ꓙꓲꓻ ꓫꓬ ꓢꓴ Nicholas ꓑꓮꓲ꓿

    ꓙꓲꓻ ꓫꓬ ꓢꓴ Nicholas ꓑꓮꓲ꓿

Santa Claus ꓟꓬꓱꓺ ꓗꓪ ꓐꓰ ꓮ ꓟꓬ, ꓛꓲ ꓟꓬꓱꓺ ꓓꓳ ꓙꓳ ꓟ ꓙꓲꓻ ꓫꓬ ꓢꓴ Nicholas ꓔꓯ ꓮꓓ 300 ꓘꓳꓼ ꓕꓯ Asia Minor ꓟꓵꓽ Patara ꓟꓵꓽ ꓗꓪ ꓬꓲ ꓔꓯ ꓦꓵꓻ ꓗꓷꓳ꓿  ꓙꓲꓻ ꓫꓬ ꓢꓴ Nicholas ꓠꓬ ꓫ. ꓢꓴ ꓟꓷꓼ ꓢꓴ ꓔꓯ ꓟꓬꓽ ꓬꓰ ꓙ ꓔꓳ, ꓙ ꓢꓴ ꓙꓲꓻ ꓫꓬ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Nicholas ꓠꓬ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓗ, ꓠꓯ Turkey ꓗꓴꓷꓼ Myra ꓡꓳ ꓒꓱ ꓗꓪ ꓪꓴ‐ꓢ ꓟꓬꓱꓽ ꓟꓯ ꓗꓷꓳ꓿

ꓕꓲ ꓧꓪ ꓙꓳ ꓕꓯ ꓔꓲꓺ ꓒ ꓓꓽ Nicholas ꓠꓬ ꓮ ꓟꓬ, ꓫ. ꓔꓬ ꓟ ꓞꓳ ꓦꓲꓻ ꓕꓲ ꓦꓲꓻ ꓔꓯ ꓬꓰ ꓙ ꓚꓬꓴ ꓙ ꓗꓷ ꓟ ꓥ ꓡꓳ꓿ ꓕꓱ ꓞꓳ ꓦꓲꓻ ꓠꓬ ꓮ ꓘꓶ. ꓫ. ꓔꓬ ꓢꓲ ꓠꓬꓲ ꓒꓴ ꓫꓵ ꓟꓽ ꓙꓳ ꓟ ꓪꓴ. ꓠꓬꓲ ꓕꓱ ꓦꓲꓻ ꓘꓴꓽ ꓗꓪ ꓐꓰ ꓐ, ꓐ ꓠꓬ ꓬꓲ, ꓮ. ꓟꓲ ꓢꓽ ꓣꓳ ꓔꓯ ꓟꓽ ꓙꓲꓻ ꓟ ꓟꓬꓱꓽ ꓬꓰ ꓠ, ꓟ ꓓꓴ ꓙ ꓗꓷ ꓟ ꓥ ꓡꓳ꓿

ꓕꓱ ꓟ ꓔꓯ ꓢꓷ. ꓡꓰ ꓟ ꓪꓴ. ꓠꓬꓲ ꓙꓲꓻ ꓫꓬ ꓢꓴ ꓔꓲꓺ ꓒ ꓓꓽ Nicholas ꓠꓬ ꓬꓲ, ꓠꓯ ꓗꓪ ꓙꓳ ꓟ ꓒꓴ ꓫꓵ ꓔꓯ ꓓꓯꓻ ꓔ ꓢꓲ ꓠꓬꓲ ꓕꓱ ꓫ. ꓔꓬ ꓢꓴ ꓞꓳ ꓦꓲꓻ ꓗꓪ ꓛ ꓖꓶ ꓗꓷ ꓟ ꓥ ꓡꓳ꓿ ꓕꓱ ꓒꓴ ꓫꓵ ꓔꓯ ꓞꓳ ꓦꓲꓻ ꓗꓪ ꓐꓰ ꓐ, ꓐ ꓠꓬ ꓡꓳ. ꓟꓳ ꓗꓷ ꓪꓴ. ꓠꓬꓲ ꓮ ꓘꓶ. ꓗ, ꓛꓲ ꓢꓲ ꓠꓬꓲ ꓬꓲ. ꓮ ꓟꓲ. ꓪꓴꓽ ꓢꓴ ꓔꓯ ꓦꓲꓻ ꓢꓲ ꓒꓽ ꓣꓴ ꓠ, ꓟ ꓡꓯ ꓒꓯꓼ ꓝ. ꓖꓶ ꓗꓷ ꓡꓳ꓿

