ꓙꓲꓻ ꓫꓬ ꓢꓴ Flora ꓑꓮꓲꓽ (St.Flora)

ꓙꓲꓻ ꓫꓬ ꓢꓴ Flora ꓑꓮꓲꓽ (St.Flora)

ꓙꓲꓻ ꓫꓬ ꓢꓴ Flora ꓑꓮꓲꓽ ꓔꓯ A.D (1309) ꓘꓳꓼ ꓕꓯ ꓐꓲ‐ꓔꓲ ꓗꓴꓷꓼ ꓗꓪ ꓦꓵꓻ ꓗꓷ ꓟ ꓥ ꓡꓳ꓿  ꓙꓲꓻ ꓫꓬ ꓢꓴ Flora ꓠꓬ ꓟꓴ ꓗꓪ ꓗꓪ ꓐꓰ ꓪꓴ‐ꓢ ꓡꓰ ꓖꓶ ꓡ ꓟ ꓡꓯꓽ ꓫꓴꓻ ꓮ ꓟꓬ, ꓘꓳ, ꓣꓴ ꓟꓶ ꓢꓴ ꓥ ꓡꓳ꓿ ꓬꓲ ꓠꓬ ꓮ ꓘꓶ. ꓛꓲ ꓙꓽ ꓣꓳ ꓟ ꓠꓲ, ꓟ ꓙꓳ ꓢꓴ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓬꓲ ꓠꓯ, ꓗꓪ ꓮ ꓡꓰ ꓐꓰ ꓢꓯ. ꓔꓬ ꓠ, ꓟ ꓢꓷ. ꓠꓲ, ꓓꓰꓽ ꓡ ꓟ ꓥ ꓡꓳ꓿

ꓙꓲꓻ ꓫꓬ ꓢꓴ Flora ꓠꓬ ꓞꓲꓼ ꓣꓳ ꓟ ꓙꓵ, ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓔꓯ ꓮ ꓘꓶ. ꓠꓲ, ꓠꓵꓻ ꓢꓲ ꓠꓬ ꓪꓴ‐ꓢ ꓠꓲ, ꓒꓴ ꓟ ꓔꓯ ꓡꓰ ꓛꓳꓽ ꓢꓴ ꓥ ꓡꓳ꓿ ꓬꓲ ꓐ, ꓐ ꓐꓰ ꓟ, ꓟ ꓠꓬ ꓦꓲꓻ ꓔꓵ ꓗꓪ ꓔꓵ ꓠ, ꓟ ꓮ ꓟꓬ, ꓧꓪ. ꓐꓯ ꓖꓶ ꓥ ꓟꓲ ꓬꓲ ꓠꓬ ꓟꓽ ꓘꓳ, ꓣꓴ ꓟ ꓥ ꓡꓳ꓿

ꓙꓲꓻ ꓫꓬ ꓢꓴ Flora ꓠꓬ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓗꓪ ꓙꓲꓻ ꓫꓬ ꓢꓴ ꓬꓳ‐ꓦ (St.John of Jerusalem) ꓒꓴ ꓔ ꓟ ꓠꓯꓼ ꓞꓲꓼ ꓦꓲꓻ ꓗꓪ ꓟꓬꓱꓽ ꓬꓰ ꓟ ꓔꓲꓺ ꓟ ꓜꓴꓻ ꓗꓪ ꓓꓵ ꓡꓰ ꓟ ꓥ ꓡꓳ꓿ ꓕꓱ ꓔꓲꓺ ꓟ ꓜꓴꓻ ꓗꓪ ꓮ ꓟꓬ, ꓛꓲ ꓫ. ꓟ ꓔꓳ, ꓟ ꓐꓰ ꓠꓲ, ꓟ ꓐꓬ ꓡꓰ ꓠ, ꓟ ꓫꓵꓽ ꓪꓵꓽ ꓔꓯ ꓬꓰ ꓔꓳ, ꓜꓳ ꓡꓰ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓔꓯ ꓮ ꓘꓶ. ꓛꓲ ꓠꓲ, ꓟ ꓪꓴ. ꓠꓬꓲ ꓫ. ꓓꓴ ꓟꓷꓼ ꓓꓴ ꓔꓯ ꓧꓪ. ꓡꓰ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓖꓶ ꓡ ꓟ ꓢꓷ. ꓡꓰ ꓓꓴ ꓮ ꓟꓬ, ꓥ ꓟꓲ ꓬꓲ ꓡꓳ. ꓟꓳ ꓪ ꓟ ꓥ ꓡꓳ꓿

ꓕꓲ ꓧꓪ ꓕꓯ ꓙꓲꓻ ꓫꓬ ꓢꓴ Flora ꓠꓬ ꓙꓲꓻ ꓫꓬ ꓢꓴ ꓑꓮꓲ (11) ꓦ ꓟ ꓕꓲ ꓠꓬꓲ ꓗꓪ ꓮ ꓘꓶ. ꓛꓲ ꓓꓴ ꓙ ꓟꓶ ꓓꓴ ꓢꓷ. ꓡꓲ ꓓꓴ ꓔꓯ ꓡꓳ. ꓟꓳ ꓪ ꓡꓰꓳ꓿ ꓝꓮꓲ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓚꓱ, ꓔꓯ ꓓꓴ ꓙ ꓢꓪ ꓠꓬꓲ ꓢꓲ ꓪꓽ ꓘꓴ ꓔꓯ ꓢꓷ. ꓡꓲ ꓓꓴ ꓔꓯ ꓡꓳ. ꓟꓳ ꓪ ꓟ ꓮ ꓟꓬ, ꓧꓪ ꓙꓳ ꓡꓰ ꓟ ꓥ ꓡꓳ꓿ ꓝꓮꓲ ꓬꓲ ꓟꓷꓼ ꓠꓷꓼ ꓐꓰ ꓠꓲꓻ ꓖꓴ ꓗꓪ ꓐꓰ ꓢꓲ ꓓꓳꓻ ꓡ ꓟ ꓥ ꓟꓲ ꓮ ꓟꓬ, ꓧꓪ ꓙꓳ ꓗꓷ ꓟ ꓥ ꓡꓳ꓿

ꓙꓲꓻ ꓫꓬ ꓢꓴ Flora ꓠꓬ (1347) ꓘꓳꓼ ꓕꓯ ꓢꓲꓺ ꓒ ꓠꓯ ꓗꓪ ꓬꓯꓼ ꓟꓶ ꓡꓰ ꓟ ꓥ ꓡꓳ꓿ ꓬꓲ ꓔꓯ ꓓꓵ ꓔ ꓟ ꓡꓯꓼ ꓜꓳ ꓗꓪ  ꓥ ꓟꓲ ꓢꓷ. ꓡꓰ ꓓꓴ ꓮ ꓟꓬ, ꓫꓵꓽ ꓟ. ꓖꓶ ꓡ ꓟ ꓥ ꓡꓳ꓿