ꓟꓬꓱꓺ ꓓꓳꓽ ꓙꓳˍ ꓟ Angelina Jolie ꓟꓸ ꓟꓲꓽ

ꓬꓲ ꓠꓬ ꓢꓯꓸ ꓐꓬꓱꓽ ꓔꓯꓺ ꓢꓴ꓾ ꓢꓯꓸ ꓐꓬꓱꓽ ꓫꓬꓹ ꓢꓴ ꓐꓰ ꓞꓳ ꓤ ꓐꓴ ꓔꓯ ꓣꓱꓽ ꓙ ꓢꓴ ꓕꓲ ꓣꓳ ꓥꓳ=

ꓬꓲ ꓔꓯ 1975ꓸ6ꓸ4 ꓕꓯ U.S ꓗꓴꓷꓼ꓾California ꓟꓵꓽ꓾ Los Angeles ꓗꓪ ꓦꓵꓻ ꓔ ꓡꓳ=

ꓬꓲꓸ ꓐꓹ ꓐ ꓟꓬꓱꓺ ꓠꓬ Jon Voight ꓥ ꓢꓲ꓾ ꓬꓲ ꓟꓹ ꓟ ꓟꓬꓱꓺ ꓠꓬ Marcheline Bertrand ꓥ ꓡꓳ=

ꓬꓲ ꓠꓬ Beverly Hills ꓢꓳꓺ ꓦꓲꓻ ꓓꓽ ꓟ ꓗꓪ ꓐꓰ ꓢꓷꓸ ꓠꓲꓹ ꓢꓳ ꓣꓴ ꓗꓷ ꓢꓲ꓾ ꓞꓲꓼ ꓣꓳˍ ꓕꓯ ꓬꓲ ꓟꓹ ꓟ ꓐꓰ ꓕꓲ ꓪꓺꓽ ꓔꓬ ꓗꓷꓳ=

ꓬꓲ ꓠꓬ ꓢꓯꓸ ꓐꓬꓱꓽ ꓔꓯꓺˍ ꓟ ꓗꓪ ꓢꓷꓸ ꓫꓵꓽ ꓢꓷꓸ ꓙꓰꓽ ꓔꓯ Lee Strasberg Theatre Institute ꓗꓪ ꓠꓬꓲꓽ ꓘꓳꓼ ꓛꓲꓺ ꓢꓳ ꓣꓴ ꓗꓷꓳ=

ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓟꓬꓱꓺ ꓓꓳꓽ ꓪꓴꓽˍ ꓟ Angelina Jolie ꓠꓬ꓾ꓬꓲ ꓞꓲꓼ ꓣꓳˍ ꓕꓯ ꓫꓵꓻ ꓟꓳ ꓔꓵˍ ꓟ ꓗꓪ ꓧꓳꓽ ꓣꓱꓽ ꓢꓴ꓾ ꓙꓵꓽ ꓢꓴ ꓕꓲ ꓣꓳ ꓒꓬꓱꓼ ꓠꓲꓹ ꓫꓵˍ ꓡꓳ= ꓬꓲꓸ ꓠꓬ ꓢꓯꓸ ꓐꓬꓱꓽ ꓔꓯꓺ ꓟꓬꓱꓽ ꓟꓽ ꓬꓰ ꓢꓰꓽ ꓕꓯ ꓾ model ꓕꓲ ꓣꓳ ꓥ ꓡꓳ= ꓬꓲ ꓠꓬ ꓬꓲ ꓞꓲꓼ 14 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ model ꓬꓰ ꓪꓴꓸ ꓔꓴ ꓗꓷꓳ=

Angelina Jolie ꓠꓬ ꓡꓯꓼ ꓶꓸ ꓐꓽ ꓔꓯ ꓣꓱꓽ ꓢꓴ ꓕꓲ ꓣꓳ ꓥꓳ= ꓝꓮꓲ ꓬꓲ ꓠꓬ Jonny Lee Miller ꓐꓰ ꓡꓯꓽ ꓒꓯꓹ ꓝ ꓗꓷꓳ=

ꓬꓲ ꓠꓬ ꓙꓱꓽ ꓤ ꓐꓴ ꓔꓯ ꓠꓲꓹ ꓠꓵ ꓢꓴ ꓥ ꓢꓲ꓾ ꓙꓱꓽ ꓤ ꓐꓴ ꓔꓯ ꓡꓳꓸ ꓙ ꓖꓶˍ ꓟ ꓗꓽ ꓕ ꓙˍ ꓟ ꓟꓬꓱꓽ ꓗꓪˍ ꓟꓲ ꓐ ꓗꓷꓳ= ꓬꓲꓸ ꓐꓹ ꓐ Jon Voight ꓥˍ ꓟꓲ ꓢꓯꓸ ꓐꓬꓱꓽ ꓔꓯꓺ ꓢꓴ ꓕꓲ ꓣꓳ ꓥ ꓡꓳ= Angelina ꓠꓬ ꓬꓲꓸ ꓞꓲꓼ ꓣꓳˍ ꓕꓯ ꓬꓲꓸ ꓐꓹ ꓐ ꓐꓰ ꓕꓲꓽ ꓪꓽ “Lookin’ to Get Out” ꓟꓬꓱꓺ ꓔ ꓟ ꓢꓯꓸ ꓐꓬꓱꓽ ꓗꓪ ꓐ ꓗꓷꓳ=

ꓬꓲ ꓪꓴꓸ ꓞꓱꓻ ꓠꓬ ꓫꓵꓺ ꓫꓵꓺ ꓡꓰꓽ ꓗꓹ ꓥˍ ꓟꓲ ꓬꓲ ꓠꓬ ꓮ ꓕꓯˍ ꓟꓲ ꓬꓲꓸ ꓪꓴꓸ ꓞꓱꓻ ꓔꓯ ꓬꓲꓸ ꓠꓯꓺ ꓠꓯꓺ ꓠꓶˍ ꓡꓳ=

ꓬꓲ ꓠꓬ ꓮꓽ ꓘꓸ ꓐꓰ ꓩꓴꓻ ꓔꓯˍ ꓟꓲ ꓦꓵꓻ ꓔ ꓡꓳ= ꓬꓲꓸ ꓠꓬ ꓮꓸ ꓕꓽ ꓮ ꓟꓬꓹ ꓫˍ ꓟ ꓔꓯ ꓠꓲꓹ ꓒꓴ ꓢꓴ ꓥ ꓡꓳ=

2004 ꓘꓳꓼ ꓕꓯ ꓬꓲ ꓠꓬ ꓙꓱꓻ ꓦꓲꓻ ꓐꓱꓻ ꓦꓲꓻ ꓤ ꓤ ꓔꓯ ꓫꓵˍ ꓟ license ꓟꓶ ꓡꓰ ꓗꓷꓳ=

ꓬꓲ ꓠꓬ Cambodia ꓗꓴꓷꓼ ꓘꓴꓽ ꓗꓪ ꓟꓬꓱꓽ ꓬꓰ ꓔꓬ ꓟ ꓪꓴꓸ ꓠꓬꓲ꓾ Cambodia ꓪꓺ ꓔꓲ ꓡꓰ 2005 ꓘꓳꓼ ꓕꓯ ꓬꓲ ꓔꓯ ꓬꓲ ꓪ ꓐꓴ ꓗꓴꓷꓼ ꓗꓪ ