ꓙꓲꓻ ꓫꓬ ꓢꓴ Stanislaus ꓑꓮ= (St.Stanislaus)

#rvalisu #St.Stanislaus #Saint #creditphoto

Tuesday, April 11, 2023

ꓙꓲꓻ ꓫꓬ ꓢꓴ Stanislaus ꓑꓮ= (St.Stanislaus)

ꓙꓲꓻ ꓫꓬ ꓢꓴ Stanishlaus ꓔꓯ AD 1030 ꓘꓳꓼ ꓕꓯ ꓑꓳꓡꓮꓠꓓ ꓗꓴꓷꓼ Sexepanov ꓟꓬꓱꓺ ꓔ ꓟ ꓡꓳ ꓒꓱ ꓗꓪ ꓬꓲ. ꓔꓯ ꓦꓵꓻ ꓗꓷꓳ꓿ ꓬꓲ. ꓞꓲꓼ ꓣꓳ ꓟ ꓙꓵ, ꓗꓪ ꓐꓰ ꓬꓲ. ꓐ, ꓐ ꓐꓰ ꓟ, ꓟ ꓠꓬ ꓬꓲ. ꓤ ꓔꓯ ꓪꓴ‐ꓢ ꓠꓯ, ꓗꓪ ꓡꓯꓼ ꓙꓱ ꓔ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Stanislaus ꓠꓬ ꓬꓲ. ꓐ, ꓐ ꓐꓰ ꓟ, ꓟ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓻ ꓬꓰ ꓗ ꓠꓯ. ꓪꓴ‐ꓢ ꓟꓬꓱꓽ ꓟꓯ, ꓠ, ꓟ ꓪꓴ‐ꓢ ꓐꓯ ꓘꓶꓽ ꓣꓳ ꓣꓴ ꓢꓲ ꓠꓬꓲ ꓔꓲꓺ ꓒ ꓢꓳꓻ ꓦꓲꓻ ꓗꓪ ꓙꓰ ꓗꓷꓳ꓿ ꓬꓲ. ꓠꓬ AD 1072 ꓘꓳꓼ ꓕꓯ ꓔꓲꓺ ꓒ ꓕꓲ ꓣꓳ ꓒꓬꓱꓼ ꓡ ꓪ꓿

ꓔꓲꓺ ꓒ ꓕꓲ ꓪ ꓒꓬꓱꓼ ꓗꓷ ꓗ ꓠꓯ. ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓟ ꓟꓵꓽ ꓗꓪ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓙꓰ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓗꓷꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓦꓻ ꓕꓲ ꓒꓳ, ꓗꓪ ꓪꓴꓽ ꓟꓴ ꓡ ꓠ, ꓟ ꓢꓯꓼ ꓕꓵꓼ ꓗꓷꓳ꓿ ꓫ. ꓢꓴ ꓟꓶ ꓢꓴ ꓐꓴ ꓮ ꓟꓬ, ꓔꓯ ꓥ ꓟꓲ ꓜꓽ ꓓꓴ ꓓꓳꓻ ꓓꓴ ꓬꓰ ꓙ ꓔꓳ, ꓙ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ, ꓟ. ꓖꓶ ꓗꓷꓳ꓿

ꓔꓲꓺ ꓒ ꓓꓽ Stanislaus ꓑꓳꓡꓮꓠꓓ ꓗꓴꓷꓼ ꓗꓪ ꓔꓲꓺ ꓒ ꓓꓽ ꓙꓵꓽ ꓪ ꓐꓰ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓣꓱ ꓟꓴ ꓔꓬ ꓟ ꓙꓵ, ꓔꓯ ꓗꓴꓷꓼ ꓔꓯ ꓙꓵꓽ ꓢꓴ ꓪ ꓔꓲ ꓠꓬ Boleslaus 2 ꓥ ꓡꓳ꓿ ꓪ ꓔꓲ ꓠꓬ ꓦꓲꓻ ꓢꓲꓺ ꓒ ꓔꓬ ꓢꓴ ꓕꓲ ꓣꓳ ꓔꓯ ꓣꓴ ꓢꓲ ꓠꓬꓲ ꓗ, ꓛꓲ ꓔꓬ ꓟ ꓔꓯ ꓙꓲꓻ ꓫꓬ ꓢꓴ Stanislaus ꓠꓬ ꓟꓽ ꓙꓳꓺ ꓙꓳꓺ ꓙꓰ ꓢꓲ ꓠꓬꓲ ꓪ ꓔꓲ ꓬꓰ ꓔꓬ ꓟ ꓠꓬ ꓟꓽ ꓙꓲꓻ ꓟ ꓟꓬꓱꓽ ꓥ ꓟ ꓔꓯ ꓐꓯ ꓟ. ꓖꓶ ꓗꓷꓳ꓿

ꓪ ꓔꓲ ꓠꓬ ꓙꓲꓻ ꓫꓬ ꓢꓴ Stanislaus ꓔꓯ ꓪꓽ ꓘꓴ ꓔꓬ ꓟ ꓙꓵ, ꓗꓪ ꓢꓰꓼ ꓗꓷ ꓟ ꓥ ꓡꓳ꓿ ꓪ ꓔꓲ ꓟꓯꓼ ꓐꓴ ꓠꓬ ꓙꓲꓻ ꓫꓬ ꓢꓴ ꓧꓪ ꓖꓳꓽ ꓓꓱ ꓔꓯ ꓟꓵꓽ ꓗꓪ ꓔꓬ ꓟ ꓙꓱ ꓤ ꓔꓯ ꓖꓶ ꓜ ꓗꓷ ꓟ ꓥ ꓡꓳ꓿ AD 1097 ꓘꓳꓼ ꓕꓯ ꓙꓲꓻ ꓫꓬ ꓢꓴ Stanislaus ꓠꓬ ꓟꓲ ꓠꓯ ꓗꓪ ꓧꓪ ꓖꓳꓽ ꓓꓱ ꓡꓳ ꓬꓰꓳ꓿