ꓙꓲꓻ ꓫꓬ ꓢꓴ Elizabeth Ann Seton ꓑꓮꓲ꓿ (St.Elizabeth Ann Seton)

ꓙꓲꓻ ꓫꓬ ꓢꓴ Elizabeth Ann Seton ꓑꓮꓲ꓿

ꓙꓲꓻ ꓫꓬ ꓢꓴ Elizabeth Ann Seton ꓠꓬ American ꓗꓴꓷꓼ ꓗꓪ ꓐꓰ ꓬꓲ. ꓪꓴ. ꓙꓲꓻ ꓫꓬ ꓢꓴ ꓒꓬꓱꓼ ꓡ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Ann Seton ꓔꓯ 1774 ꓘꓳꓼ ꓕꓯ ꓮ‐ꓟꓯ‐ꓣꓲ‐ꓖ ꓗꓴꓷꓼ New York ꓡꓳ ꓒꓱ ꓗꓪ ꓦꓵꓻ ꓗꓷꓳ꓿ ꓬꓲ ꓐ, ꓐ ꓐꓰ ꓟ, ꓟ ꓠꓬ ꓒꓴ ꓫꓵꓽ ꓮ ꓟꓬ, ꓙꓳ ꓢꓴ ꓕꓲ ꓦꓲꓻ ꓥ ꓡꓳ꓿ 1794 ꓘꓳꓼ ꓕꓯ ꓙꓲꓻ ꓫꓬ ꓢꓴ Ann Seton ꓠꓬ William ꓟꓬꓱꓽ ꓟ ꓤ ꓑ ꓤ ꓐꓰ ꓡꓯ ꓒꓯꓼ ꓝ ꓗꓷꓳ꓿ ꓬꓲ ꓪ ꓠꓬꓲꓽ ꓣꓳ ꓠꓬ ꓤ ꓠꓱ ꓤ ꓥꓪꓽ ꓣꓳ ꓘꓳˍ ꓣꓴ ꓟꓶ ꓡꓰꓳ꓿

AD 1803 ꓘꓳꓼ ꓕꓯ ꓙꓲꓻ ꓫꓬ Ann Seton ꓐꓰ ꓬꓲ ꓦꓲꓻ ꓢꓲ ꓒꓽ ꓐꓴ ꓠꓬ Italy ꓗꓴꓷꓼ ꓗꓪ ꓙꓰ ꓗꓷ ꓟ ꓙꓵꓽ ꓕꓯ William ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰꓳ꓿ ꓙꓲꓻ ꓫꓬ ꓢꓴ Ann Seton ꓦꓲꓻ ꓢꓲꓺ ꓒꓽ ꓫꓵꓽ ꓗꓷ ꓟ ꓙꓵ, ꓕꓯ ꓕꓱ ꓡꓳ ꓒꓱ ꓗꓪ ꓔꓬ ꓟ ꓗ‐ꓕꓳ‐ꓡꓲ ꓢꓲꓺ ꓤ ꓐꓴ ꓠꓬ ꓮ ꓟꓬ, ꓬꓰ ꓙ ꓔ ꓙ ꓗꓷ ꓟ ꓪꓴ. ꓠꓬꓲ ꓬꓲ. ꓠꓬ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓗꓪ ꓓꓵꓽ ꓠ, ꓟ ꓠꓲ, ꓟ ꓒ ꓗꓷꓳ꓿

1805 ꓘꓳꓼ ꓔꓯ ꓙꓲꓻ ꓫꓬ ꓢꓴ Ann Seton ꓠꓬ ꓗ‐ꓕꓳ‐ꓡꓲ ꓢꓲꓺ ꓤ ꓕꓲ ꓣꓳ ꓒꓬꓱꓼ ꓡ ꓪ꓿

ꓙꓲꓻ ꓫꓬ ꓢꓴ Ann Seton ꓠꓬ ꓗ‐ꓕꓳ‐ꓡꓲꓗ ꓢꓲꓺ ꓤ ꓒꓬꓱꓼ ꓡ ꓗ, ꓠꓯ Baltmore ꓡꓳ ꓒꓱ ꓗꓪ ꓫ. ꓢꓴ ꓟꓷꓼ ꓢꓴ ꓐꓶ ꓶ ꓢꓳ ꓦꓲꓻ ꓕꓲ ꓦꓲꓻ ꓫꓬ, ꓖꓶ ꓗꓷꓳ꓿ ꓝꓮꓲ ꓕꓲ ꓘꓳꓼ ꓕꓯ Marland ꓡꓳ ꓒꓱ ꓗꓪ ꓫ. ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓢꓴ ꓔꓲꓺ ꓒ ꓜꓴꓻ (Congregation of the Sister of Charity of St. Joseph ꓜꓴꓻ ꓔꓯ ꓥ ꓟꓲ ꓒꓴ ꓖꓶ ꓗꓷꓳ꓿

ꓕꓱ ꓔꓲꓺ ꓒ ꓜꓴꓻꓗꓪ ꓙꓲꓻ ꓫꓬ ꓢꓴ Ann Seton ꓔꓯ ꓧꓳꓽ ꓪꓴ. ꓟꓴ ꓠ, ꓟ ꓙꓵꓽ ꓪ ꓖꓶ ꓗꓷ ꓟ ꓪꓴ. ꓠꓬꓲ (1821) ꓘꓳꓼ ꓗꓪ ꓛꓲ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓗꓷꓳ꓿ ꓝꓮꓲ ꓙꓲꓻ ꓫꓬ Ann Seton ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ American ꓗꓴꓷꓼ ꓗꓪ ꓟꓲ ꓠꓯ ꓢꓷ. ꓠꓲ, ꓕꓳꓽ ꓶ ꓢꓳ ꓦꓲꓻ ꓮ ꓟꓬ, ꓔꓯ ꓥ ꓟꓲ ꓒꓴ ꓖꓶ ꓗꓷꓳ꓿