ꓙꓲꓻ ꓫꓬ ꓢꓴ Hilary ꓑꓮꓲ꓿

ꓙꓲꓻ ꓫꓬ ꓢꓴ Hilary ꓑꓮꓲ꓿

ꓙꓲꓻ ꓫꓬ ꓢꓴ Hilary ꓔꓯ Italy ꓗꓴꓷꓼ Sardinia ꓡꓳ ꓒꓱ ꓗꓪ ꓬꓲ.ꓔꓯ ꓦꓵꓻ ꓗꓷꓳ꓿ ꓙꓲꓻ ꓫꓬ ꓢꓴ Hilary ꓠꓬ AD 449 ꓘꓳꓼ ꓔꓯ ꓬꓲ‐ꓩꓴ‐ꓢꓳ ꓡꓳ ꓒꓱ ꓗꓪ ꓬꓰ ꓗꓷ ꓟ ꓖꓪ ꓙꓱ ꓜꓲꓼ ꓓꓴ ꓔꓯ ꓧꓳꓽ ꓪꓴ. ꓟꓴ ꓢꓴ ꓥ ꓡꓳ꓿ ꓮꓓ 461 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓒꓬꓱꓼ ꓡ ꓪ꓿

ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓪ ꓔꓲ Hilary ꓠꓬ ꓔꓲꓺ ꓒ ꓪ ꓔꓲ ꓟꓽ ꓒꓬꓱꓼ ꓢꓰꓼ ꓕꓯ ꓔꓲꓺ ꓒ ꓪ ꓔꓲ Leo the great ꓔꓯ ꓬꓰ ꓙ ꓔꓳ ꓙ ꓢꓴ ꓥ ꓡꓳ꓿ ꓔꓲꓺ ꓒ ꓪ ꓔꓲ Leo the great ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳꓽ ꓓꓱ ꓡꓳꓻ ꓬꓰ ꓗ, ꓠꓯ ꓔꓲꓺ ꓒ ꓪ ꓔꓲ ꓒꓬꓱꓼ ꓡꓳ꓿

ꓔꓲꓺ ꓒ ꓪ ꓔꓲ Hilary ꓠꓬ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓗꓷ ꓟ ꓙꓵ, ꓕꓯ ꓪꓴ‐ꓢ ꓠꓬ ꓢꓽ ꓣꓳ ꓕꓲ ꓖꓳꓽ ꓓꓱ ꓟꓽ ꓙꓳ ꓐꓰ ꓐꓯ ꓟ ꓟꓽ ꓙꓲꓻ ꓟꓽ ꓜꓳ ꓟ ꓟ. ꓟꓲ ꓔꓯ ꓫꓬ, ꓔꓱ, ꓖꓶ ꓡꓳ꓿

ꓙꓲꓻ ꓫꓬ ꓢꓴ Hilary ꓡꓰ ꓪꓴ‐ꓢ ꓠꓬ ꓐ, ꓐ ꓤ ꓔꓲ ꓢꓲ‐ꓫꓬ‐ꓟ‐ꓦ ꓢꓽ ꓣꓳ ꓕꓲ ꓖꓳꓽ ꓓꓱꓽ ꓔꓬ ꓟ ꓚꓱ, ꓔꓯ ꓟ. ꓖꓶ ꓗꓷꓳ꓿ ꓝꓮꓲ ꓙꓲꓻ ꓫꓬ ꓢꓴ Hilary ꓠꓬ ꓦꓻ ꓢꓯꓼ ꓪ ꓖꓶ ꓟ ꓕꓳ ꓶ ꓮ ꓟꓬ, ꓔꓯ ꓥ ꓟꓲ ꓐꓳ ꓖꓶ ꓗꓷꓳ꓿

ꓬꓲ. ꓡꓰ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓟ ꓙꓵ, ꓕꓯ ꓘꓴ ꓜꓲꓼ ꓞꓳ ꓮ ꓟꓬ, ꓪꓴꓽ ꓟꓴ ꓡ ꓡꓳ꓿ ꓙꓲꓻ ꓫꓬ ꓢꓴ Hilary ꓠꓬ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓔꓲꓺ ꓒ ꓓꓽ ꓐꓴ ꓙꓵꓽ ꓪ ꓔꓯ ꓥ ꓟꓲ ꓮ ꓡꓰ ꓐꓰ ꓣꓱ ꓠ, ꓟ ꓕꓳ ꓶ ꓗꓪ ꓐꓰ ꓫ. ꓕꓱ ꓘꓶꓽ ꓗꓪ ꓐꓰ ꓥ ꓟꓲ ꓟ. ꓖꓶ ꓗꓷꓳ꓿

ꓙꓲꓻ ꓫꓬ ꓢꓴ Hilary ꓠꓬ ꓮ ꓟꓬ, ꓙꓵꓽ ꓠꓲ, ꓙꓳ ꓢꓴ ꓔꓲꓺ ꓒ ꓪ ꓔꓲ ꓥ ꓡꓳ꓿ ꓬꓲ. ꓡꓰ ꓧꓳꓽ ꓪꓴ. ꓟꓴ ꓔꓬ ꓘꓴ ꓜꓲꓼ ꓞꓳ ꓔꓯ ꓪꓴꓽ ꓟꓴ ꓡ ꓟ ꓠ, ꓟ ꓢꓯꓼ ꓕꓵꓼ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ ꓣꓳ‐ꓟ ꓪ ꓔꓲ ꓔꓯ ꓥ ꓟꓲ ꓘꓴꓽ ꓢꓲ ꓠꓬꓲ ꓟꓽ ꓔꓱ, ꓟꓽ ꓜꓳ ꓟ ꓚꓱ, ꓗꓪ ꓐꓰ ꓑ ꓫꓬ ꓐꓴ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓗꓪ ꓐꓰ ꓝꓴꓲ ꓓꓴ ꓙ ꓠ, ꓟ ꓟ. ꓖꓶ ꓗꓷꓳ꓿ ꓙꓲꓻ ꓫꓬ ꓢꓴ Hilary ꓠꓬ ꓮꓓ 468 2 ꓦ 28 ꓠꓬꓲ ꓕꓯ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰꓳ꓿