ꓝ ꓢꓲ ꓕꓽ ꓥꓳꓽ ꓡꓰ ꓝꓲ ( ꓢꓷꓸ ꓙ ꓟꓳ ꓙ ꓘꓶ)

ꓝ ꓢꓲ ꓕꓽ ꓥꓳꓽ ꓡꓰ ꓝꓲ ( ꓢꓷꓸ ꓙ ꓟꓳ ꓙ ꓘꓶ)

ꓝ ꓢꓲ ꓕꓽ ꓥꓳꓽ ꓡꓰ ꓝꓲ

 ꓝ ꓢꓲ ꓕꓽ ꓥꓳꓽ ꓡꓰ ꓝꓲ ꓐꓯ ꓟ ꓐꓯ ꓘꓶꓽ ꓔꓯ ꓢꓷꓸ ꓙ ꓟꓳ ꓙ ꓶꓴ ꓡ ꓥꓳ=ꓞꓳ ꓤ ꓐꓯ ꓟ ꓒꓬꓱꓼ ꓡ ꓠꓬ ꓮ ꓡꓰ ꓟ ꓡꓰꓸ ꓟꓽ ꓥꓳꓽ ꓢꓴ ꓟꓽ ꓠꓬꓹ ꓡꓳ ꓥꓳꓽ ꓬꓰ ꓟ ꓠꓬ ꓣꓳ_ꓟ ꓐꓰ ꓪꓴꓼ_ꓟ ꓥ ꓡꓳ= ꓛꓳ ꓒꓯꓹ ꓔꓯ ꓝꓴꓲ ꓖꓶ ꓠꓲꓹ ꓫꓵ_ꓠꓬ ꓣꓳ ꓚꓲ ꓠꓚꓬ ꓝꓴꓲ ꓔꓯ ꓟꓶꓸ ꓔꓯ ꓙ ꓟꓶ ꓠ ꓗꓹ ꓡꓳ= ꓟꓽ ꓥꓳꓽ ꓟ ꓢꓷ ꓠꓲꓸ ꓙꓳ ꓒꓽ ꓟꓽ ꓫꓵꓸꓹ ꓟ ꓠꓯ ꓞꓲꓼ ꓟꓸ ꓒ ꓙꓳ_ꓡ? ꓛꓳ ꓒꓯꓹ ꓔꓯ ꓡꓰꓽ ꓝꓴꓲ ꓖꓶ ꓠꓲꓹ ꓫꓵ_ꓟ ꓠꓬ ꓮ ꓘꓶꓸ ꓥꓳꓽ_ꓟ ꓥ ꓡꓳ= ꓥꓳ_ꓟ ꓔꓯ ꓫꓬꓹ ꓔꓱꓹ ꓠꓬ ꓙꓲ_ꓟ ꓒꓬꓱꓼ ꓡ_ꓥꓳ= ꓥꓳꓽ ꓬꓰ ꓟ ꓬꓰ ꓢꓴ ꓕ ꓑꓳꓸ ꓞꓳ ꓐꓰꓸꓸ ꓟꓽ ꓥ=ꓠꓱꓸ ꓐꓯꓼ ꓞꓳ ꓤ ꓐꓴ ꓔꓯ ꓝꓴꓲꓸ ꓐꓯ ꓞꓷꓹ ꓔꓬ ꓕ ꓑꓳꓸ ꓠꓬ ꓞꓳ ꓙꓲꓸꓹ ꓞꓳ ꓔꓱ ꓕꓲ ꓣꓳ ꓟꓽ ꓥ= ꓣꓳ ꓝꓴꓲ ꓣꓳ ꓢꓷꓸ ꓢꓲ ꓥꓳꓽ_ꓟ ꓗꓪ ꓐꓰ ꓙꓲ_ꓟ ꓗꓪ ꓒꓳꓹ ꓬꓲꓼ ꓡ ꓢꓴ ꓠꓬ ꓙꓲ_ꓟ ꓞꓳ ꓔꓱꓹ ꓒꓬꓱꓼ ꓡ ꓥꓳ= ꓕꓲ  