ꓙꓲꓻ ꓫꓬ ꓢꓴ Tutilo ꓑꓮꓲ꓿ (St.Tutilo)

#rvalisu #St.Tutilo #Creditphoto

Tuesday, March 28, 2023

ꓙꓲꓻ ꓫꓬ ꓢꓴ Tutilo ꓑꓮꓲ꓿

ꓙꓲꓻ ꓫꓬ ꓢꓴ Tutilo ꓠꓬ ꓟꓶꓺ ꓫꓵꓽ ꓟꓶꓺ ꓙꓵꓽ ꓮ ꓟꓬ, ꓓꓽ ꓢꓴ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ꓿ ꓙꓲꓻ ꓫꓬ ꓢꓴ Tutilo ꓠꓬ ꓪꓴ‐ꓢ ꓡꓰ ꓬꓲ. ꓔꓯ ꓡꓯ ꓫꓴꓻ ꓖꓶ ꓔ ꓟ ꓟꓶꓺ ꓫꓵꓽ ꓔꓯ ꓣꓱ ꓢꓲ ꓠꓬꓲ ꓪꓽ ꓘꓴ ꓦꓲꓻ ꓗꓪ ꓖꓪ ꓠ, ꓟ ꓟꓴ ꓖꓪ ꓮ ꓟꓬ, ꓐꓳ ꓖꓶ ꓢꓴ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ꓿

ꓙꓲꓻ ꓫꓬ ꓢꓴ Tutilo ꓠꓬ ꓟꓲ‐ꓢ ꓔꓲ ꓟ ꓙꓵ, ꓕꓯ ꓣꓱ ꓟ ꓟꓴ ꓖꓪ ꓮ ꓟꓬ, ꓔꓯ ꓥ ꓟꓲ ꓐꓳ ꓖꓶ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Tutilo ꓠꓬ ꓟꓲ ꓠꓯ ꓢꓷ. ꓠꓲ, ꓥ ꓟꓲ ꓮ ꓟꓬ, ꓓꓽ ꓢꓴ ꓕꓲ ꓣꓳ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓕꓳ ꓶ ꓮ ꓟꓬ, ꓐꓷ ꓔꓯ ꓥ ꓟꓲ ꓐꓳ ꓖꓶ ꓢꓴ ꓕꓲ ꓣꓳ ꓥ ꓡꓳ꓿

ꓙꓲꓻ ꓫꓬ ꓢꓴ Tutilo ꓠꓬ Switzerland ꓗꓴꓷꓼ ꓗꓪ ꓐꓰ ꓙꓲꓻ ꓫꓬ Benedictine ꓔꓲꓺ ꓒ ꓜꓴꓻ ꓗꓪ ꓐꓰ ꓢꓷ. ꓠꓲ, ꓢꓳꓻ ꓣꓴ ꓟꓶ ꓡꓰ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Tutilo ꓠꓬ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓗ. ꓠꓯ ꓔꓲꓺ ꓒ ꓜꓴꓻ ꓔꓯ ꓧꓳꓽ ꓣꓱ ꓣꓴ ꓒꓬꓱꓼ ꓡ ꓪ꓿

ꓙꓲꓻ ꓫꓬ ꓢꓴ Tutilo ꓠꓬ ꓟꓲ ꓠꓯ ꓢꓷ. ꓠꓲ, ꓮ ꓟꓬ, ꓓꓽ ꓥ ꓟꓲ ꓬꓲ. ꓛꓳ ꓒꓯ, ꓐꓴ ꓔꓯ ꓠꓵꓻ ꓠꓲ, ꓮ ꓕꓯ ꓟꓲ ꓟ. ꓖꓶ ꓢꓴ ꓕꓲ ꓣꓳ ꓥ ꓡꓳ꓿ ꓪ ꓔꓲ Charles ꓠꓬ ꓙꓲꓻ ꓫꓬ ꓢꓴ Tutilo ꓔꓯ ꓟꓲ ꓠꓯ ꓢꓷ. ꓠꓲ, ꓔꓯ ꓣꓱ ꓠ, ꓟ ꓐꓯ ꓥ ꓟꓲ ꓙꓲꓻ ꓫꓬ ꓢꓴ Tutilo ꓠꓬ ꓪꓴ‐ꓢ ꓠꓲ, ꓒꓴ ꓟ ꓚꓱ, ꓔꓯ ꓣꓱ ꓢꓲ ꓠꓬꓲ ꓞꓳ ꓫꓱ ꓢꓴ ꓕꓲ ꓣꓳ ꓥ ꓡꓳ꓿

ꓙꓲꓻ ꓫꓬ ꓢꓴ Tutilo ꓡꓰ ꓐꓳ ꓔ ꓟꓬ ꓪꓴ‐ꓢ ꓐꓬꓱ ꓮ ꓟꓬ, ꓔꓯ ꓥ ꓟꓲ ꓪꓽ ꓘꓴ ꓦꓲꓻ ꓗꓪ ꓡꓳ. ꓟꓳ ꓪ ꓓ ꓟ ꓥ ꓡꓳ꓿ ꓟꓲ ꓠꓯ ꓡ ꓞꓳ ꓮ ꓟꓬ, ꓥ ꓟꓲ ꓙꓲꓻ ꓫꓬ ꓢꓴ Tutilo ꓔꓯ ꓮ ꓘꓶ. ꓟꓬꓱꓺ ꓓꓳꓽ ꓖꓶ ꓟ ꓥ ꓡꓳ꓿

AD 915 ꓘꓳꓼ ꓕꓯ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰꓳ꓿ ꓙꓲꓻ ꓫꓬ ꓢꓴ Tutilo ꓬꓲ. ꓧꓪꓽ ꓖꓳ ꓓꓱ ꓔꓯ St. Catherine ꓪꓽ ꓘꓴ ꓦꓲꓻ ꓘꓴꓽ ꓗꓪ ꓔꓵ. ꓔ ꓟ ꓥ ꓡꓳ꓿