ꓙꓲꓻ ꓫꓬ ꓢꓴ Louise De Marillae ꓑꓮꓲ

ꓙꓲꓻ ꓫꓬ ꓢꓴ Louise De Marillae ꓑꓮꓲ

ꓙꓲꓻ ꓫꓬ ꓢꓴ Louise De Marillae ꓔꓯ 1591 ꓘꓳꓼ 8 ꓦ ꓟ 15 ꓠꓬꓲ ꓕꓯ French ꓗꓴꓷꓼ ꓗꓪ ꓦꓵꓻ ꓗꓷꓳ꓿ ꓬꓲ ꓞꓲꓼ 22 ꓘꓳꓼ ꓕꓯ Antoine  ꓐꓰ ꓡꓯ ꓒꓯ ꓝ ꓗꓷꓳ꓿ Antonine ꓐꓰ ꓡꓯ ꓒꓯ ꓝ ꓗꓷ ꓟ 22 ꓘꓳꓼ ꓕꓯ Antonine ꓧꓪꓽ ꓖꓳ ꓓꓱ ꓡꓳ ꓬꓰꓳ꓿ ꓙꓲꓻ ꓫꓬ ꓢꓴ Louise De Marillae  ꓠꓬ ꓬꓲ ꓦꓲꓻ ꓢꓲ ꓒ  Antonine ꓐꓰ ꓤ ꓠꓱ ꓤ ꓕꓲ ꓣꓳ ꓘꓳ ꓣꓴ ꓪ  ꓡꓰꓳ꓿

ꓙꓲꓻ ꓫꓬ ꓢꓴ Louise De Marillae ꓠꓬ ꓬꓲ ꓦꓲꓻ ꓢꓲ ꓒ ꓫꓵꓻ ꓡꓰ ꓗꓷ ꓗ ꓠꓯ, ꓔꓲꓺ ꓟ ꓜꓴꓻ ꓗꓪ ꓓꓵ ꓡꓰꓳ꓿ ꓙꓲꓻ ꓫꓬ ꓢꓴ Louise De Marillae ꓠꓬ ꓪꓽ ꓘꓴ ꓟ ꓗꓪ ꓮ ꓟꓬ ꓢꓯꓼ ꓕꓵꓼ ꓗꓷꓳ꓿ YI NY ꓫ. ꓢꓴ ꓟꓷꓼ ꓢꓴ ꓔꓯ ꓮ ꓟꓬ, ꓬꓰ ꓙ ꓗꓷꓳ꓿ ꓙꓲꓻ ꓫꓬ ꓢꓴ Louise De Marillae ꓫ. ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓠ, ꓟ ꓔꓲꓺ ꓟ ꓜꓴꓻ Daughters of Charity ꓟꓬꓱ  ꓟ ꓜꓴꓻ ꓔꓯ ꓒꓴ ꓖꓶ ꓗꓷꓳ꓿ ꓝꓮꓲ ꓙꓲꓻ ꓫꓬ ꓢꓴ Louise De Marillae ꓠꓬ ꓠꓻ ꓢꓴ ꓑꓬ ꓢꓴ ꓔꓯ ꓬꓰ ꓙ ꓜꓴꓻ Servants of the Sick Poor ꓟꓬꓱ ꓔ ꓟ ꓜꓴꓻ ꓔꓯ ꓒꓴ ꓖꓶ ꓗꓷꓳ꓿ ꓔꓲꓺ ꓟ ꓓꓽ ꓙꓲꓻ ꓫꓬ ꓢꓴ Lauise De Marillae ꓬꓰ ꓗꓷ ꓟ ꓙꓵ, ꓟ ꓟꓬꓱꓽ ꓮ ꓟꓬ, ꓔꓯ ꓡ ꓞꓳ ꓮ ꓟꓬ ꓡꓳ. ꓟꓳ ꓗꓷ ꓗ, ꓠꓯ, ꓔꓲꓺ ꓟ ꓜꓴꓻ ꓗꓪ ꓮ ꓟꓬ ꓓꓵ ꓡ ꓪ꓿ ꓙꓲꓻ ꓫꓬ ꓢꓴ Louise De Marillae ꓠꓬ ꓔꓲꓺ ꓟ ꓐꓴ ꓐꓰ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓮ ꓟꓬ, ꓚꓱ, ꓗꓪ ꓬꓰ ꓙꓲꓻ ꓫꓬ ꓢꓴ Louise De Marillae ꓬꓰ

ꓙ ꓗꓷꓳ꓿ ꓙꓲꓻ ꓫꓬ ꓢꓴ Louise De Marillae ꓠꓬ 1660 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰꓳ꓿  ꓙꓲꓻ ꓫꓬ ꓢꓴ Louise De Marillae ꓔꓯ 1934 ꓘꓳꓼ ꓕꓯ 3 ꓦ ꓟ 11 ꓠꓬꓲ ꓕꓯ  ꓔꓲꓺ ꓒ ꓪ ꓔꓲ Pius 11 ꓠꓬ ꓙꓲꓻ ꓫꓬ ꓢꓴ ꓡ ꓞꓳ ꓐꓰ ꓟꓬꓱꓺ ꓓꓳꓽ ꓖꓶ ꓗꓷꓳ꓿