ꓙꓲꓻ ꓫꓬ ꓢꓴ Emiliani ꓑꓮꓲ꓿

 ꓙꓲꓻ ꓫꓬ ꓢꓴ Jerome Emiliani ꓑꓮꓲ꓿

ꓙꓲꓻ ꓫꓬ ꓢꓴ Jerome  Emiliani ꓔꓯ Italy ꓗꓴꓷꓼ ꓗꓪ 1481 ꓘꓳꓼ ꓕꓯ Venice ꓡꓳ ꓒꓱ ꓗꓪ ꓦꓵꓻ ꓗꓷꓳ꓿  ꓙꓲꓻ ꓫꓬ ꓢꓴ Emiliani ꓠꓬ Somaschun ꓔꓲꓺ ꓒ ꓜꓴꓻ ꓔꓯ ꓬꓲ, ꓪꓴ. ꓔꓶ. ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Emiliani ꓠꓬ ꓞꓳ ꓡꓱ ꓦꓬ ꓠꓬꓲ ꓕꓯ ꓮ ꓟꓬ, ꓓꓽ ꓟ ꓟꓯꓼ ꓒꓽ ꓓꓽ ꓕꓲ ꓣꓳ ꓥ ꓡꓳ꓿ ꓟꓯꓼ ꓢꓰꓼ ꓡꓯ ꓘꓳ, ꓕꓯ ꓛꓵ ꓙꓳ ꓢꓴ ꓐꓴ ꓡꓰ ꓣꓴ ꓟꓶ ꓗꓷ ꓢꓲ ꓠꓬꓲ ꓐꓱ ꓓꓵ ꓗꓪ ꓔꓬ ꓝꓲꓳ꓿ ꓙꓲꓻ ꓫꓬ ꓢꓴ Emiliani  ꓠꓬ ꓬꓲ, ꓥꓳꓽ ꓡꓰ ꓟ  ꓝꓴꓲꓼ ꓔꓯ ꓓꓴ ꓙ ꓢꓲ ꓠꓬꓲ ꓐꓱ ꓓꓵ ꓗꓪ ꓐꓰ ꓓꓳ ꓡꓰ ꓕꓯ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓓꓴ ꓙ ꓗꓷꓳ꓿

ꓙꓲꓻ ꓫꓬ ꓢꓴ Emiliani ꓠꓬ ꓬꓲ ꓞꓲꓼ 37 ꓘꓳꓼ ꓕꓯ ꓔꓲꓺ ꓒ ꓕꓲ ꓣꓳ ꓒꓬꓱꓼ ꓡ ꓪ꓿ ꓙꓲꓻ ꓫꓬ ꓢꓴ Emiliani ꓠꓬ ꓬꓲ, ꓠꓯ, ꓗꓪ ꓙꓳ ꓟ ꓒꓴ ꓫꓵꓺ ꓮ ꓙꓵꓽ ꓔꓯ ꓫ. ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓗꓷꓳ꓿ ꓞꓳ ꓡꓱ ꓐꓴ ꓐꓰ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓕꓳ ꓶ ꓢꓳꓼ ꓦꓲꓻ ꓔꓯ ꓥ ꓟꓲ ꓫꓬ, ꓖꓶˍ ꓗꓷꓳ꓿ ꓠꓯꓼ ꓞꓲꓼ ꓦꓲꓻ ꓥ ꓟꓲ ꓫꓬ, ꓖꓶˍ ꓢꓲ ꓠꓬꓲ ꓠꓻ ꓔꓬ ꓢꓴ ꓐꓴ ꓔꓯ ꓬꓰ ꓙ ꓗꓷꓳ꓿ AD 1532 ꓘꓳꓼ ꓕꓯ (Conggregation of Clerks Regular of Somascha) ꓟꓬꓱꓽ ꓟ ꓔꓲꓺ ꓒ ꓜꓴꓻ ꓔꓯ ꓥ ꓟꓲ ꓒꓴ ꓖꓶˍ ꓗꓷꓳ꓿ ꓙꓲꓻ ꓫꓬ ꓢꓴ Jerome ꓠꓬ ꓔꓲꓺ ꓒ ꓐꓴ ꓔꓯ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬ, ꓢꓯꓼ ꓕꓵꓼ ꓠ ꓟ ꓦꓻ ꓕꓲ ꓒꓳ, ꓗꓪ ꓬꓰ ꓙ ꓗꓷꓳ꓿

ꓙꓲꓻ ꓫꓬ ꓢꓴ Jerome Emiliani ꓡꓰ ꓔꓲꓺ ꓒ ꓐꓴ ꓔꓯ ꓟ. ꓖꓶˍ ꓘꓶꓽ ꓢꓯꓼꓖꓶ ꓘꓶꓽ ꓠꓬ ꓪꓴ‐ꓢ ꓟꓬꓱꓽ ꓟꓯ ꓢꓴ ꓣꓳ ꓠꓬ ꓫ. ꓓꓴ ꓟꓷꓼ ꓓꓴ ꓮ ꓟꓬ, ꓔꓳ ꓜꓳ ꓡ ꓓꓴ ꓥꓳ꓾ ꓖꓳ ꓡꓱ ꓥ ꓟꓲ ꓪꓴ‐ꓢ ꓐꓰ ꓙ ꓫꓱ ꓕꓯ ꓧꓪ. ꓡꓰ ꓓꓴ ꓔꓯ ꓘꓳꓼ ꓣꓴ ꓟꓶ ꓓꓴ ꓥꓳ ꓐꓱ ꓢꓯꓼ ꓖꓶˍ ꓔ ꓡꓳ꓿ ꓙꓲꓻ ꓫꓬ ꓢꓴ Jerome Emiliani ꓠꓬ ꓠꓻ ꓢꓴ ꓑꓬ ꓢꓴ ꓔꓯ ꓬꓰ ꓙ ꓔꓬ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ. ꓬꓰꓳ꓿ ꓙꓲꓻ ꓫꓬ ꓢꓴ Jerome Emiliani ꓔꓯ ꓔꓲꓺ ꓒ ꓪ ꓔꓲ Pius 11 ꓠꓬ ꓙꓲꓻ ꓫꓬ ꓢꓴ ꓟꓬꓱꓽ ꓓꓳꓽ ꓖꓶˍ ꓗꓷꓳ꓿

Add new comment

2 + 0 =