ꓙꓲꓻ ꓫꓬ ꓢꓴ Lorenzo Ruiz ꓑꓮꓲ=

ꓙꓲꓻ ꓫꓬ ꓢꓴ Lorenzo Ruiz ꓑꓮꓲ=

ꓙꓲꓻ ꓫꓬ ꓢꓴ Lorenzo Ruiz ꓠꓬ ꓬꓲ ꓪꓴꓸ ꓒꓲ-ꓡꓲ-ꓒꓲ  ꓗꓴꓷꓼ ꓞꓳ ꓫꓵꓽ ꓗꓪ ꓐꓰ ꓙꓲꓻ ꓫꓬ ꓢꓴ ꓡ ꓞꓳ ꓒꓬꓱꓼ ꓡ ꓢꓴ ꓥ ꓡꓳ= ꓙꓲꓻ ꓫꓬ ꓢꓴ Lorenzo Ruiz ꓔꓯ ꓒꓲ-ꓡꓲ-ꓒꓲ ꓗꓴꓷꓽ ꓟ-ꓠꓲ-ꓡ ꓡꓳ ꓒꓱ   ꓧꓶꓽ ꓞꓳ ꓫꓵꓽ ꓮ ꓟꓬ ꓔꓬ ꓟ ꓡꓳ ꓒꓱ ꓗꓪ ꓬꓲ ꓔꓯ ꓦꓵꓻ ꓗꓷꓳ= ꓙꓲꓻ ꓫꓬ ꓢꓴ Lorenzo Ruiz ꓠꓬ ꓮ ꓘꓶ ꓡꓳꓸ ꓐꓲˍ ꓟ ꓤ ꓟꓶ ꓕꓲ ꓪ ꓐꓰ ꓡꓯꓼ ꓐꓯ ꓝꓸ ꓗꓷ ꓢꓲ ꓠꓬꓲ꓾ ꓤ ꓠꓱ 3 ꓣꓳ ꓘꓳꓼ ꓣꓴ ꓟꓶ ꓡꓰꓳ= AD 1636 ꓘꓳꓼ ꓕꓯ Binondo ꓪꓽ ꓘꓴ ꓦꓲ ꓗꓪ ꓟꓬꓱꓽ ꓬꓰ ꓔꓬ ꓔꓯ Spain ꓞꓳ ꓫꓵꓽ ꓕꓲ ꓪ ꓔꓯ ꓢꓰꓼ ꓗꓷ ꓐꓰ ꓟꓽ ꓕꓱ ꓟ ꓝꓴꓲꓸ ꓖꓶ ꓡ ꓟ ꓪꓴꓸ ꓠꓬꓲ꓾ ꓙꓲꓻ ꓫꓬ ꓢꓴ Lorenzo Ruiz ꓠꓬ꓾ Japan ꓗꓴꓷꓼ ꓗꓰ ꓙꓰ ꓗꓷꓳ=

ꓙꓲꓻ ꓫꓬ ꓢꓴ Lorenzo Ruiz Japan ꓗꓴꓷꓼ Okinava ꓗꓪ ꓛꓲ ꓬꓰ ꓕꓯ ꓪꓴ-ꓢ ꓦ ꓡꓱ ꓚꓱꓹ ꓑꓶ ꓓꓴ Japan ꓟꓯꓼ  ꓐꓴ ꓡꓰ ꓜꓳꓼ ꓟꓶ ꓡꓰꓳ= ꓙꓲꓻ ꓫꓬ ꓢꓴ Lorenzo Ruiz ꓐꓰ ꓪꓴ-ꓢ ꓟꓬꓱꓽ ꓟꓯꓼ ꓢꓴ ꓔꓲꓺ ꓒ ꓐꓴ ꓔꓯ ꓥ ꓟꓲ꓾ Japan ꓟꓯꓼ ꓐꓴ ꓡꓰ ꓮ ꓟꓬꓹ ꓛꓲ  ꓧꓪꓽ ꓖꓳ ꓓꓱ ꓗꓪ ꓢꓲ ꓓꓳ ꓠꓹ ꓛꓲ ꓔꓲ ꓗꓷꓳ= ꓫꓸ ꓓꓴ ꓟꓶ ꓓꓴ ꓥ ꓟꓲ꓾ ꓙꓲꓻ ꓫꓬ ꓢꓴ Lorenzo Ruiz ꓔꓯ ꓮ ꓟꓬꓹ ꓖꓶ ꓗꓷꓳ=

ꓙꓲꓻ ꓫꓬ ꓢꓴ Lorenzo Ruiz ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓟꓽ ꓡꓳ ꓬꓰ ꓢꓲ ꓕꓯ ꓫꓸ ꓕꓱ ꓟ ꓠꓬ꓾ ꓥꓪ ꓠꓬ ꓪꓴ-ꓢ ꓦꓻ ꓡꓱ ꓚꓱꓹ ꓗꓪ ꓮ ꓟꓬꓹ ꓢꓯꓼ ꓕꓵꓼ ꓢꓴ ꓥ ꓡꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ꓾ ꓪꓴ-ꓢ ꓐꓶ ꓶ ꓫꓵꓻ ꓠꓹ ꓟ ꓑꓶꓸ ꓔ ꓡꓳ ꓫꓸ ꓕꓱ ꓖꓶ ꓗꓷꓳ= ꓙꓲꓻ ꓫꓬ ꓢꓴ Lorenzo Ruiz ꓔꓯ ꓫꓸ ꓕꓱ ꓘꓶꓽ ꓒꓳꓹ ꓖꓶ ꓢꓴ ꓔꓲꓺ ꓒ ꓠꓬꓲꓽ ꓪ ꓥ ꓟꓲ꓾ ꓙꓲꓻ ꓫꓬ ꓢꓴ Lorenzo Ruiz ꓮ ꓟꓬꓹ ꓙꓲꓻ ꓠꓲ ꓙꓳ ꓟ ꓔꓯ ꓡꓳꓸ ꓟꓳ ꓗꓷ ꓕꓯ ꓓꓴ ꓙ ꓒꓳꓹ ꓡꓲ ꓗꓷꓳ= ꓔꓲꓺ ꓒ ꓠꓬꓲꓽ ꓪ ꓠꓬ M-NI-L LO ꓒꓱ ꓗꓪ ꓡ ꓙꓰ ꓢꓲ ꓠꓬꓲ꓾ ꓙꓲꓻ ꓫꓬ ꓢꓴ Lorenzo Ruiz ꓓꓳꓽ ꓔꓯ ꓔꓲꓺ ꓒ ꓓꓽ ꓔꓯ ꓐꓯꓼ ꓟꓸ ꓖꓶ ꓗꓷꓳ=