ꓙꓲꓻ ꓫꓬ ꓢꓴ Damian Dei Fulcheri ꓑꓮꓲ

#rvalisu #creditphoto #St.Damian Dei Fulcheri

ꓙꓲꓻ ꓫꓬ ꓢꓴ Damian Dei Fulcheri ꓑꓮꓲ

ꓙꓲꓻ ꓫꓬ ꓢꓴ Damian Dei Fulcheri ꓠꓬ ꓪꓴ-ꓢ ꓶꓽ ꓓꓳ ꓫꓱꓼ ꓓꓳ ꓚꓺ ꓕꓯ ꓮ ꓗꓶꓸ ꓓꓽ ꓒ ꓥ ꓡꓳ= ꓬꓲ ꓠꓬ ꓪꓴ-ꓢ ꓟꓬꓱꓽ ꓗꓪ ꓮ ꓕꓯˍ ꓥ ꓟꓲ ꓢꓯꓼ ꓕꓵꓼ ꓢꓴ ꓥ ꓡꓳ= ꓙꓲꓻ ꓫꓬ ꓢꓴ Damian Dei Fulcheri ꓔꓯ AD (1500) ꓘꓳꓼ ꓕꓯ Italy ꓗꓴꓷꓼ Genoa ꓡꓳ ꓒꓱ ꓗꓪ ꓬꓲ ꓔꓯ ꓦꓵꓻ ꓗꓷꓳ= ꓙꓲꓻ ꓫꓬ ꓢꓴ Damian Dei Fulcheri ꓠꓬ ꓞꓲꓼ ꓣꓳˍ ꓟ ꓙꓵ ꓕꓯ ꓪꓴ-ꓢ ꓡꓰ ꓖꓶ ꓡ ꓟ ꓡꓯꓽ ꓫꓴ ꓟꓶ ꓢꓴ ꓥ ꓡꓳ=

ꓙꓲꓻ ꓫꓬ ꓢꓴ Damian Dei Fulcheri ꓠꓬ ꓞꓲꓼ ꓮ ꓟꓬꓹ ꓣꓳ ꓟ  ꓙꓵ ꓕꓯ ꓟꓽ ꓙꓲꓻ ꓢꓴ ꓡ ꓞꓳ ꓕꓲ ꓣꓳ ꓡꓰ ꓬꓲ ꓔꓯ ꓧꓳꓽ ꓙꓰꓳ= ꓬꓲ ꓐꓹ ꓐꓽ ꓐꓰ ꓟꓹ ꓟ ꓠꓬ ꓬꓲ ꓔꓯ ꓮ ꓟꓬ ꓧꓪꓸ ꓗꓷ ꓗꓸ ꓠꓯꓹ ꓢꓷꓸ ꓡꓲ ꓓꓴ ꓟꓳꓼ ꓖꓶ ꓡ ꓡꓳ= ꓖꓳ ꓟ ꓠꓬ ꓙꓲꓻ ꓫꓬ ꓢꓴ Damian Dei Fulcheri ꓔꓬ ꓔꓶꓸ ꓗꓪ ꓟꓲꓽ ꓟꓲ ꓡꓰ ꓐꓰ ꓡꓯꓻ ꓟꓹ ꓮꓽ ꓔꓳ ꓡꓯꓽ ꓔꓬ ꓟ ꓔꓯ ꓡꓳꓸ ꓟꓳ ꓡꓰꓳ= ꓮꓽ ꓔꓳ ꓡꓯꓻ ꓔꓬ ꓟ ꓔꓶꓸ ꓗꓪ ꓙꓲꓻ ꓫꓬ ꓢꓴ Damian Dei Fulcheri ꓔꓯ ꓡꓳꓸ ꓟꓳ ꓗꓷꓳ=

ꓙꓲꓻ ꓫꓬ ꓢꓴ Damian Dei Fulcheri ꓠꓬ Savona ꓡꓳ ꓒꓱ ꓗꓪ Dominican ꓔꓲꓺ ꓒ ꓜꓴꓻ ꓗꓪ ꓓꓵ ꓡꓰ ꓢꓲ ꓠꓬꓲ꓾ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓪ= ꓖꓳ ꓗꓸ ꓠꓯꓹ Italy ꓗꓴꓷꓼ ꓗꓪ ꓪꓴ-ꓢ ꓶꓽ ꓓꓳ ꓫꓱꓽ ꓓꓳ ꓚꓺ ꓟꓲꓸ ꓖꓶ ꓗꓷꓳ= ꓙꓲꓻ ꓫꓬ ꓢꓴ Damian Dei Fulcheri ꓡꓰ ꓚꓺ ꓟ ꓟꓸ ꓟꓲ ꓔꓯ ꓠꓹ ꓡꓳꓸ ꓪ ꓢꓴ ꓡ ꓞꓳ ꓮ ꓟꓬꓹ ꓠꓬ ꓪꓴ-ꓢ ꓔꓯ ꓦꓻ ꓡꓱ ꓢꓴ ꓒꓬꓱꓼ ꓡ ꓪ=ꓙꓲꓻ ꓫꓬ ꓢꓴ Damian Dei Fulcheri  ꓠꓬ ꓢꓷꓸ ꓡꓲ ꓓꓴ ꓮ ꓟꓬ ꓟꓸ ꓖꓶ ꓢꓴ ꓟꓲ ꓥ ꓡꓳ=AD 1484 ꓘꓳꓼ ꓕꓯ ꓙꓲꓻ ꓫꓬ ꓢꓴ Damian Dei Fulcheri  ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓸ ꓬꓰꓳ= AdD 1848 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Pius 9 ꓠꓬ ꓙꓲꓻ ꓫꓬ ꓢꓴ Damian Dei Fulcheri ꓔꓯ ꓙꓲꓻ ꓫꓬ ꓢꓴ ꓕꓲ ꓪ ꓐꓰ ꓐꓯ ꓑꓶꓸ ꓗꓷꓳ=

Add new comment

5 + 4 =