ꓙꓲꓻ ꓫꓬ ꓢꓴ Nino ꓑꓮꓲꓽ

                       ꓙꓲꓻ ꓫꓬ ꓢꓴ Nino ꓑꓮꓲꓽ

ꓙꓲꓻ ꓫꓬ ꓢꓴ Nino ꓚꓺ ꓟꓲꓽ ꓔꓯ Georgia ꓡꓳ ꓒꓱ ꓔꓯ ꓙꓵꓽ ꓢꓴ ꓪ ꓔꓲ ꓤ Bakur ꓗꓪ ꓐꓰ ꓙꓲꓻ ꓫꓬ ꓢꓴ Nino ꓠꓬ ꓮꓸꓓ 400 ꓘꓳꓼ ꓕꓯ ꓔꓬ ꓗꓷ ꓟ ꓔꓯ ꓘꓴ-ꓜꓲ-ꓞꓳ ꓚꓺ ꓟꓲ ꓕꓳꓽ ꓶ  ꓐꓳ ꓒ ꓓ Rufinus ꓔꓯ ꓕꓳꓽ ꓶ ꓐꓳ ꓩꓴ ꓡꓹ ꓟ ꓗꓪ ꓐꓰ ꓢꓷꓸ ꓪˍ ꓡꓳ=ꓙꓲꓻ ꓫꓬ ꓢꓴ Nino  ꓠꓬ ꓮꓸꓓ 300 ꓘꓳꓼ ꓕꓯ Liberia ꓗꓴꓷꓼ Georgia ꓗꓪ ꓚꓳ ꓟ ꓒꓬꓱꓼ ꓠꓹ ꓟ ꓐꓱ ꓶ ꓞꓳꓹ ꓟꓶ ꓡꓰ ꓪ=ꓙꓲꓻ ꓫꓬ ꓢꓴ Nino ꓠꓬ ꓮ ꓟꓬꓹ ꓔꓱꓹ ꓚꓵˍ ꓟ ꓐꓰ ꓠꓲꓹ ꓟ ꓮ ꓟꓬꓹ ꓙꓲˍ ꓟ ꓙꓲ-ꓢꓴ ꓢꓲ ꓤ ꓥ ꓡꓳ=

 ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓡ ꓞꓳ ꓮ ꓟꓬꓹ ꓠꓬ ꓙꓲꓻ ꓫꓬ ꓢꓴ Nino ꓙꓵꓻ ꓠꓲ ꓔꓯ ꓡꓳꓸ ꓟꓳ ꓗꓷ ꓗ ꓠꓯ ꓸꓙꓲ-ꓢꓴ ꓢꓲ ꓤ ꓒꓬꓱꓼ ꓡ ꓟ ꓥ ꓡꓳ=ꓙꓲꓻ ꓫꓬ ꓢꓴ Nino ꓔꓯ ꓪꓴ-ꓢ ꓡꓰ ꓡꓯꓼ ꓫꓴꓻ ꓓ ꓟ ꓖꓶ ꓔ ꓟ ꓥ ꓡꓳ= ꓙꓲꓻ ꓫꓬ ꓢꓴ Nino ꓠꓬ Georgia ꓪꓺ ꓔꓲ ꓟ ꓐꓰ ꓤ ꓠꓱ ꓤ ꓕꓲ ꓣꓳ ꓔꓯ ꓝꓮꓲ ꓢꓯꓸ ꓬꓲꓼ ꓡ  ꓠꓹ ꓟ ꓪꓽ ꓘꓴ ꓙ ꓗꓷꓳ= Georgia ꓪꓺ ꓔꓲ ꓥˍ ꓟꓲ ꓟꓵꓽ ꓗꓪ ꓙꓻ ꓖꓴ ꓥꓳꓽ ꓡꓰˍ ꓟ ꓙꓵꓹ ꓗꓪ ꓙꓲꓻ ꓫꓬ ꓢꓴ Nino ꓡꓰ ꓪꓽ ꓘꓴ ꓖꓶˍ ꓕꓯ ꓝꓮꓲꓸ ꓙꓻ  ꓖꓴ ꓡꓳꓸ ꓟꓳ ꓡꓰꓳ= ꓗꓸ ꓠꓯꓸ ꓠꓬ Georgia ꓪ ꓔꓲ ꓐꓰ ꓪ ꓔꓲ ꓟ ꓐꓴ ꓗꓴꓷꓼ ꓗꓪ ꓔꓬ ꓟ ꓡ ꓞꓳ ꓮ ꓙꓵꓽ ꓙꓲ-ꓢꓴ ꓢꓲ ꓤ ꓒꓬꓱꓼ ꓡ ꓪ= ꓙꓲꓻ ꓫꓬ ꓢꓴ Nino ꓔꓯ ꓪ ꓔꓲ Georgia ꓠꓬ ꓪꓴ-ꓢ ꓟꓬꓱꓽ ꓬꓰˍ ꓟ ꓗꓪ ꓮ ꓟꓬꓹ ꓬꓰ ꓙ ꓗꓷ ꓪ=