ꓙꓲꓻ ꓫꓬ ꓢꓴ Justin ꓚꓺ ꓟꓲꓽ (St.Justin Martyr)

ꓙꓲꓻ ꓫꓬ ꓢꓴ Justin ꓚꓺ ꓟꓲꓽ

ꓘꓴ ꓜꓲꓼ ꓞꓳ ꓚꓺ ꓟꓲ ꓗꓪ ꓐꓰ ꓙꓲꓻ ꓫꓬ ꓢꓴ Justin ꓚꓺ ꓟꓲꓽ ꓥ ꓡꓳ꓿ꓙꓲꓻ ꓫꓬ ꓢꓴ Justin ꓠꓬ ꓙꓵꓻ ꓠꓲ, ꓑꓶ. ꓓꓴ ꓛꓴ ꓙꓳ ꓢꓴ ꓐꓴ ꓡꓰ ꓢꓰꓼ ꓗꓷ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Justin ꓔꓯ AD 100 ꓘꓳꓼ ꓕꓯ ꓣꓳ‐ꓟ ꓗꓴꓷꓼ ꓬꓲ ꓔꓯ ꓦꓵꓻ ꓗꓷꓳ꓿ YI. B, B BE M, M NY RO-M ꓞꓳ ꓫꓵꓽ ꓥ ꓡꓳ꓿

ꓙꓲꓻ ꓫꓬ ꓢꓴ Justin ꓠꓬ ꓬꓲ. ꓞꓲꓼ ꓣꓳ ꓟ ꓙꓵ, ꓕꓯ ꓪꓴ‐ꓢ ꓔꓯ ꓟꓽ ꓦꓻ ꓡꓱ ꓢꓴ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓔꓱ ꓚꓵ ꓟ ꓚꓱ, ꓔꓯ ꓧꓪ, ꓢꓴ ꓕꓲ ꓣꓳ ꓥ ꓡꓳ꓿ ꓬꓲ. ꓞꓲꓼ ꓣꓳ ꓟ ꓙꓵ, ꓕꓯ ꓟꓲ ꓠꓯ ꓢꓷ. ꓠꓲ, ꓕꓯ ꓪꓴ‐ꓢ ꓟꓽ ꓦꓻ ꓡꓱ ꓢꓴ ꓐꓴ ꓗꓪ ꓟꓲ ꓠꓯ ꓢꓷ. ꓠꓲ, ꓔꓯ ꓢꓳꓻ ꓣꓴ ꓟꓶ ꓡꓰ ꓥ ꓟꓲ  ꓬꓲ. ꓠꓲ, ꓟ ꓠꓯ, ꓗꓪ ꓢꓲꓽ ꓡꓲ ꓗ, ꓛꓲ ꓟ ꓔꓯ ꓟꓽ ꓟꓳ꓿ ꓗ. ꓠꓯ ꓠꓬ ꓚꓬꓴ ꓢꓲꓺ ꓒ ꓬꓰ‐ꓢꓴ ꓚꓱ, ꓔꓯ ꓟ. ꓖꓶ ꓐ ꓡ ꓢꓴ ꓞꓲꓼ ꓪꓴꓽ ꓢꓴ ꓙꓲ‐ꓢꓴ ꓢꓲꓺ ꓤ ꓕꓲ ꓣꓳ ꓔꓯ ꓧꓪ, ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓚꓱ, ꓔꓯ ꓠꓻ ꓡꓳ ꓪ ꓡꓰꓳ꓿ ꓖꓳ ꓡꓱ ꓗ. ꓠꓯ ꓬꓲ. ꓧꓪ, ꓔꓬ ꓟ ꓔꓱ ꓚꓵ, ꓟ ꓚꓱ, ꓔꓯ ꓬꓲ. ꓧꓪ, ꓟꓶ ꓡꓰꓳ꓿

ꓙꓲꓻ ꓫꓬ ꓢꓴ Justin ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓚꓱ, ꓔꓯ ꓢꓳꓻ ꓣꓴ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓔꓯ ꓥ ꓟꓲ ꓢꓳꓻ ꓣꓴ ꓪ ꓡꓰꓳ꓿ ꓖꓳ ꓗ. ꓠꓯ ꓣꓳ‐ꓟ ꓡꓳ ꓒꓱ ꓗꓪ ꓙꓰ ꓢꓲ ꓠꓬꓲ ꓙꓲ꓿ꓢꓴ ꓢꓲꓺ ꓤ ꓐꓴ ꓚꓱ, ꓔꓯ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓡꓰ ꓢꓯ. ꓔꓬ ꓟ ꓚꓱ, ꓔꓯ ꓟ. ꓖꓶ ꓓꓴ ꓢꓳꓻ ꓦꓲꓻ ꓕꓲ ꓦꓲꓻ ꓔꓯ ꓒꓴ ꓖꓶ ꓗꓷꓳ꓿ ꓙꓲꓻ ꓫꓬ ꓢꓴ Justin ꓠꓬ ꓬꓴ‐ꓔ ꓙꓵꓻ ꓠꓲ, ꓔꓯ ꓔꓳ, ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓙꓵꓻ ꓔꓬ ꓟ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓙꓵꓻ ꓠꓲ, ꓚꓱ, ꓔꓯ ꓗꓽ ꓕꓽ ꓠ, ꓟ ꓕꓳ ꓶ ꓮ ꓟꓬ, ꓐꓳ ꓖꓶ ꓗꓷꓳ꓿

ꓕꓱ ꓕꓳ ꓶ ꓗꓪ ꓐꓰ “Dialogue with Trypho” ꓟꓬꓱꓺ ꓔ ꓟ ꓠꓬ ꓮ ꓟꓬ, ꓟꓬꓱꓽ ꓓꓳꓽ ꓙꓳˍ ꓟ ꓥ ꓡꓳ꓿ ꓝꓮꓲ ꓣꓳ‐ꓟ ꓗꓴꓷꓼ ꓔꓯ ꓙꓵꓽ ꓢꓴ ꓐꓴ ꓔꓯ ꓥ ꓟꓲ ꓕꓳꓽ ꓶ ꓠꓬꓲꓽ ꓑꓬ ꓐꓳ ꓖꓶ ꓗꓷꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ‐ꓟ ꓪ  ꓔꓲ Emperor Marcus ꓡꓰ ꓙꓲꓻ ꓫꓬ ꓢꓴ Justin ꓔꓯ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓗꓷꓳ꓿