ꓧꓪ ꓙꓳ ꓡꓰ ꓠꓬ ꓠꓴ ꓔꓯ ꓝꓴꓲꓸ ꓓꓰꓸꓸ ꓢꓲ ꓐꓯ ꓟ ꓟꓲ ꓙꓳ_ ꓥꓳ ꓖꓳ ꓡꓱ ꓥ_ ꓟꓲ ꓠꓲꓹ ꓟ ꓕꓽ ꓫ ꓞꓳ ꓤ ꓐꓯ ꓟꓽ ꓠ ꓣꓳ ꓝꓴꓲꓸ ꓔꓯ ꓠ ꓟꓽ ꓟꓳꓸꓸꓛꓳ ꓒꓯꓹ ꓔꓯ ꓡꓰꓽ ꓝꓴꓲ ꓖꓶꓽ ꓠꓲꓸ ꓫꓵ_ꓡꓳ= ꓣꓳ ꓛꓳ ꓒꓯꓼ ꓐꓴ ꓣꓳ ꓔꓯ ꓠꓲꓹ ꓟ ꓫ ꓓꓴ ꓐꓯ_ꓟ ꓐꓯ ꓘꓶꓽ ꓔꓯ ꓓꓵꓽ ꓙ ꓢꓲ ꓠꓲꓹ ꓟ ꓫ ꓢꓲ ꓠꓬꓹ ꓟꓽ ꓛꓵ=ꓣꓳ ꓔꓯ ꓠꓲꓹꓟ ꓫ ꓓꓴ ꓔꓳꓹ ꓜꓳꓽ_ꓟ ꓣꓳ ꓛꓳ ꓒꓯꓹ ꓡꓰꓽ ꓥꓳꓽ ꓡꓰ_ꓥꓳ= ꓣꓳ ꓔꓵꓸ ꓣꓳ ꓠꓲꓹ ꓟ ꓫ ꓢꓲ ꓠꓬꓹ ꓟꓽ ꓛꓵ= ꓣꓳ ꓛꓳ ꓒꓯꓹ ꓡꓰ ꓘꓶꓸꓹ ꓡꓶꓽ_ꓟ ꓔꓯ ꓓꓵꓽ ꓙ ꓪ ꓢꓲ ꓕꓽ ꓥꓳ ꓡꓰ ꓝꓲ= ꓣꓳ ꓛꓳ ꓒꓯꓹ ꓔꓯ ꓣꓳ ꓬꓰ ꓝꓲ ꓕ ꓑꓳꓸ ꓣꓳ ꓮꓸ ꓫꓵ ꓡꓰ ꓟꓽ ꓪ= ꓣꓳ ꓥꓳꓽ ꓬꓰ ꓐꓯꓸ ꓠꓽ ꓫꓬꓹ ꓔꓱꓹ ꓟꓽ ꓪ= ꓡꓰ ꓢꓲ ꓾ꓣꓳ ꓤꓶꓸꓹ ꓔꓯ ꓫꓸ ꓓꓴ ꓔꓳꓹ ꓜꓳꓽ ꓡ ꓥꓳ= ꓖꓳ ꓟ ꓑꓶ ꓓꓴ ꓣꓳ ꓬ ꓟꓴ ꓠ ꓗ ꓡ0= ꓣꓳ ꓥꓳꓼ ꓬꓰ ꓟ ꓠꓽ ꓙꓲ_ꓟ ꓗꓪ ꓖꓶ ꓝꓴ_ꓟ ꓙꓲꓸꓹ ꓚꓱꓸ ꓥ ꓢꓲ ꓾ ꓝ ꓢꓲ ꓕꓽ ꓥꓳꓽ ꓡꓰ ꓝꓲ= ꓥꓳꓽ ꓬꓰ_ꓗꓪ ꓐꓰ ꓢꓷꓸꓹ ꓠꓲꓹ ꓪ ꓡꓰ ꓝꓲ ꓡꓯ=

Add new comment

3 + 6 =