ꓙꓲꓻ ꓫꓬ ꓢꓴ Raymond ꓚꓱꓹ

ꓙꓲꓻ ꓫꓬ ꓢꓴ Raymond ꓑꓮꓲꓽ

ꓙꓲꓻ ꓫꓬ ꓢꓴ Raymond ꓔꓯ Italy ꓗꓴꓷꓼ Pennafort ꓡꓳ ꓒꓱ ꓗꓪ 1175 ꓘꓳꓼ ꓕꓯ ꓬꓲ ꓔꓯ ꓦꓵꓻ ꓗꓷꓳ= ꓬꓲ ꓐꓹ ꓐ ꓐꓰ ꓟꓹ ꓟ ꓠꓬ ꓒꓴ ꓮ ꓟꓬꓹ ꓙꓳ ꓢꓴ ꓥ ꓡꓳ= ꓙꓲꓻ ꓫꓬ ꓢꓴ Raymond ꓠꓬ ꓞꓲꓼ ꓣꓳˍ ꓟ ꓙꓵꓹ ꓗꓪ ꓟꓲ ꓠꓯ ꓢꓷꓸ ꓠꓲꓹ ꓔꓯ ꓮ ꓟꓬꓹ ꓓˍ ꓟ ꓪꓴꓸ ꓠꓬꓲ ꓬꓲ ꓞꓲꓼ 20 ꓘꓳꓼ ꓡꓳꓹ ꓬꓰ ꓕꓯ (Philosophy) ꓓꓽ ꓙ ꓢꓪꓸ ꓠꓬꓲ ꓓꓴ ꓢꓷꓸ ꓠꓲꓹ ꓔꓯ ꓢꓳ ꓣꓴ ꓟꓶ ꓡꓰꓳ= ꓬꓲ ꓞꓲꓼ 30 ꓘꓳꓼ ꓕꓯ ꓙꓲꓻ ꓫꓬ ꓢꓴ Raymond ꓠꓬ Bologna ꓡꓳ ꓒꓱ ꓗꓪ ꓙꓰ ꓢꓲ ꓠꓬꓲ (Canon law) ꓐꓯˍ ꓟ ꓘꓴ-ꓜꓲ-ꓞꓳ ꓛꓳ ꓙꓳ ꓚꓱꓹ ꓢꓷꓸ ꓠꓲꓹ ꓔꓯ ꓢꓳ ꓣꓴ ꓟꓶ ꓡꓰꓳ=

1219 ꓘꓳꓼ ꓕꓯ ꓙꓲꓻ ꓫꓬ ꓢꓴ Raymond ꓠꓬ Barcelona ꓡꓳ ꓒꓱ ꓗꓪ ꓔꓲꓺ ꓒ ꓓ ꓙꓵꓽ ꓪ ꓔꓯ ꓘꓳ ꓣꓴ ꓟꓶ ꓡꓰ ꓪ= ꓙꓲꓻ ꓫꓬ ꓢꓴ Raymond ꓠꓬ ꓪꓴ-ꓢ ꓶ ꓓꓳꓽ ꓫꓱꓹ ꓓꓳꓽ ꓐꓱ ꓶ ꓮ ꓟꓬꓹ ꓢꓯꓼ ꓕꓵꓼ ꓗꓷ ꓪ= ꓔꓲꓺ ꓒ ꓪ ꓔꓲ Gregory 10 ꓠꓬ ꓙꓲꓻ ꓫꓬ ꓢꓴ Raymond ꓔꓯ ꓮ ꓟꓬꓹ ꓬꓰ ꓙ ꓗꓷ ꓪ=1230 ꓘꓳꓼ ꓕꓯ ꓔꓲꓺꓒ Raymond ꓠꓬ Dominican ꓔꓲꓺ ꓒ ꓜꓴꓻ ꓔꓯ ꓧꓳꓽ ꓪꓴꓸ ꓟꓴ ꓢꓴ ꓒꓬꓱꓼ ꓡ ꓪ=ꓙꓲꓻ ꓫꓬ ꓢꓴ Raymond ꓠꓬ ꓪꓴ-ꓢ ꓔꓯ ꓟꓽ ꓘꓳ ꓣꓴ ꓢꓴ ꓐꓴ ꓔꓯ ꓪꓴ-ꓢ ꓶ ꓥꓳꓽ ꓫꓱꓹ ꓥꓳꓽ ꓚꓺ ꓟꓸ ꓖꓶꓽ ꓗꓷ ꓪ= 1275 ꓘꓳꓼ꓾ ꓬꓲ ꓞꓲꓼ 100 ꓘꓳꓼ ꓕꓯ ꓢꓲꓺ ꓒ ꓠꓯꓸꓼ ꓗꓪ ꓬꓲꓼ ꓟꓶ ꓡꓰ1 ꓪ=