ꓙꓲꓻ ꓫꓬ ꓢꓴ Cosmas ꓐꓰ Damian ꓐꓴ ꓑꓮꓲꓽ

ꓙꓲꓻ ꓫꓬ ꓢꓴ Cosmas ꓐꓰ Damian ꓐꓴ ꓑꓮꓲꓽ

ꓙꓲꓻ ꓫꓬ ꓢꓴ Cosmas ꓐꓰ Damian ꓔꓯ Arabia  ꓗꓴꓷꓼ ꓗꓪ ꓦꓵꓻ ꓗꓷ ꓟ ꓥ ꓡꓳ꓿ ꓬꓲ ꓠꓬꓲ ꓫꓵ. ꓠꓬ ꓬꓲ. ꓜꓱ  ꓥ ꓡꓳ꓿ ꓬꓲ ꓪ ꓠꓬꓲꓽ ꓫꓵ. ꓔꓯ ꓠꓯꓻ ꓞꓲꓼ  ꓟꓬꓱꓽ ꓬꓰ ꓢꓴ ꓐꓴ ꓮ ꓘꓶ. ꓦꓻ ꓡꓱ ꓐꓳ ꓟ ꓙꓬꓻ ꓫꓬ ꓢꓴ ꓠꓬꓲꓽ ꓣꓳ ꓥ ꓡꓳ꓿ ꓙꓲꓻ ꓫꓬ ꓢꓴ Cosmas ꓐꓰ Damian ꓐꓴ ꓠꓬꓲ ꓣꓳ ꓠꓬ ꓠꓯꓻ ꓞꓲꓼ ꓢꓷ. ꓠꓲ, ꓔꓯ Syria ꓗꓴꓷꓼ ꓗꓪ ꓢꓳꓻ ꓣꓴ ꓪ ꓡꓰ ꓗ. ꓠꓯ Silicia ꓗꓴꓷꓼ Aegea ꓟꓬꓱꓺ ꓔ ꓟ ꓟꓵꓽ ꓗꓪ ꓟꓬꓱꓽ ꓬꓰ ꓗꓷꓳ꓿ ꓕꓱ ꓡꓱ ꓐꓰ ꓬꓲ. ꓠꓬꓲꓽ ꓫꓵ. ꓠꓬ ꓠꓯꓼ ꓞꓲꓼ ꓟ. ꓒ ꓓꓽ ꓒꓬꓱꓼ ꓡ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Cosmas ꓐꓰ Damian ꓐꓴ ꓠꓬꓲꓽ ꓣꓳ ꓠꓬ ꓮ ꓘꓶ. ꓢꓯꓼ ꓕꓵꓼ ꓢꓲ ꓠꓬꓲ ꓠꓽ ꓫꓬ, ꓖꓶ ꓟ ꓟꓬꓱꓽ ꓔꓯ ꓬꓰ ꓔꓬ ꓥ ꓟꓲ ꓠꓯꓼ ꓞꓲꓼ ꓒꓵꓽ ꓔꓯ ꓟꓽ ꓣꓴ ꓟ ꓥ ꓡꓳ꓿

ꓬꓲ. ꓠꓬꓲꓽ ꓫꓵ. ꓮ ꓘꓶ. ꓬꓰ ꓙ ꓟ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓡꓰꓳ ꓫꓵꓽ ꓠꓲ, ꓟ ꓙꓳˍ ꓟ ꓔꓯ ꓟꓽ ꓦꓻ ꓡꓱ ꓢꓴ ꓐꓴ ꓮ ꓘꓶ. ꓡꓳ. ꓟꓳ ꓪ ꓠꓬꓲ ꓪꓴ‐ꓢ ꓦꓻ ꓡꓱ ꓡ ꓢꓴ ꓐꓴ ꓒꓬꓱꓼ ꓡ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Cosmas ꓐꓰ Damian ꓐꓴ ꓠꓬꓲꓽ ꓫꓵ. ꓔꓯ A.D  283 ꓘꓳꓼ ꓕꓯ ꓟꓽ ꓙꓲ ꓢꓴ Diocletian ꓡꓰ ꓢꓰꓼ ꓟ ꓗꓪ ꓙꓲꓻ ꓫꓬ ꓢꓴ Cosmas ꓐꓰ Damian ꓐꓴ ꓠꓬꓲꓽ ꓣꓳ ꓔꓯ ꓥ ꓟꓲ ꓡꓯꓼ ꓐꓲ ꓗꓪ ꓮ. ꓔ ꓡꓰ ꓗ. ꓢꓰꓼ ꓗꓷꓳ꓿ ꓝꓮꓲ ꓬꓲ ꓠꓬꓲꓽ ꓣꓳ ꓠꓯ ꓐꓰ ꓪꓴ‐ꓢ ꓔꓯ ꓶꓻ ꓓꓰꓽ ꓠꓬ ꓠꓻ ꓢꓴ ꓒꓬ ꓢꓴ ꓮ ꓟꓬ, ꓠꓽ ꓓꓴ ꓗꓪ ꓐꓰ ꓓ ꓡꓰ ꓟ ꓥ ꓡꓳ꓿

ꓠꓻ ꓔꓬ ꓢꓴ ꓬꓯꓼ ꓟꓶ ꓔꓬ ꓟ ꓙꓵ, ꓕꓯ ꓙꓲꓻ ꓫꓬ ꓢꓴ Cosmas ꓐꓰ Damian ꓠꓬꓲꓽ ꓣꓳ ꓦꓻ ꓐꓱ ꓟꓳ. ꓖꓶ ꓡ ꓟ ꓪꓴ. ꓠꓬꓲ ꓠꓻ ꓓꓴ ꓓ ꓡꓰ ꓟ ꓙꓳˍ ꓟ ꓥ ꓡꓳ꓿ ꓬꓲ. ꓠꓬꓲꓽ ꓪ ꓠꓯ, ꓗꓪ ꓐꓰ ꓪꓴ‐ꓢ ꓔꓯ ꓶꓻ ꓓꓰꓽ ꓙ ꓠ, ꓟ ꓪꓽ ꓘꓴ ꓟ ꓠꓯ, ꓗꓪ ꓪ ꓔꓲ Justin (1) ꓥ ꓟꓲ ꓐ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Cosmas ꓐꓰ Damian ꓐꓴ ꓠꓬꓲꓽ ꓣꓳ ꓔꓯ ꓚꓵ. ꓟꓶ ꓓꓴ ꓪꓽ ꓘꓴ ꓦꓲꓻ ꓓ ꓕꓲ ꓦꓲꓻ ꓫꓬ, ꓖꓶ ꓟ ꓥ ꓡꓳ꓿ ꓠꓻ ꓞꓲꓼ ꓟꓬꓱꓽ ꓬꓰ ꓢꓴ ꓐꓴ ꓐꓰ ꓠꓻ ꓢꓴ ꓒꓬ ꓢꓴ ꓐꓴ ꓔꓯ ꓬꓰ ꓙ ꓶꓻ ꓓꓰꓽ ꓙ ꓢꓴ ꓐꓴ ꓙꓲꓻ ꓫꓬ ꓢꓴ ꓐꓰ ꓙꓲꓻ ꓫꓬ ꓢꓴ Cosmas ꓐꓰ Damian ꓐꓴ ꓠꓬꓲꓽ ꓣꓳ ꓔꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓟꓬꓱꓺ ꓓꓳꓽ ꓖꓶ ꓗꓷ ꓟ ꓥ ꓡꓳ꓿