ꓙꓲꓻ ꓫꓬ ꓢꓴ Peter Claver ꓚꓱ,

ꓙꓲꓻ ꓫꓬ ꓢꓴ Peter Claver ꓚꓱ,

ꓙꓲꓻ ꓫꓬ ꓢꓴ Peter Claver ꓠꓬ America ꓗꓴꓷꓼ ꓗꓪ ꓔꓬ ꓟ ꓞꓳ ꓠꓯꓻ ꓫꓵꓽ ꓐꓴ ꓔꓯ ꓬꓰ ꓙ ꓢꓴ ꓙꓲꓻ ꓫꓬ ꓢꓴ ꓥ ꓡꓳ꓿ ꓢꓲꓽ ꓫꓬ ꓢꓴ Peter Claver ꓔꓯ Spain ꓗꓴꓷꓼ ꓗꓪ 1581 ꓘꓳꓼ ꓕꓯ ꓬꓲ. ꓔꓯ ꓦꓵꓻ ꓗꓷꓳ꓿ ꓬꓲ. ꓞꓲꓼ 20 ꓕꓯ America ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓠꓲ, ꓟ ꓐꓽ ꓗꓷ ꓟ ꓪꓴ. ꓠꓬꓲ (Jesuit ꓪꓴ‐ꓢ ꓟꓬꓱꓽ ꓟꓯ) ꓜꓴꓻ ꓗꓪ ꓓꓵꓽ ꓡꓰꓳ꓿ ꓬꓲ. ꓔꓯ Colombia ꓗꓴꓷꓼ ꓗꓪ ꓟꓲ ꓠꓯ ꓢꓷ. ꓠꓲ ꓕꓳ ꓶ ꓢꓳ ꓟꓶ ꓡꓰ ꓗ. ꓠꓯ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓪ꓿ ꓔꓲꓺ ꓒ ꓒꓬꓱꓼ ꓡ ꓕꓯ African ꓟꓵꓽ ꓗꓪ ꓐꓰ ꓚꓳ. ꓑ ꓬꓰ ꓠ, ꓟ ꓪꓴꓽ ꓜꓽ ꓗꓷ ꓟ African ꓞꓳ ꓫꓵꓽ ꓐꓱ ꓶ ꓪꓴ‐ꓢ ꓟꓬꓱꓽ ꓮ ꓟꓬ, ꓬꓰ ꓗꓷꓳ꓿

ꓔꓲꓺ ꓒ Peter ꓠꓬ ꓬꓲ ꓥ ꓟꓲ African ꓞꓳ ꓫꓵꓽ ꓕꓲ ꓣꓳ ꓐꓰ ꓘꓳ ꓣꓴ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓽ ꓗꓷꓳ꓿ ꓔꓲꓺ ꓒ Peter ꓠꓬ African ꓞꓳ ꓫꓵꓽ ꓐꓴ ꓔꓯ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓟꓽ ꓚꓺ ꓢꓲ ꓕꓯ ꓜꓽ ꓓꓴ ꓖꓶ ꓜꓽ ꓡꓳ꓿ ꓔꓲꓺ ꓒ ꓠꓬ ꓠꓵꓻ ꓠꓲ, ꓣꓱ ꓢꓲ ꓠꓬꓲ ꓚꓳ. ꓑ ꓬꓰ ꓠ, ꓟ ꓪꓴꓽ ꓜꓽ ꓗꓷ ꓢꓴ ꓐꓴ ꓔꓯ ꓮ ꓟꓬ, ꓬꓰ ꓙ ꓗꓷꓳ꓿ ꓔꓲꓺ ꓒ Peter ꓠꓬ ꓚꓳ. ꓑ (3) ꓫꓬ, ꓣꓳ ꓔꓯ ꓖꓳꓽ ꓓꓱ ꓓꓰ. ꓖꓶ ꓗꓷꓳ꓿ ꓔꓲꓺ ꓒ Peter ꓠꓬ ꓝꓴꓲ ꓭꓽ ꓖꓶ ꓠꓽ ꓡꓳ. ꓟ ꓔꓯ ꓮ ꓟꓬ, ꓢꓯꓼ ꓕꓵꓼ ꓢꓲ ꓠꓬꓲ ꓕꓲ ꓠꓬꓲ 15 ꓙꓵ, ꓟꓬꓱꓽ ꓬꓰ ꓢꓴ ꓥ ꓡꓳ꓿

Cꓳ. ꓑ ꓐꓴ ꓔꓯ ꓢꓰꓼ ꓟ (Death penalty ) ꓐꓯ ꓟ ꓢꓰꓼ ꓟ ꓙꓵ, ꓗꓪ ꓢꓰꓼ ꓪ ꓡꓰ ꓢꓴ ꓚꓳ. ꓑ ꓐꓴ ꓔꓯ ꓝꓴꓲ ꓭꓽ ꓠꓽ ꓡꓳ. ꓖꓶ ꓗꓷꓳ꓿ 1854 ꓘꓳꓼ ꓕꓯ ꓔꓲꓺ ꓒ Peter ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳꓽ ꓓꓱ ꓡꓳꓻ ꓬꓰꓳ꓿ꓙꓲꓻ ꓫꓬ ꓢꓴ ꓔꓲꓺ ꓒ Peter ꓠꓬ ꓦꓻ ꓕꓲ ꓒꓳ ꓗꓪ ꓮ ꓟꓬ, ꓢꓯꓼ ꓕꓵꓼ ꓢꓴ ꓔꓲꓺ ꓒ ꓕꓲ ꓣꓳ ꓥ ꓡꓳ꓿