ꓙꓲꓻ ꓫꓬ ꓢꓴ Damasus (1) ꓑꓮꓲ꓿ (St.Damasus)

ꓙꓲꓻ ꓫꓬ ꓢꓴ Damasus (1) ꓑꓮꓲ꓿

ꓙꓲꓻ ꓫꓬ ꓢꓴ Damasus ꓔꓯ ꓣꓳ‐ꓟ ꓡꓳ ꓒꓱ ꓗꓪ 306 ꓘꓳꓼ ꓕꓯ ꓬꓲ. ꓔꓯ ꓦꓵꓻ ꓗꓷꓳ꓿ ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ Damasus ꓠꓬ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓟꓶ ꓡꓰ ꓢꓴ ꓐꓴ ꓔꓯ ꓟꓬꓱꓺ ꓓꓳ ꓖꓶ ꓢꓴ ꓔꓲꓺ ꓒ ꓪ ꓔꓲ ꓥ ꓟ ꓪꓴ. ꓠꓬꓲ ꓮ ꓟꓬ, ꓛꓲ ꓟꓬꓱꓺ ꓓꓳ ꓙꓳ ꓢꓴ ꓕꓲ ꓣꓳ ꓥ ꓡꓳ꓿

ꓙꓲꓻ ꓫꓬ ꓢꓴ Damasus ꓬꓲ. ꓐ, ꓐ ꓥ ꓟꓲ ꓔꓲꓺ ꓒ ꓕꓲ ꓣꓳ ꓥ ꓡꓳ꓿ ꓖꓳ ꓕꓲ  ꓙꓵ, ꓗꓪ ꓔꓲꓺ ꓒ ꓐꓴ ꓠꓬ ꓦꓲꓻ ꓢꓲ ꓟ ꓧꓪ ꓟ ꓙꓵ, ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓙꓲꓻ ꓫꓬ ꓢꓴ Damasus ꓠꓬ ꓦꓲꓻ ꓢꓲ ꓟ ꓟꓽ ꓧꓪ ꓪꓴ‐ꓢ ꓟꓬꓱꓽ ꓗꓪ  ꓢꓯꓼ ꓕꓵꓼ ꓗꓷꓳ꓿ AD 366 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓕꓲ ꓪ ꓒꓬꓱꓼ ꓡ ꓪ꓿

ꓙꓲꓻ ꓫꓬ ꓢꓴ Damasus ꓔꓲꓺ ꓒ ꓪ ꓔꓲ ꓒꓬꓱꓼ ꓡ ꓟ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓔꓯ ꓟꓽ ꓠꓲ, ꓫꓵꓺ ꓢꓴ Antipope Ursinus ꓟꓬꓱꓽ ꓔ ꓢꓴ ꓠꓬ ꓔꓲꓺ ꓒ ꓪ ꓔꓲ ꓮ ꓟꓬ, ꓛꓲ ꓫꓵꓽ ꓪꓴꓽ ꓖꓶ ꓟ ꓥˍ ꓡꓳ꓿

ꓙꓲꓻ ꓫꓬ ꓢꓴ Damasus  ꓠꓬ ꓘꓴ ꓜꓲꓼ ꓞꓳ ꓔꓯ 18 ꓘꓳꓼ ꓐꓰ ꓦꓻ ꓐ 2 ꓟ ꓧꓳꓽ ꓪꓴ. ꓟꓴ ꓗꓷ ꓢꓴ ꓥ ꓡꓳ꓿ ꓔꓲꓺ ꓒ Damasus ꓠꓬ ꓙꓲꓻ ꓫꓬ ꓢꓴ Jarome ꓡꓰ ꓐꓳ ꓔ ꓟ (Vulgate ) ꓢꓲꓽ ꓫꓬ ꓕꓳ ꓶ ꓔꓯ ꓣꓱ ꓠ, ꓟ ꓢꓯꓼ ꓖꓶˍ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Jerome ꓠꓬ ꓔꓲꓺ ꓒ ꓪ ꓔꓲ Damasus ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓗꓷ ꓟ ꓙꓵ, ꓕꓯ 2 ꓘꓳꓼ ꓣꓳꓻ ꓦꓲꓻ ꓗꓪ ꓪꓴ‐ꓢ ꓟꓬꓱꓽ ꓟꓯ ꓗꓷ ꓢꓴ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓠꓬ ꓙꓲꓻ ꓫꓬ ꓢꓴ Jerome ꓟꓬꓱꓺ ꓓꓳ ꓖꓶ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ Damasus ꓠꓬ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓟꓶ ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓟꓬꓱꓺ ꓓꓳ ꓖꓶ ꓟ ꓚꓱ, ꓔꓯ ꓬꓲ. ꓪꓴ. ꓔꓴ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Damasus ꓠꓬ AD 384 ꓘꓳꓼ ꓕꓯ ꓢꓲꓺ ꓒ ꓠꓯ ꓗꓪ ꓬꓲꓼ ꓟꓶ ꓡꓰꓳ꓿