ꓙꓲꓻ ꓫꓬ ꓢꓴ Philip Neri ꓑꓮꓲ꓿ (St.Philip Neri)

   ꓙꓲꓻ ꓫꓬ ꓢꓴ Philip Neri ꓑꓮꓲ꓿

ꓙꓲꓻ ꓫꓬ ꓢꓴ ꓑꓧꓲꓡꓲꓑ ꓠꓬ ꓳꓣꓮꓔꓳꓣꓲꓮꓠꓢ ꓟꓬꓱꓽ ꓔ ꓟ ꓔꓲꓺ ꓒ ꓜꓴꓻ ꓔꓯ ꓬꓲ ꓪꓴ. ꓒꓴ ꓖꓶ ꓢꓴ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ꓿ ꓙꓲꓻ ꓫꓬ ꓢꓴ ꓑꓧꓲꓡꓲꓑ ꓔꓯ 1515 ꓘꓳꓼ ꓕꓯ ꓲꓔꓮꓡꓬ ꓗꓴꓷꓼ ꓝꓡꓳꓣꓰꓠꓚꓰ ꓡꓳ ꓒꓱ ꓗꓪ ꓦꓵꓻ ꓗꓷꓳ꓿ ꓬꓲ ꓞꓲꓼ 18 ꓘꓳꓼ ꓙꓳˍ ꓡꓰ ꓟ ꓙꓵ, ꓕꓯ ꓬꓲ ꓔꓯ ꓪꓴ‐ꓢ ꓡꓰ ꓢꓷ. ꓡꓰ ꓓꓴ ꓟ. ꓖꓶ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ. ꓠꓬ ꓣꓳ‐ꓟ ꓡꓳ ꓒꓱ ꓗꓪ ꓙꓰ ꓢꓲ ꓠꓬꓲ ꓪꓴ‐ꓢ ꓐꓯꓽ ꓘꓶ ꓣꓳ ꓣꓴ ꓗꓷꓳ꓿

ꓣꓳ‐ꓟ ꓡꓳ ꓒꓱ ꓗꓪ ꓛꓲ ꓡꓰ ꓟ ꓙꓵ, ꓕꓯ ꓫ. ꓔꓬ ꓢꓴ ꓐꓴ ꓔꓯ ꓜꓽ ꓓꓴ ꓓꓳꓻ ꓓꓴ ꓬꓰ ꓙ ꓗꓷ ꓢꓲ ꓠꓬꓲ ꓬꓲ. ꓔꓬ ꓟ ꓦꓲꓻ ꓗꓪ ꓤ ꓠꓱ ꓤ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓟ. ꓖꓶ ꓗꓷꓳ꓿ ꓝꓮꓲ ꓬꓲ. ꓠꓬ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓪꓴ‐ꓢ ꓚꓱ, ꓢꓷ. ꓠꓲ, ꓔꓧꓰꓳꓡꓳꓖꓬ ꓐꓰ ꓑꓧꓲꓡꓳꓢꓳꓑꓧꓬ ꓢꓷ. ꓠꓲ, ꓔꓯ ꓢꓳꓻ ꓣꓴ ꓪ ꓡꓰꓳ꓿ ꓙꓲꓻ ꓫꓬ ꓢꓴ ꓑꓧꓲꓡꓲꓑ ꓠꓬ ꓟꓲ ꓠꓯ ꓢꓷ. ꓠꓲ, ꓐꓰ ꓪꓴ‐ꓢ ꓐꓯ ꓘꓶ ꓔꓯ ꓮ ꓘꓶ. ꓓꓻ ꓢꓴ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ. ꓡꓰ ꓣꓳ‐ꓟ ꓡꓳ ꓒꓱ ꓟ. ꓟꓲꓽ ꓚꓺ ꓟ ꓙꓵ, ꓕꓯ ꓙꓲ‐ꓢꓴ ꓢꓲꓺꓤ ꓐꓴ ꓮ ꓟꓬ, ꓠ ꓠ, ꓡ ꓡꓳ꓿

ꓝꓮꓲ ꓙꓲꓻ ꓫꓬ ꓢꓴ ꓑꓧꓲꓡꓲꓑ ꓠꓬ 1548 ꓘꓳꓼ ꓕꓯ ꓢꓲꓽ ꓫꓬ ꓟ ꓪꓴ‐ꓢ ꓟꓬꓱꓽ ꓬꓰ ꓜꓴꓻ ꓟꓬꓱꓺ ꓔ ꓟ ꓜꓴꓻ ꓔꓯ ꓒꓴ ꓖꓶ ꓢꓲ ꓠꓬꓲ ꓠꓽ ꓓꓴ ꓒꓬ ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳ ꓙ ꓗꓷ ꓟ ꓥ ꓡꓳ꓿ ꓬꓲ. ꓠꓬ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬ, ꓢꓯꓼ ꓕꓵꓼ ꓗꓷ ꓢꓴ ꓥ ꓡꓳ꓿ ꓝꓮꓲ ꓬꓲ. ꓡꓰ ꓧꓳꓽ ꓪꓴ. ꓟꓴ ꓔ ꓟ ꓜꓴꓻ ꓗꓷ ꓟ ꓪꓽ ꓘꓴ ꓦꓲꓻ ꓗꓪ ꓙꓰ  ꓢꓲ ꓠꓬꓲ ꓬꓲ ꓙꓵ, ꓟꓶ ꓫꓵ ꓫꓵˍ ꓪꓽ ꓘꓴ ꓟ ꓔꓯ ꓥ ꓟꓲ ꓬꓰ ꓗꓷ ꓟ ꓥ ꓡꓳ꓿

ꓙꓲꓻ ꓫꓬ ꓢꓴ ꓑꓧꓲꓡꓲꓑ ꓠꓬ ꓬꓲ ꓞꓲꓼ 36 ꓘꓳꓼ ꓙꓳˍ ꓡꓰ ꓕꓯ ꓪꓴ‐ꓢ ꓟꓬꓱꓽ ꓟꓯ ꓢꓴ ꓕꓲ ꓒ ꓙꓵꓽ ꓪ ꓘꓳ, ꓣꓴ ꓟꓶ ꓡꓰ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬ, ꓢꓯꓼ ꓗꓷꓳ꓿ ꓔꓲꓺ ꓒ ꓔꓲꓺ ꓒ ꓒꓬꓱꓼ ꓡ ꓗ. ꓠꓯ ꓬꓲ. ꓠꓬ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬ, ꓢꓯꓼ ꓕꓵꓼ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓟ ꓔꓶ. ꓗꓪ ꓮ ꓕꓯ ꓥ ꓟꓲ ꓙꓰ ꓢꓲ ꓠꓬꓲ ꓢꓯꓼ ꓖꓶ ꓪꓽ ꓖꓶ ꓢꓴ ꓥ ꓡꓳ꓿ 1595 ꓘꓳꓼ ꓕꓯ ꓬꓲ ꓠꓬ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓙꓵ, ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳ. ꓬꓰꓳ꓿ ꓙꓲꓻ ꓫꓬ ꓢꓴ ꓑꓧꓲꓡꓲꓑ ꓡꓰ ꓫ. ꓕꓱ  ꓟ ꓫ. ꓕꓱ ꓘꓶꓽ ꓠꓬ ꓡꓮꓢꓔ ꓳꓝ ꓮꓡꓡ, ꓪꓰ ꓟꓴꓢꓔ ꓓꓲꓰ ꓐꓰ ꓫ. ꓕꓱ ꓔ ꓟ ꓥ ꓡꓳ꓿

Add new comment

12 + 1 =