ꓝꓲ ꓓꓴ ꓒꓲ‐ꓕꓱ ꓐꓰ ꓒꓳ‐ꓡꓳ ꓑꓮꓲ꓿

ꓝꓲ ꓓꓴ ꓒꓲ‐ꓕꓱ ꓐꓰ ꓒꓳ‐ꓡꓳ ꓑꓮꓲ꓿

ꓝꓲ ꓓꓴ ꓒꓲ‐ꓕꓱ ꓠꓬ ꓝꓲ ꓓꓴ ꓐꓴ ꓔꓯ ꓧꓳꓽ ꓪꓴ. ꓟꓴ ꓢꓴ (Prince of the Apostles) ꓥ ꓡꓳ꓿ ꓝꓲ ꓓꓴ ꓒꓲ‐ꓕꓱ ꓠꓬ ꓖ‐ꓡꓲ‐ꓡꓲ ꓟꓵꓽ ꓗꓪ ꓔꓬ ꓢꓴ ꓥ ꓡꓳ꓿ ꓖ‐ꓡꓲ‐ꓡꓲ ꓬꓲꓻ ꓡꓴꓽ ꓐꓱ ꓘꓶꓽ ꓗꓪ ꓬꓰ‐ꓢꓴ ꓫꓱꓽ ꓔꓬ ꓕꓯ꓾ ꓢꓲ‐ꓟꓴˍ ꓐꓰ ꓯ‐ꓓꓱ‐ꓣꓴ ꓠꓬ ꓥꓪ. ꓧꓪ ꓢꓴ ꓥ ꓠꓬꓲ꓾ ꓬꓲꓻ ꓡꓴꓽ ꓐꓱ ꓗꓪ ꓥꓪ. ꓓꓳꓽ ꓔꓬ ꓟ ꓔꓯ ꓬꓰ‐ꓢꓴ ꓡꓳ. ꓟꓳˍ ꓡꓳ꓿ ꓬꓲ ꓡꓰ ꓬꓲ ꓪ ꓔꓯ꓾ ꓥꓪ ꓔꓯ ꓛꓳ ꓡꓯ꓾ ꓠꓴ ꓪ ꓔꓯ ꓥꓪ ꓡꓰ ꓡ ꓞꓳ ꓧꓪ ꓢꓴ ꓒꓬꓱꓼ ꓡ ꓝꓲˍ ꓥꓳ꓾ ꓐꓯ ꓖꓶˍ ꓡꓳ꓿ (ꓟ‐ꓘꓳ 1ꓽ16‐17) ꓗꓪ ꓡꓳ. ꓟꓳ ꓪ ꓡꓳ꓿

ꓝꓮꓲ ꓟ‐ꓕꓲ ꓕꓳ ꓶ 16ꓽ18) ꓠꓴ ꓪ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓟꓲ ꓠꓯ ꓗꓪ ꓠꓴ ꓪ ꓡꓰ ꓞꓳ, ꓔ ꓟ ꓔꓯ ꓠꓬ ꓟꓴ ꓗꓪ ꓗꓪˍ ꓟꓲ ꓞꓳ, ꓔ ꓥꓳ꓿ ꓟꓲ ꓠꓯ ꓗꓪ ꓠꓴ ꓡꓰ ꓩꓴ ꓗꓷ ꓟ ꓔꓯ ꓠꓬ ꓟꓴ ꓗꓪ ꓗꓪˍ ꓟ ꓩꓴ ꓗꓷˍ ꓥꓳ꓿ ꓢꓲ ꓒꓽ ꓬꓰ‐ꓢꓴ ꓟꓴ ꓗꓪ ꓗꓪ ꓓꓯ ꓙꓰ ꓗꓷ ꓠꓯ ꓝꓲ ꓓꓴ ꓒꓲ‐ꓕꓱ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓚꓺ ꓟ. ꓖꓶ ꓗꓷꓳ꓿ ꓝꓲ ꓓꓴ ꓒꓲ‐ꓕꓱ ꓠꓬ AD 49 ꓘꓳꓼ ꓕꓯ ꓙꓱ‐ꓣꓴ‐ꓢ‐ꓡꓱ ꓗꓪ ꓬꓰ ꓗꓷ ꓟ ( Council of Jerusalem) ꓖꓪꓽ ꓙꓱ ꓜꓲꓼ ꓓꓴ ꓬꓰ ꓓꓳꓺ ꓗꓷ ꓗ ꓠꓯ ꓪꓴ‐ꓢ ꓐꓯ ꓘꓶꓽ ꓚꓺ ꓠ, ꓟ ꓙꓱ‐ꓣꓴ‐ꓢ‐ꓡꓱ ꓗꓪ ꓙꓰ ꓗꓷꓳ꓿ ꓘꓴ ꓜꓲꓼ ꓞꓳ ꓔꓯ ꓢꓰꓼ ꓟ ꓙꓵ, ꓮꓓ 64 ꓘꓳꓼ ꓕꓯ ꓝꓲ ꓓꓴ ꓒꓲ‐ꓕꓱ ꓔꓯ ꓪ‐ꓔꓲ Nero ꓠꓬ Vatican ꓗꓪ ꓢꓰꓼ ꓗꓷꓳ꓿