ꓕꓱ ꓡꓱ ꓐꓰ ꓔꓲꓺ ꓒ ꓓ Nicholas ꓠꓬ ꓝꓮꓲ ꓕꓲꓽ ꓧꓪ ꓕꓱ ꓫ. ꓔꓬ ꓟ ꓦꓲꓻ ꓔꓯ ꓒꓴ ꓫꓵꓽ ꓬꓰ ꓗꓷ ꓟ ꓪꓴ. ꓠꓬꓲ ꓠꓬꓲꓽ ꓣꓳ ꓕꓲ ꓣꓳ ꓮ. ꓟꓲ ꓥ ꓟꓲ ꓡꓯ ꓒꓯ ꓝ. ꓪ ꓦꓲꓻ ꓢꓲ ꓒꓽ ꓪ ꓡꓰ ꓟ ꓥ ꓡꓳ꓿ ꓫ. ꓔꓬ ꓢꓴ ꓦꓲꓻ ꓘꓴꓽ ꓗꓪ ꓐꓰ ꓬꓲ, ꓐ, ꓐ ꓠꓬ ꓮ ꓟ ꓡꓰ ꓒꓴ ꓔꓯ ꓖꓶ ꓡ ꓟ ꓔꓯ ꓢꓷ. ꓡꓰ ꓠ, ꓟ ꓢꓷ. ꓠꓲ, ꓫꓵꓻ ꓟ ꓪꓴ. ꓠꓬꓲ ꓛꓽ ꓔꓬ ꓟ ꓥ ꓡꓳ꓿

ꓟꓶꓽ ꓘꓶꓼ ꓙꓵ, ꓕꓯ ꓔꓲꓺ ꓒ ꓓꓽ Nicholas ꓠꓬ ꓬꓲ, ꓪ ꓦꓲꓻ ꓗꓪ ꓡ ꓢꓲ ꓠꓬꓲ ꓒꓴ ꓫꓵ ꓔꓯ ꓛꓽ ꓖꓶ ꓔꓬ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓖꓳ ꓕꓱ ꓫ. ꓔꓬ ꓟ ꓦꓲꓻ ꓗꓪ ꓐꓰ ꓐ, ꓐ ꓠꓬ ꓔꓲꓺ ꓒ ꓓꓽ Nicholas ꓔꓯ ꓮ ꓘꓶ. ꓛꓲ ꓒꓴ ꓗ ꓬꓰ ꓢꓲ ꓠꓬꓲ ꓟꓬꓱꓺ ꓓꓳ ꓖꓶ ꓔꓬ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Nicholas ꓠꓬ ꓮꓓ 350 ꓘꓳꓼ ꓕꓯ ꓢꓲꓺ ꓒ ꓠꓯ ꓗꓪ ꓬꓲꓼ ꓟꓶ ꓡꓰ ꓟ ꓥ  ꓡꓳ꓿

AD 1900 ꓘꓳꓼ ꓕꓯ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓧ ꓡꓰ ꓟ Dutch Protestant ꓐꓴ ꓠꓬ St. Nicholas ꓟꓬꓱꓽ ꓔꓯ Santa Claus ꓟꓬꓱꓽ ꓣꓱ ꓗꓷ ꓢꓲ ꓠꓬꓲ ꓬꓰ‐ꓢꓴ ꓦꓵꓻ ꓑꓮꓲ ꓗꓪ ꓡꓯ ꓫꓴꓻ ꓮ ꓟꓬ, ꓖꓶ ꓟ ꓥ ꓡꓳ꓿

ꓕꓱ ꓡꓱ ꓐꓰ Santa Claus ꓟꓬꓱꓽ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓱꓽ ꓓꓳ ꓙꓳ ꓡ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓙꓲꓻ ꓫꓬ ꓢꓴ ꓔꓲꓺ ꓒ ꓓꓽ Nicholas ꓠꓬ ꓫ. ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓔꓳ, ꓙ ꓢꓴ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ꓿                                                                                                                                               

Add new comment

1 + 0 =