ꓙꓲꓻ ꓫꓬ ꓢꓴ Frances De Chantal ꓑꓮꓲ

ꓙꓲꓻ ꓫꓬ ꓢꓴ Frances De Chantal ꓑꓮꓲ

ꓙꓲꓻ ꓫꓬ ꓢꓴ Frances De Chantal ꓔꓯ French ꓗꓴꓷꓼ Dijon ꓡꓳ ꓒꓱ ꓗꓪ 1572 ꓘꓳꓼ ꓕꓯ ꓮ ꓟꓬꓹ ꓒꓴ ꓫꓵꓺ ꓙꓳˍ ꓟ ꓦꓲꓻ ꓗꓪ ꓐꓰ ꓬꓲ ꓔꓯ ꓦꓵꓻ ꓗꓷ ꓪ= ꓙꓲꓻ ꓫꓬ ꓢꓴ Frances De Chantal ꓠꓬ (Visitation Order) ꓔꓲꓺ ꓟ ꓜꓴ ꓗꓪ ꓓꓵꓽ ꓡꓰ ꓢꓲ ꓙꓲꓻ ꓫꓬ ꓢꓴ ꓕꓲ ꓪ ꓒꓬꓱꓼ ꓡ ꓟ ꓥ ꓡꓳ= ꓬꓲ ꓞꓲꓼ 20 ꓘꓳꓼ ꓕꓯ Rabutin ꓡꓳ ꓒꓱ ꓗꓪ ꓔꓬ ꓟ Christopher ꓐꓰ ꓡꓯꓽ ꓒꓯꓹ ꓝꓸ ꓗꓷ ꓪ= Christopher ꓠꓬ French ꓗꓴꓷꓼ ꓗꓪ ꓟꓯꓼ ꓒ ꓓ ꓕꓲ ꓪ ꓥ ꓡꓳ= 1601 ꓘꓳꓼ ꓕꓯ Christopher ꓠꓬ ꓟꓵꓽ ꓗꓪ ꓧꓪꓽ ꓢꓰꓼ ꓙꓰ ꓔꓬ ꓕꓯ ꓖꓳ ꓗꓪ ꓫꓵꓻ ꓡꓰ ꓪ= ꓙꓬꓻ ꓫꓬ ꓢꓴ Frances De Chantal ꓠꓬ 1604 ꓘꓳꓼ ꓕꓯ ꓬꓲ ꓐꓹ ꓐ ꓐꓴ ꓔꓬ ꓟ ꓦꓲꓻ ꓗꓪ ꓡꓽ ꓡ ꓢꓲ ꓠꓬꓲ ꓔꓬ ꓕꓯ ꓙꓲꓻ ꓫꓬ ꓢꓴ Francis De Sales ꓜꓴ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓯ ꓮ ꓟꓬꓹ ꓠꓲꓹ ꓟ ꓐ ꓡꓰ ꓪ= 1610 ꓘꓳꓼ ꓕꓯ ꓙꓲꓻ ꓫꓬ ꓢꓴ Frances De Chantal ꓠꓬ ꓬꓲ ꓤ ꓐꓱ ꓶ ꓣꓱꓽ ꓬꓯꓼˍ ꓟ ꓔꓯ ꓬꓰ ꓙ ꓢꓲ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓙꓰ ꓗꓷ ꓪ=

ꓙꓲꓻ ꓫꓬ ꓢꓴ Frances De Chantal ꓠꓬ ꓬꓲ ꓮ ꓟꓬꓹ ꓠꓲꓹ ꓠꓵˍ ꓟ ꓬꓲ ꓤ ꓔꓯ ꓛ ꓗꓷ ꓢꓲ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓬꓲ ꓐꓹ ꓐ ꓔꓯ ꓶꓼ ꓥꓳꓽ ꓙꓱꓽ ꓖꓶ ꓠꓹ ꓟ ꓓꓰꓽ ꓢꓲ ꓠꓬꓲ ꓔꓲꓺ ꓟ ꓜꓴ ꓗꓪ ꓓꓵꓽ ꓡꓰ ꓪ=  ꓙꓬꓻ ꓫꓬ ꓢꓴ Frances De Chantal ꓠꓬ (Visitation) ꓔꓲꓺ ꓟ ꓜꓴ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓥ ꓡꓳ= ꓙꓲꓻ ꓫꓬ ꓢꓴ Frances De Chantal ꓠꓬ ꓬꓲ ꓡꓰ ꓧꓳꓽ ꓪꓴꓸ ꓟꓴ ꓔꓬ ꓟ ꓔꓲꓺ ꓟ ꓐꓴ ꓔꓯ꓾ ꓠꓲꓹ ꓠꓵˍ ꓟ ꓥꓪ ꓠꓬꓲꓹ ꓟ ꓐꓴꓳ꓾ ꓣꓳ ꓠꓬ ꓪꓴ-ꓢ ꓟꓬꓱꓽ ꓬꓰˍ ꓕꓯ ꓠꓵ ꓠꓲꓹ ꓡꓰ ꓬꓰ ꓠꓯˍ ꓡꓳ꓾ ꓐꓰ ꓮ ꓕꓯ ꓟꓲ ꓟꓸ ꓖꓶꓽ ꓗꓷꓳ= ꓮꓸꓓ 1641 ꓘꓳꓼ ꓕꓯ ꓙꓲꓻ ꓫꓬ ꓢꓴ Frances De Chantal ꓢꓲ-ꓒ ꓠꓯꓸꓼ ꓗꓪ ꓬꓲꓼ ꓟꓶ ꓡꓰ ꓪ=