ꓝꓲ ꓓꓴ ꓒꓳ‐ꓡꓳ ꓠꓬ ꓬꓴ‐ꓔ ꓡ ꓞꓳ ꓟꓽ ꓥ ꓟ ꓠꓱ ꓐꓯ ꓞꓳ ꓫꓵꓽ ꓐꓴ ꓔꓯ ꓪꓴ‐ꓢ ꓶꓽ ꓓꓳꓽ ꓫꓱ, ꓓꓳꓽ ꓚꓺ ꓢꓴ ꓥ ꓡꓳ꓿ ꓝꓲ ꓓꓴ ꓒꓳ‐ꓡꓳ ꓠꓬ ꓬꓲ. ꓪꓴ. ꓕꓯ ꓦꓻ ꓡꓱ ꓢꓴ ꓟꓽ ꓥ꓿ ꓢꓲ ꓒꓽ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓔꓯ ꓢꓰꓼ ꓢꓴ ꓥ ꓡꓳ꓿ (ꓝꓲ ꓓꓴ 9ꓽ18) ꓖꓳ ꓕꓯ ꓞꓼ ꓐꓰ ꓬꓲ ꓟꓬ ꓢꓶꓽ ꓗꓪ ꓬꓲ ꓓꓵꓼˍ ꓡꓰ ꓐꓰ ꓗ, ꓟ ꓕꓲ ꓫꓵꓽ ꓞꓰ ꓡꓰ ꓠꓬ ꓠꓬꓲ ꓟꓳ ꓡꓺꓳ꓿ ꓖꓳ ꓡꓱ ꓠꓬ ꓬꓲ ꓔꓴ ꓡ ꓢꓲ ꓖꓳ ꓓꓱ ꓔꓲ, ꓟꓶˍ ꓡꓳ꓿ ꓖꓳ ꓡꓱ ꓢꓲ ꓜꓽ ꓜ ꓗꓷ ꓠꓬ ꓢꓯꓼ ꓙꓳ ꓡˍ ꓡꓳ꓿ ꓝꓲ ꓓꓴ ꓒꓳ‐ꓡꓳ ꓠꓬ ꓮ‐ꓫ ꓟꓵꓽ ꓐꓰ ꓖ‐ꓣꓲ ꓟꓵꓽ ꓗꓪ ꓪꓴ‐ꓢ ꓶꓽ ꓓꓳꓽ ꓫꓱ, ꓓꓳꓽ ꓔꓯ ꓚꓺ ꓟ. ꓖꓶ ꓗꓷꓳ꓿ ꓝꓲ ꓓꓴ ꓐꓳ ꓔ ꓟ ꓢꓲꓽ ꓫꓬ ꓕꓳ ꓶ ꓔꓯ (Letters of St.Paul) ꓟꓬꓱꓺ ꓔ ꓟ ꓥ ꓡꓳ꓿ꓝꓲ ꓓꓴ ꓒꓳ‐ꓡꓳ ꓠꓬ ꓮ ꓟꓬ ꓢꓯꓼ ꓕꓵꓼ ꓢꓲ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓚꓺ ꓟ. ꓗꓷꓳ꓿ ꓙꓰ‐ꓣꓱ‐ꓢ‐ꓡꓱ ꓗꓪ ꓪꓴ‐ꓢ ꓐꓯ ꓘꓶ. ꓚ. ꓡ ꓕꓯ ꓬꓴ‐ꓔ ꓞꓳ ꓫꓵꓽ ꓐꓴ ꓠꓬ ꓝꓲ ꓓꓴ ꓒꓳ‐ꓡꓳ ꓔꓯ ꓐꓱ ꓓꓵ ꓗꓪ ꓗꓷ ꓗꓷꓳ꓿ ꓝꓲ ꓓꓴ ꓒꓳ‐ꓡꓳ ꓔꓯ ꓮꓓ 64 ꓘꓳꓼ ꓕꓯ Ostiense ꓟꓬꓱꓺ ꓟ ꓟꓵꓽ ꓗꓪ ꓢꓰꓼ ꓗꓷꓳ꓿