꓸ ꓠꓯꓸ Milan ꓡꓳ ꓒꓱ ꓗꓪ ꓘꓴ-ꓜꓲ-ꓞꓳ ꓔꓯ ꓪꓴꓽ ꓟꓴ ꓡꓰ ꓝꓲ ꓪ=

 ꓙꓲꓻ ꓫꓬ ꓢꓴ Charles Borromeo ꓠꓬ ꓔꓲꓸꓸꓒ ꓒꓬꓱꓼ ꓠꓲꓹ ꓫꓵ ꓢꓴ ꓐꓴ ꓐꓱ ꓶ ꓢꓳꓺ ꓦꓲꓻ ꓮ ꓟꓬꓹ ꓔꓯ ꓒꓴ ꓖꓶ ꓗꓷ ꓪ=  ꓬꓲ ꓠꓬ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓮ ꓟꓬꓹ ꓠꓲꓹ ꓠꓵˍ ꓟ ꓐꓰ ꓦꓻ ꓕꓲ ꓒꓳꓹ ꓗꓪ ꓪꓴꓽ ꓟꓴ ꓡ ꓠꓹ ꓟ ꓐꓱ ꓶ ꓬꓰ ꓙ ꓢꓴ ꓥ ꓡꓳ= ꓮꓸꓓ 1576- 1578 ꓘꓳꓼ ꓕꓯ Italy ꓗꓴꓷꓼ ꓗꓪ ꓮ ꓟꓬꓹ ꓫꓸ ꓓꓴ ꓔꓳꓹ ꓜꓳꓽˍ  ꓡꓳ= ꓖꓳ ꓕꓯ ꓙꓲꓻ ꓫꓬ ꓢꓴ Charles Borromeo  ꓠꓬ ꓘꓴ-ꓜꓲ-ꓞꓳ ꓘꓴꓽ ꓗꓪ ꓙꓳˍ ꓟ ꓒꓴ ꓫꓵꓺ ꓔꓯ ꓫꓸ ꓢꓴ ꓟꓶꓽ ꓢꓴ ꓐꓴ ꓔꓯ ꓬꓰ ꓙ ꓗꓷ ꓪ= ꓙꓲꓻ ꓫꓬ ꓢꓴ Charles Borromeo ꓠꓬ  1584 ꓘꓳꓼ ꓬꓲ ꓞꓲꓼ 46 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡ ꓬꓰ ꓪ=   

Add new comment

4 + 9 =