ꓙꓲꓻ ꓫꓬ ꓢꓴ Patrick ꓑꓮꓲ꓿ (St.Patrick)

Friday, March 17, 2023

ꓙꓲꓻ ꓫꓬ ꓢꓴ Patrick ꓑꓮꓲ꓿

ꓙꓲꓻ ꓫꓬ ꓢꓴ Patrick ꓔꓯ ꓮ.ꓓ 384 ꓘꓳꓼ ꓕꓯ ꓦꓵꓻ ꓗꓷꓳ꓿ ꓬꓲ. ꓞꓲꓼ (17) ꓘꓳꓼ ꓕꓯ ꓟꓽ ꓙꓲꓻ ꓢꓴ ꓐꓴ ꓡꓰ Ireland ꓟꓵꓽ ꓗꓪ ꓬꓲ. ꓔꓯ ꓪꓴꓽ ꓜꓽ ꓗꓷꓳ꓿ ꓕꓱ ꓡꓱ ꓐꓰ ꓬꓲ. ꓠꓬꓲ ꓟꓵꓽ ꓗꓪ (6) ꓘꓳꓼ ꓔꓬ ꓗꓷ ꓢꓲ ꓠꓬꓲ ꓮ ꓘꓶ. ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓡꓰꓳ꓿ ꓖꓳ ꓡꓱ ꓐꓰ ꓙꓵꓻ ꓠꓲ, ꓚꓱ, ꓔꓯ ꓧꓪ ꓟꓳ ꓡꓰꓳ꓿

ꓙꓲꓻ ꓫꓬ ꓢꓴ Patrick ꓠꓬ ꓪꓴꓽ ꓜꓽ ꓗꓷ ꓟ ꓗꓪ ꓐꓰ ꓝꓮꓲ ꓬꓲ. ꓔꓬ ꓟꓵꓽ ꓗꓪ ꓬꓲꓼ ꓡ ꓢꓲ ꓠꓬꓲ Ireland ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓚꓺ ꓟ. ꓖꓶ ꓠ, ꓟ ꓬꓲꓼ ꓟꓬ ꓗꓪ ꓪꓴ‐ꓢ ꓡꓰ ꓟ. ꓖꓶ ꓗꓷꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓮ.ꓓ 431 ꓘꓳꓼ ꓕꓯ ꓪꓴ‐ꓢ ꓐꓯ ꓘꓶ ꓢꓳꓻ ꓣꓴ ꓪ ꓡꓰ ꓢꓲ ꓠꓬꓲ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓪ꓿

ꓔꓲꓺ ꓒ ꓒꓬꓱꓼ ꓡ ꓗ, ꓠꓯ Ireland ꓟꓵꓽ ꓗꓪ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓗꓷꓳ꓿ ꓝꓮꓲ Ireland ꓟꓵꓽ ꓗꓪ ꓕꓲ ꓘꓳꓼ ꓔꓬ ꓗꓷ ꓗ, ꓠꓯ ꓔꓲꓺ ꓒ ꓓꓽ ꓙꓵꓽ ꓪ ꓘꓳ, ꓣꓴ ꓪ ꓡꓰꓳ꓿ ꓙꓲꓻ ꓫꓬ ꓢꓴ Patrick ꓠꓬ Ireland ꓟꓵꓽ ꓞꓳ ꓘ, ꓕꓲ ꓘ, ꓡꓰ ꓕꓲ ꓘ, ꓙꓰ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓗꓷꓳ꓿

ꓠꓲꓽ ꓔꓯ ꓙꓵꓻ ꓢꓴ ꓐꓴ ꓡꓰ ꓬꓲ. ꓔꓯ ꓢꓰꓼ ꓠ, ꓟ ꓮ ꓟꓬ, ꓧꓪ, ꓬꓰ ꓗꓷ ꓥ ꓟꓲ ꓬꓲ. ꓔꓯ ꓢꓰꓼ ꓪ ꓟꓽ ꓘꓴ꓿ ꓬꓲ. ꓠꓬꓲ (30) ꓘꓳꓼ Ireland ꓟꓵꓽ ꓗꓪ ꓪꓴ‐ꓢ ꓟꓯ ꓬꓰ ꓗꓷ ꓢꓲ ꓠꓬꓲ ꓪꓴ‐ꓢ ꓔꓯ ꓦꓻ ꓡꓱ ꓡ ꓢꓴ ꓮ ꓟꓬ, ꓔꓬ ꓡ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Patrick ꓠꓬ ꓪꓽ ꓘꓴ ꓟ ꓗꓪ ꓮ ꓘꓶ. ꓢꓯꓼ ꓕꓵꓼ ꓢꓴ ꓥ ꓡꓳ꓿

ꓖꓳ ꓡꓱ ꓟ ꓟꓽ ꓞꓲꓼ Ireland ꓕꓲ ꓗꓴꓷꓼ ꓡꓱ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓡ ꓠ, ꓟ ꓢꓯꓼ ꓕꓵꓼ ꓢꓴ ꓟꓲ ꓥ ꓡꓳ꓿ ꓬꓲ. ꓑꓮꓲ ꓦꓬꓼ ꓠꓬꓲ ꓠꓬ 3 ꓦ ꓟ (17) ꓠꓬꓲ ꓗꓪ ꓥ ꓡꓳ꓿