ꓚꓬꓴꓹ ꓙˍ ꓟ ꓣꓱꓽ ꓛꓲ: ꓐꓰ ꓙꓵ ꓠꓲꓹ (1) Q & A

ꓕꓲꓽ ꓞꓲꓼ ꓕꓲꓽ ꓑ ꓢꓯꓸꓼ ꓟꓬꓻ ꓟꓶ ꓠꓹ ꓟ ꓥꓪ ꓮ ꓡꓰ ꓬꓰ ꓠ ꓗꓹ ꓡ? ꓢꓯꓼ ꓟꓬꓻ ꓟꓶ ꓠꓹ ꓟ ꓙꓲꓹ ꓟ ꓟꓬꓱꓽ ꓬꓰꓹ ꓟ ꓗꓪ ꓐꓰ ꓥ ꓡ? ꓬꓰ-ꓢꓴ ꓔꓯ ꓙꓵꓹ ꓟ ꓗꓪ ꓐꓰ ꓢꓯꓼ ꓟꓬꓻ ꓟꓶꓹ ꓟ ꓥˍ ꓡ? ꓠꓴ ꓠꓬ ꓢꓯꓼ ꓟꓬꓻ ꓟꓶ ꓘꓷꓳ ꓐꓰ ꓠꓴ ꓙꓵꓻ ꓡ? ꓔꓧꓰꓳꓡꓳꓖꓬ ꓐꓯꓹ ꓟ ꓪꓴ-ꓢ ꓟꓸ ꓟꓲꓽ ꓔꓯ ꓢꓳˍ ꓟ꓾ ꓪꓴ-ꓢ ꓟꓸ ꓟꓲ ꓔꓯ ꓒꓶꓹ ꓟ ꓾ ꓙꓵ ꓠꓲꓹ ꓚꓱꓹ ꓣꓴˍ ꓟ ꓘꓴ ꓜꓲ ꓞꓳ ꓕꓲꓽ ꓟ ꓐꓰ ꓕꓲ ꓟ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯꓽ ꓘꓳˍ ꓡꓳ= ꓣꓴˍ ꓟ ꓟꓽ ꓪ ꓡꓯꓽ ꓘꓳꓹˍ ꓡꓳ= ꓖꓳ ꓟ ꓪꓴꓸ ꓠꓬꓲ ꓕꓱ ꓟ ꓚꓱꓹ ꓕꓯ ꓐꓯꓹ ꓕꓯ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯ ꓘꓳ ꓡ ꓐꓶˍ ꓥꓳ= ꓠꓬꓲꓹ ꓠꓬꓲ ꓔꓧꓰꓳꓡꓳꓖꓲꓮꓠꓢ ꓐꓯꓹ ꓟ ꓪꓴ-ꓢ ꓟꓸ ꓟꓲꓽ ꓔꓯ ꓢꓲ ꓢꓷꓸ ꓠꓲꓹ ꓙꓳ ꓒꓽ ꓐꓴ ꓡꓰ ꓐꓯ ꓔ ꓟ ꓮ ꓡꓰ ꓙꓳꓹ ꓡ? ꓐꓯ ꓠꓬ ꓗ-ꓕꓳ-ꓡꓲꓼ ꓘꓴ  ꓜꓲꓼ ꓞꓳ ꓠꓬ ꓔꓧꓰ ꓑꓮꓢꓢꓲꓳꓠ ꓳꓝ ꓚꓧꓣꓲꓢꓔ ꓐꓯꓹ ꓟ ꓙꓰ-ꓢꓴ ꓫꓸ ꓙꓵꓹ ꓟ ꓔꓯ ꓪꓴꓸ ꓓꓵ ꓛꓹ ꓢꓲ ꓪꓴ-ꓢ ꓟꓸ ꓟꓲꓽ ꓔꓯ ꓢꓳˍ ꓡꓳꓺ ꓐꓰ ꓕꓱ ꓡꓰ ꓐꓯˍ ꓡꓳ= ꓙꓽ ꓣꓳꓹ ꓟ꓾ ꓠꓴꓽꓹ ꓟ ꓠꓲꓹ ꓟ꓾ ꓚꓵꓸ ꓛꓬꓽ ꓕꓲꓽ ꓞꓲꓼ ꓡꓱꓸꓼ ꓔꓯ ꓪꓴ-ꓢ ꓐꓱ ꓶ ꓡꓯꓼ ꓙꓱꓹ ꓟ꓾ ꓣꓱꓽ ꓙꓹ ꓟ ꓕꓱ ꓟ ꓔꓯ ꓪꓴꓸ ꓓꓵ ꓛꓹ ꓔ ꓡꓳ ꓐꓰ ꓕꓱ ꓡꓰ ꓐꓯꓹ ꓡꓳ= ꓳꓣꓔꓧꓳꓓꓳꓫ ꓘꓴ ꓜꓲꓼ ꓞꓳ ꓠꓬ ꓢꓲꓽ ꓫꓬ ꓟ ꓦ ꓔꓯ ꓪꓴꓸ ꓓꓵ ꓛꓹ ꓔ ꓡꓳ ꓐꓰ ꓕꓱ ꓡꓰ ꓐꓯˍ ꓡꓳ= ꓠꓱꓸ ꓐꓯꓹ ꓘꓴ ꓜꓲꓼ ꓞꓳ ꓟꓬ ꓠꓬꓲ ꓠꓬ ꓢꓲꓺ ꓒꓽ ꓬꓰ-ꓢꓴ ꓢꓯꓸ ꓬꓲꓼ ꓡꓹ ꓟ ꓕꓯ ꓪꓴꓸ ꓓꓵ ꓛꓹ ꓔ ꓡꓳ ꓐꓰ ꓐꓯˍ ꓡꓳ=

ꓢꓲꓺ ꓒꓽ ꓬꓰ-ꓢꓴ ꓡꓰ ꓐꓯ ꓔ ꓟ ꓔꓯ ꓪꓴꓸ ꓓꓵ ꓛꓹ ꓢꓲ ꓐꓯ ꓠꓬ ꓬꓳ-ꓦ 3ꓽ 15꓾ ꓬꓳ-ꓦ 5ꓽ 24꓾ ꓬꓳ-ꓦ 6ꓽ 47 ꓗꓪ ꓮ ꓡꓰ ꓐꓯꓹ ꓡ? ꓐꓯ ꓠꓬ ꓢꓲꓺ ꓒꓽ ꓬꓰ-ꓢꓴ ꓔꓯ ꓙꓵ ꓠꓬ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬ ꓟꓶꓹ ꓥꓳ ꓐꓰ ꓕꓱ ꓡꓰ ꓐꓯ ꓔ ꓡꓳ= ꓖꓳ ꓟ ꓪꓴꓸ ꓠꓬꓲ ꓙꓵ ꓠꓲꓹ ꓙꓳꓹ ꓠꓬ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬ ꓟꓶ ꓥꓳ ꓐꓰ ꓕꓱ ꓡꓰ ꓐꓯˍ ꓡꓳ= ꓖꓳ ꓡꓰ ꓥˍ ꓟꓲ ꓢꓲꓺ ꓒꓽ ꓬꓰ-ꓢꓴ ꓔꓯ ꓟꓸ ꓒꓽ ꓳꓺ ꓕꓲꓽ ꓞꓲꓼ ꓕꓲꓽ ꓑ ꓢꓯꓸꓼ ꓟꓬ ꓟꓶ ꓠꓹ ꓟ ꓥꓪ ꓮꓸ ꓫꓵꓽ ꓬꓰ ꓠꓯꓹ ꓡ? ꓐꓰ ꓠ ꓠꓬꓲꓹ ꓟ ꓢꓲ ꓫꓬ ꓕꓳꓽ ꓶ ꓝꓸ ꓔꓯ ꓛꓳꓽ ꓠꓬꓲ ꓠꓬ ꓟ- ꓘꓳ 10ꓽ 17- 44꓾  ꓟ-ꓕꓲ 19ꓽ 16- 22 ꓡꓴ-ꓘ 18ꓽ 18- 23 ꓗꓪ ꓛꓳꓽ ꓠꓬꓲ ꓠꓬ ꓢꓲꓺ ꓒꓽ ꓬꓰ-ꓢꓴ ꓡꓰ ꓮ ꓡꓰ ꓒꓳꓹ ꓖꓶꓹ ꓡ? ꓐꓯꓹ ꓠꓬ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬ ꓑꓯꓹ ꓟꓶ ꓠꓹ ꓟ ꓠꓬ꓾ ꓞꓳ ꓤꓽ ꓕꓽ ꓢꓰꓼ꓾ ꓦꓬꓼ ꓛꓳꓽ ꓕꓽ ꓧꓪ꓾ ꓕꓽ ꓘꓴ ꓕ ꓠꓯ꓾ ꓞꓳ ꓤꓽ ꓕꓽ ꓢꓰꓼ ꓕꓱ ꓡꓰ ꓪꓴ-ꓢ ꓙꓵ ꓗ 10 ꓟ ꓗꓪ ꓚꓳ ꓢꓷꓸ ꓐꓯˍ ꓡꓳ= ꓕꓱ ꓕꓲꓽ ꓘꓴꓸ ꓗꓪ ꓢꓲꓺ ꓒꓽ ꓬꓰ-ꓢꓴ ꓠꓬ ꓕꓱ ꓕꓲꓽ ꓣꓳ ꓔꓯ "ꓥꓪ ꓔꓯ ꓙꓵ꓾ ꓖꓳ ꓡꓰ ꓠꓬ ꓠꓴ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬꓻ ꓑꓯꓹ ꓟꓶ ꓥꓳ ꓐꓰ ꓟꓽ ꓐꓯꓹ ꓐꓶ= ꓙꓵ ꓠꓲꓹ ꓡꓰ ꓟꓽ ꓡꓳꓼ ꓐꓶ= ꓪꓴ-ꓢ ꓙꓵꓽ ꓗ ꓔꓯ ꓛꓳ ꓠ ꓡꓳꓼ ꓥ꓾ ꓐꓯꓹ ꓟ ꓔꓯ ꓡꓳꓸ ꓟꓳ ꓪ ꓓꓹ ꓡꓳ= ꓪꓴ-ꓢ ꓙꓵꓽ ꓗ ꓐꓯꓹ ꓟ ꓠꓬ ꓪꓴ-ꓢ ꓠꓲꓹ ꓡꓶꓽ ꓥ ꓪ= ꓪꓴ-ꓢ ꓠꓲꓹ ꓡꓶꓽ ꓐꓯꓹ ꓟ ꓠꓬ ꓣꓳ ꓛꓳ ꓠꓬꓲ ꓔ ꓟ ꓚꓱꓹ ꓕꓱ ꓡꓰꓳ ꓫꓵꓽ ꓔꓯ ꓐꓯꓹ ꓟ ꓥˍ ꓡꓳ= ꓖꓳ ꓟ ꓪꓴꓸ ꓠꓬꓲ ꓣꓳꓽ ꓛꓳ ꓠꓬꓲ ꓔ ꓟ ꓚꓰꓹ ꓔꓯ ꓟꓽ ꓛꓳꓹ ꓠꓬ꓾ ꓪꓴ-ꓢ ꓠꓲꓹ ꓡꓶꓽ ꓗꓪ ꓟꓽ ꓜꓰꓼ ꓡꓰꓹ ꓠꓬ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬꓻ ꓟꓽ ꓟꓶ=

ꓟ-ꓕꓲ 7ꓽ 21 ꓗꓪ ꓥ ꓕꓯ ꓢꓲꓺ ꓒꓽ ꓢꓲꓺ ꓒꓽ ꓘꓴ ꓢꓴ ꓮꓽ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓓꓵꓽ ꓪ ꓟꓽ ꓓ= ꓥꓪ ꓐꓹ ꓐꓽ ꓠꓲꓹ ꓡꓶꓽ ꓔꓯ ꓛꓳ ꓢꓴ ꓡꓰ ꓢꓲ ꓓꓵꓽ ꓪ ꓓ ꓥ ꓐꓰ ꓢꓲꓺ ꓒꓽ ꓬꓰ ꓢꓴ ꓡꓰ ꓐꓯ ꓔ ꓡꓳ= ꓖꓳ ꓟ ꓪꓴꓸ ꓠꓬꓲ ꓙꓵ ꓠꓲꓹ ꓡꓰ ꓙꓳ ꓢꓲ ꓪꓴ-ꓢ ꓠꓲꓹ ꓡꓶꓽ ꓔꓯ ꓟꓽ ꓛꓳ ꓢꓴ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓓꓵꓽ ꓪ ꓟꓽ ꓓ= ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬꓻ ꓐꓯꓹ ꓟ ꓚꓬꓴꓹ ꓙˍ ꓟ ꓢꓯꓼ ꓟꓬꓻ ꓟꓽ ꓟꓶ ꓐꓰ ꓐꓯˍ ꓟ ꓥˍ ꓡꓳ= ꓳꓣꓮꓣꓰ ꓰꓔ ꓡꓮꓐꓳꓣꓮꓣꓰ ꓐꓯꓹ ꓟ ꓕꓱ ꓟ ꓠꓬ ꓡꓮꓔꓲꓠ ꓥꓳ ꓗꓪ ꓚꓳꓸ ꓥˍ ꓡꓳ= ꓪꓽ ꓘꓴꓹ ꓟ ꓐꓰ ꓟꓬꓱꓽ ꓬꓰꓹ ꓟ ꓠꓬꓲ ꓫꓵꓽ ꓙꓳ ꓠ ꓡꓳꓹ ꓥ ꓐꓰ ꓕꓱ ꓡꓰ ꓐꓯˍ ꓡꓳ= ꓬ-ꓗꓴ 2ꓽ 17-18 ꓗꓪ ꓬꓰꓹ ꓟ ꓟꓬꓱꓽ ꓟꓽ ꓙꓳꓹ ꓙꓵ ꓠꓲ ꓠꓬ ꓫꓵꓽ ꓟ ꓙꓵ ꓠꓲꓹ ꓥˍ ꓡꓳ ꓐꓰ ꓐꓯ ꓔ ꓡꓳ= ꓐꓯ ꓠꓲꓹ ꓫꓵꓹ ꓟ ꓠꓬ ꓙꓵ ꓠꓲꓹ ꓙꓳꓹ ꓥˍ ꓟꓲ ꓪꓴ-ꓢ ꓠꓲꓹ ꓡꓶꓽ ꓔꓯ ꓛꓳꓹ ꓟ ꓟꓽ ꓙꓳꓹ ꓠꓬ ꓙꓵ ꓠꓲꓹ ꓖꓳ ꓟ ꓠꓬ ꓫꓵꓹ ꓟ ꓙꓵ ꓠꓲꓹ ꓥˍ ꓡꓳ= ꓟ-ꓕꓲ 7ꓽ 21 ꓝꓲꓸ ꓗꓪ ꓐꓯˍ ꓟ ꓡꓰ ꓐꓰ ꓥ ꓕꓯ ꓢꓲꓺ ꓒꓽ ꓢꓲꓺ ꓒꓽ ꓘꓴ ꓢꓴ ꓮꓽ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓓꓵꓽ ꓪ ꓟꓽ ꓓ= ꓥꓪ ꓐꓹ ꓐꓽ ꓠꓲꓹ ꓡꓶꓽ ꓔꓯ ꓛꓳ ꓢꓴ ꓡꓰ ꓢꓲ ꓓꓵꓽ ꓪ ꓓ ꓥ ꓐꓰ ꓢꓲꓺ ꓒꓽ ꓬꓰ ꓢꓴ ꓡꓰ ꓐꓯꓹ ꓟ ꓡꓰ ꓐꓰ ꓬꓰ-ꓢꓴ ꓔꓯ ꓙꓵ ꓔꓬ ꓡꓳ ꓐꓯꓹ ꓟ ꓟꓽ ꓡꓳꓼ ꓢꓰ꓾ ꓬꓰꓹ ꓟ ꓟꓬꓱꓽ ꓙꓳ ꓠꓹ ꓡꓳꓹ ꓥ=                                                

Add new comment

6 + 7 =