ꓙꓲꓻ ꓫꓬ ꓢꓴ Hilarion ꓑꓮꓲ

ꓙꓲꓻꓫꓬ ꓢꓴ Hilarion ꓑꓮꓲ

ꓙꓲꓻꓫꓬ ꓢꓴ Hilarion ꓔꓯ Palestine ꓗꓴꓷꓼ Gaza ꓗꓪ ꓬꓲ ꓔꓯ ꓦꓵꓻ ꓗꓷ ꓢꓲ꓾ ꓬꓲꓸ ꓐꓹ ꓐ ꓐꓰ ꓟꓹ ꓟ ꓠꓬ ꓪꓴ-ꓢ ꓔꓯ ꓟꓽ ꓦ ꓡꓱ ꓢꓴ ꓐꓴ ꓥ ꓡꓳ= ꓙꓲꓻꓫꓬ ꓢꓴ Hilarion ꓠꓬ Alexandria ꓡꓳ ꓒꓱ ꓗꓪ ꓟꓲ ꓠꓯ ꓢꓷꓸ ꓠꓲꓹ ꓕꓳꓽ ꓶ ꓔꓯ ꓢꓳ ꓣꓴ ꓟꓶ ꓟ ꓡꓰ ꓟꓽ ꓛꓲꓺ ꓪꓴ-ꓢ ꓐꓯ ꓘꓶꓽ ꓔꓯ ꓥˍ ꓟꓲ ꓢꓳ ꓣꓴ ꓪ ꓡꓰ ꓢꓲ ꓠꓬꓲ ꓙꓲ-ꓢꓴ ꓢꓲ ꓤ ꓒꓬꓱꓼ ꓡ ꓪ=ꓬꓲ ꓠꓬ ꓙꓲꓻꓫꓬ ꓢꓴ Anthony ꓐꓰ ꓕꓲꓽ ꓪ Egypt Kꓴꓷꓼ ꓗꓪ ꓔꓬ ꓢꓲ ꓠꓬꓲ ꓪꓴ-ꓢ ꓟꓬꓱꓽ ꓬꓰ ꓢꓲ ꓮ ꓘꓶꓸ ꓢꓯꓼ ꓕꓵꓼ ꓗꓷ ꓪ=

ꓙꓲꓻꓫꓬ ꓢꓴ Hilarion ꓠꓬ Egypt ꓗꓴꓷꓼ ꓗꓪ ꓐꓰ ꓬꓲꓼ ꓡ ꓢꓲ Gaza ꓗꓪ ꓔꓬ ꓢꓲ ꓪꓴ-ꓢ ꓟꓬꓱꓽ ꓬꓰ ꓗꓷ ꓪ= ꓙꓲꓻ ꓫꓬ ꓢꓴ Hilarion  ꓠꓬ ꓪꓴ-ꓢ ꓟꓽ ꓦ ꓡꓱ ꓢꓴ ꓡ ꓞꓳ ꓐꓴꓔꓯ ꓪꓴ-ꓢ ꓶꓼ ꓓꓳꓽ ꓫꓱꓹ ꓓꓳꓽ ꓚꓺ ꓗꓷ ꓪ= ꓬꓲ ꓠꓬ ꓪꓴ-ꓢ ꓐꓯ ꓘꓶꓽ ꓚꓺˍ ꓟ ꓗꓪ ꓮ ꓟꓬꓹ ꓓ ꓢꓴ ꓥ ꓟ ꓪꓴꓸ ꓠꓬꓲ ꓡ ꓞꓳ ꓮ ꓟꓬꓹ ꓥˍ ꓟꓲ ꓪꓴ-ꓢ ꓔꓯ ꓘꓳꓹ ꓣꓴ ꓡ ꓪ= ꓙꓲꓻ ꓫꓬ ꓢꓴ Hilarion ꓠꓬ A.D 329 ꓘꓳꓼ ꓕꓯ Gaza ꓗꓪ ꓪꓽ ꓘꓴ ꓦꓲꓻ ꓕꓲꓽ ꓦꓲꓻ ꓫꓬꓹ ꓢꓲ ꓔꓬ ꓗꓷ ꓪ=

ꓪꓺ ꓔꓲ Julian ꓠꓬ ꓢꓲꓺ ꓒ ꓬꓰ-ꓢꓴ ꓔꓯ ꓘꓳꓹ ꓣꓴ ꓢꓴ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓢꓰꓼˍ  ꓟ ꓙꓵꓹ ꓗꓪ ꓙꓲꓻ ꓫꓬ ꓢꓴ Hilarion ꓠꓬ Libya ꓗꓴꓷꓼ ꓗꓪ ꓔꓬ ꓗꓷꓳ= ꓖꓳ ꓗꓪ ꓪꓴ-ꓢ ꓟꓬꓱꓽ ꓮ ꓟꓬꓹ ꓥˍ ꓟꓲ ꓬꓰ ꓗꓷ ꓪ= ꓙꓲꓻ ꓫꓬ ꓢꓴ Hilarion ꓠꓬ 3 ꓘꓳꓼ ꓗ ꓠꓯꓸ ꓬꓲ ꓔꓬ ꓟ ꓗꓴꓷꓼ ꓗꓪ ꓬꓲꓼ ꓡ ꓪ= ꓙꓲꓻ ꓫꓬ ꓢꓴ Hilarion ꓮ ꓟꓬꓹ ꓠꓲꓹ ꓟ ꓙꓲꓻ ꓢꓴ ꓕꓲ ꓣꓳ ꓥ ꓡꓳ= ꓫꓸ ꓢꓴ ꓐꓴ ꓐꓰ ꓜꓼ ꓓꓴ ꓓꓳ ꓓꓴ ꓟꓽ ꓙꓳ ꓢꓴ ꓔꓯ ꓬꓰ ꓙ ꓢꓴˍ ꓟꓲ ꓥ ꓡꓳ= ꓙꓲꓻꓫꓬ ꓢꓴ Hilarion ꓠꓬ A.D 371 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳꓹ ꓬꓰ ꓪ= ꓙꓲꓻ ꓫꓬ ꓢꓴ Hilarion  ꓧꓪꓽ ꓖꓳ ꓓꓱꓽ ꓔꓯ Gaza ꓗꓪ ꓙꓳˍ ꓟ ꓪꓽ ꓘꓴ ꓦꓲꓻ ꓗꓪ ꓔꓵꓸ ꓗꓷ ꓪ=

Add new comment

11 + 0 =