ꓙꓲꓻ ꓫꓬ ꓢꓴ Maddalena Morano ꓑꓮꓲ=(St.Maddelena Morano)

#creditphoto #St.Maddalena Morano

ꓙꓲꓻ ꓫꓬ ꓢꓴ Maddalena Morano ꓑꓮꓲ

ꓙꓲꓻ ꓫꓬ ꓢꓴ Maddalena Morano ꓠꓬ Italy  ꓗꓴꓷꓼ Turin ꓡꓳ ꓒꓱ ꓗꓪ 1847 ꓘꓳꓼ 11 ꓦ ꓟ 15 ꓠꓬꓲ ꓕꓯ ꓬꓲ. ꓔꓯ ꓦꓵꓻ ꓗꓷꓳ꓿ ꓬꓲ. ꓠꓬꓲ ꓞꓲꓼ ꓣꓳ ꓟ ꓙꓵ, ꓕꓯ ꓡꓰ ꓟꓲ ꓠꓯ ꓢꓷ. ꓠꓲ, ꓟ. ꓖꓶ ꓠ, ꓟ ꓮ ꓟꓬ, ꓠꓲ, ꓟ ꓐꓽ ꓢꓴ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓪꓴ. ꓠꓬꓲ ꓬꓲ. ꓞꓲꓼ ꓪꓴꓽ ꓡ ꓟ ꓙꓵ, ꓕꓯ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓔꓯ ꓢꓳ ꓣꓴ ꓢꓲ ꓠꓬꓲ ꓟ. ꓟ ꓕꓲ ꓣꓳ ꓒꓬꓱꓼ ꓗꓪ ꓛꓲ ꓢꓯꓼ ꓕꓵꓼ ꓗꓷꓳ꓿ꓙꓲꓻ ꓫꓬ ꓢꓴ Maddalena Morano ꓠꓬ ꓢꓲꓽ ꓫꓬ ꓖꓳꓽ ꓓꓱ ꓘꓳ ꓣꓴ ꓟꓶ ꓗ, ꓠꓯ ꓬꓲ. ꓕꓲ ꓞꓲꓼ ꓡꓱ ꓔꓯ ꓢꓲꓺ ꓒ ꓬꓰ‐ꓢꓴ ꓔꓯ ꓡꓯꓼ ꓙꓱ ꓗꓷꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ. ꓠꓬ ꓪꓴ‐ꓢ ꓟꓬꓱꓽ  ꓟꓯ ꓠ, ꓟ ꓐꓱ ꓶ 1879 ꓘꓳꓼ ꓕꓯ ꓔꓲꓺ ꓟ ꓜꓴꓻ ꓗꓪ ꓓꓵꓽ ꓡꓰꓳ꓿

 ꓙꓲꓻ ꓫꓬ ꓢꓴ Maddalena Morano AD 1881 ꓘꓳꓼ ꓕꓯ Sicily ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓙꓰ ꓗꓷꓳ꓿ ꓬꓲ. ꓠꓬꓲ ꓫ. ꓢꓴ ꓟꓷꓼ ꓢꓴ ꓔꓯ ꓮ ꓟꓬ, ꓬꓰ ꓙ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ ꓕꓳꓽ ꓶ ꓟ. ꓖꓶ ꓗꓷꓳ꓿ ꓙꓲꓻ ꓫꓬ ꓢꓴ Maddalena Morano ꓠꓬ ꓫ. ꓢꓴ ꓐꓴ ꓔꓯ ꓮ ꓕꓯ ꓥ ꓟꓲ ꓬꓰ ꓙ ꓔꓳ, ꓙ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓗꓷꓳ꓿ Cicily ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓠꓬ ꓙꓲꓻ ꓫꓬ ꓢꓴ Maddalena Morano ꓔꓯ ꓤ ꓠꓱ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓠ, ꓟ ꓙꓵꓽ ꓪ ꓖꓶ ꓗꓷꓳ꓿

ꓙꓲꓻ ꓫꓬ ꓢꓴ Maddalena Morano ꓠꓬ ꓠꓻ ꓓꓴ ꓔꓳ, ꓜꓳ ꓡꓰ ꓢꓲ ꓠꓬꓲ AD 1908 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓳꓽ ꓖꓳ ꓓꓱꓽ ꓡꓳ ꓬꓰꓳ꓿ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓠꓬ 1994 ꓘꓳꓼ 11 ꓦ ꓟ 5 ꓠꓬꓲ ꓕꓯ ꓙꓲꓻ ꓫꓬꓻ ꓢꓴ ꓐꓰ ꓐꓯ ꓑꓶ ꓗꓷꓳ꓿      

 

Add new comment

4 + 0 =