ꓙꓲꓻ ꓫꓬ ꓢꓴ Gregory Barbarigo ꓑꓮꓲꓽ (St.Gregory Barbarigo)

ꓙꓲꓻ ꓫꓬ ꓢꓴ Gregory Barbarigo ꓑꓮꓲꓽ (St.Gregory Barbarigo)

ꓙꓲꓻ ꓫꓬ ꓢꓴ Gregory ꓔꓯ Italy ꓗꓴꓷꓼ Venice ꓡꓳ ꓒꓱ ꓗꓪ ꓒꓴ ꓫꓵꓺ ꓮ ꓟꓬ, ꓙꓳ ꓟ ꓕꓲ ꓦꓲꓻ ꓘꓴꓽ ꓗꓪ ꓐꓰ AD 1625 ꓘꓳꓼ ꓕꓯ ꓬꓲ. ꓔꓯ ꓦꓵꓻ ꓗꓷꓳ꓿ ꓬꓲ. ꓠꓬ ꓟꓲ ꓠꓯ ꓢꓷ. ꓠꓲ, ꓮ ꓘꓶ. ꓓ ꓢꓴ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ 1648 ꓘꓳꓼ ꓕꓯ Venice ꓡꓳ ꓒꓱ ꓗꓪ “ Amabassador ꓟꓬꓱꓽ ꓔꓯ ꓬꓰ ꓗꓷ ꓟ ꓥ ꓡꓳ꓿

ꓖꓳ ꓗ ꓠꓯ. ꓬꓲ. ꓠꓬ ꓪꓴ‐ꓢ ꓐꓯ ꓘꓶꓽ ꓢꓳꓻ ꓣꓴ ꓪ ꓡꓰ ꓢꓲ ꓠꓬꓲ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓪ꓿ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓗ. ꓠꓯ ꓙꓲꓻ ꓫꓬ ꓢꓴ Goegory Barbarigo ꓔꓯ ꓔꓲꓺ ꓒ ꓪ ꓔꓲ Alexandrer (7) ꓠꓬ Bergamo ꓡꓳ ꓒꓱ ꓗꓪ ꓔꓲꓺ ꓒ ꓓꓽ ꓙꓵꓽ ꓪ ꓔꓯ ꓖꓶ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓟꓯ, ꓝꓲꓳ꓿

ꓗ. ꓠꓯ. ꓙꓲꓻ ꓫꓬ ꓢꓴ Gerogory Barbarigo ꓠꓬ Cardinal ꓕꓲ ꓣꓳ  ꓒꓬꓱꓼ ꓡ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓗꓷꓳ꓿ ꓙꓲꓻ ꓫꓬ ꓢꓴ Gerogory Barbarigo ꓠꓬ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬ, ꓢꓯꓼ ꓕꓵꓼ ꓟ ꓡꓰ ꓟꓽ ꓞꓲꓻ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓫꓬ, ꓔꓱ, ꓠ, ꓟ ꓮ ꓟꓬ, ꓫꓵꓽ ꓔꓯ ꓥ ꓟꓲ ꓖꓪꓽ ꓙꓱ ꓜꓲꓼ ꓓꓴ ꓬꓰ ꓢꓲ ꓠꓬꓲ ꓫꓬ, ꓔꓱ, ꓟ  ꓟꓬꓱꓽ ꓔꓯ ꓬꓰ ꓗꓷꓳ꓿

ꓬꓲ. ꓡꓰ ꓮ ꓟꓬ, ꓢꓯꓼ ꓕꓵꓼ ꓟ ꓪꓴ. ꓠꓬꓲ Italy ꓗꓴꓷꓼ ꓗꓪ ꓙꓳˍ ꓟ Bergamo ꓡꓳ ꓒꓱ ꓐꓰ Patua ꓡꓳ ꓒꓱ ꓗꓪ ꓫꓬ, ꓦꓻ ꓟ ꓔꓲꓺ ꓒ ꓢꓳꓻ ꓤ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓝꓮꓲ ꓔꓲꓺ ꓒ ꓢꓳꓻ ꓤ ꓐꓴ ꓔꓯ ꓢꓳꓻ ꓦꓲꓻ ꓗꓪ ꓕꓳ ꓶ ꓵꓻ ꓠ, ꓟ ꓔꓶ. ꓔꓯ ꓥ ꓟꓲ ꓫꓬ, ꓖꓶ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ ꓪꓴ‐ꓢ ꓐꓯ ꓘꓶꓽ ꓔꓯ ꓢꓳꓻ ꓣꓴ ꓝꓲꓳ꓿꓿

ꓙꓲꓻ ꓫꓬ ꓢꓴ Gregory ꓠꓬ ꓔꓱ, ꓚꓵ. ꓟ ꓐꓰ ꓙꓵꓻ ꓠꓲ, ꓮ ꓟꓬ, ꓙꓳ ꓢꓴ ꓔꓲꓺ ꓒ ꓓꓽ ꓥ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓥ ꓟꓲ ꓮ ꓟꓬ, ꓟꓬꓱꓺ ꓓꓳꓽ ꓖꓶ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓙꓲꓻ ꓫꓬ ꓢꓴ Gregory Barbarigo ꓠꓬ AD 1697 ꓘꓳꓼ ꓬꓲ. ꓞꓲꓼ (72) ꓘꓳꓼ ꓔꓯ ꓢꓲ‐ꓒ ꓠꓯ. ꓗꓪ ꓬꓲꓼ ꓟꓶ ꓡꓰꓳ꓿