ꓙꓲꓻ ꓫꓬ ꓢꓴ Lucy ꓑꓮꓲꓽ

ꓙꓲꓻ ꓫꓬ ꓢꓴ Lucy ꓑꓮꓲꓽ

ꓙꓲꓻ ꓫꓬ ꓢꓴ Lucy ꓠꓬ ꓙꓵꓻ ꓠꓲ ꓚꓱꓹ ꓑꓶ ꓓꓴ ꓫꓵꓻ ꓢꓴ ꓐꓴ ꓔꓯ ꓬꓰ ꓙ ꓢꓴ ꓙꓲꓻ ꓫꓬ ꓢꓴ ꓥ ꓡꓳ= ꓙꓲꓻ ꓫꓬ ꓢꓴ Lucy ꓔꓯ A.D 300 ꓘꓳꓼ ꓕꓯ Italy ꓗꓴꓷꓼ Syracuse ꓡꓳ ꓒꓱ ꓗꓪ  ꓮ ꓟꓬꓹ ꓒꓴ ꓫꓵꓻ ꓙꓳˍ ꓟ ꓕꓲ ꓦꓲꓻ ꓗꓪ ꓐꓰ ꓬꓲ ꓔꓯ ꓦꓵꓻ ꓗꓷ ꓪ= ꓙꓲꓻ ꓫꓬ ꓢꓴ Lucy ꓬꓲ ꓐꓹ ꓐ ꓠꓬ ꓬꓲ ꓞꓲꓼ ꓣꓳˍ ꓟ ꓙꓵꓹ ꓗꓪ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓪ = ꓬꓲ ꓟꓸ ꓟ ꓡꓰ ꓬꓲ ꓔꓯ ꓮ ꓟꓬꓹ ꓛꓲ ꓬꓰ ꓙ ꓢꓲ ꓪꓴꓽ ꓡ ꓪ= ꓙꓲꓻ ꓫꓬ ꓢꓴ L ucy ꓠꓬ ꓞꓲꓼ ꓣꓳˍ ꓟ ꓙꓵꓹ ꓗꓪ ꓐꓰ ꓬꓲ ꓟꓸ ꓟ ꓡꓰ ꓦꓻ ꓕꓲ ꓒꓳꓹ ꓗꓪ ꓧꓳꓽ ꓪꓴꓸ ꓟꓴ ꓢꓲ ꓮ ꓟꓬꓹ ꓙꓵꓻ ꓠꓲꓹ ꓙꓳˍ ꓟ ꓤ ꓟꓶ ꓤ ꓕꓲ ꓣꓳ ꓥ ꓡꓳ= ꓙꓲꓻ ꓫꓬ ꓢꓴ Lucy ꓬꓲ ꓟꓸ ꓟ ꓐꓰ ꓙꓲꓻ ꓫꓬ ꓢꓴ Agatha ꓡꓱꓼ ꓜꓴ ꓗꓪ ꓪꓽ ꓘꓴ ꓔꓬ ꓕꓯ꓾ ꓬꓲ ꓟꓸ ꓟ ꓟꓬ ꓢꓶꓽ ꓠꓹ ꓟ ꓗꓪ ꓐꓰ ꓓ ꓡꓰ ꓪ=ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓬꓲ ꓟꓸ ꓟ ꓠꓬ ꓙꓲꓻ ꓫꓬ ꓢꓴ Lucy ꓔꓯ ꓕꓲ ꓞꓲꓼ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓕꓵꓼ ꓪ ꓖꓶ ꓗꓷ ꓪ=

 ꓙꓲꓻ ꓫꓬ ꓢꓴ Lucy ꓠꓬ ꓮ ꓟꓬꓹ ꓡꓳꓸ ꓐꓲꓻˍ ꓟ ꓤ ꓟꓶ ꓡꓯꓸ ꓕꓲ ꓣꓳ ꓥ ꓟ ꓪꓴꓸ ꓠꓬꓲ ꓤ ꓖꓴ ꓡꓯꓸ ꓮ ꓟꓬꓹ ꓠꓬ ꓡꓯ ꓒꓯꓹ ꓚ ꓠꓹ ꓟ ꓓꓰꓽ ꓡ ꓟ ꓥ ꓡꓳ= ꓙꓲꓻ ꓫꓬ ꓢꓴ Lucy ꓠꓬ ꓦꓲꓻ ꓢꓲ ꓒꓕꓲ ꓞꓲꓼ ꓟꓽ ꓣꓴ ꓠꓹ ꓟ ꓐꓯ ꓘꓶꓽ ꓛ ꓗꓷ ꓪ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓪ ꓔꓲ (Diocletian) ꓠꓬ ꓙꓲꓻ ꓫꓬ ꓢꓴ Lucy ꓔꓯ ꓞꓳꓹ ꓢꓲ ꓫꓸ ꓟꓴ ꓫꓸ ꓚꓬ ꓬꓰ ꓗꓷ ꓪ= ꓙꓲꓻ ꓫꓬ ꓢꓴ Lucy ꓔꓯ ꓟꓽ ꓙꓲꓻ ꓟ ꓤ ꓟꓶ ꓐꓴ ꓐꓰ ꓔꓬ ꓝꓲˍ ꓥ ꓟꓲ ꓪꓴ-ꓢ ꓡꓰ ꓙꓲꓻ ꓫꓬ ꓢꓴ Lucy ꓔꓯ ꓬꓰ ꓙˍ ꓟ ꓪꓴꓸ ꓠꓬꓲ ꓝꓴꓲꓸ ꓟꓽ ꓬꓰ ꓟ ꓥ ꓡꓳ= ꓙꓲꓻ ꓫꓬ ꓢꓴ Lucy ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓬꓲ ꓟꓬ ꓢꓶꓽ ꓔꓯ ꓣꓴ ꓗꓷ ꓥˍ ꓟꓲ ꓪꓴ-ꓢ ꓡꓰ ꓮ ꓟꓬꓹ ꓡꓳꓸ ꓐꓲꓻˍ ꓟ ꓟꓬ ꓢꓶ ꓔꓯ ꓝꓮꓲ ꓖꓶꓽ ꓗꓷ ꓟ ꓥ ꓡꓳ= ꓗ ꓠꓯꓸ ꓠꓬ ꓙꓲꓻ ꓫꓬ ꓢꓴ Lucy ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓮ ꓕꓽ ꓗꓪ ꓐꓰ ꓢꓰꓼ ꓗꓷ ꓪ=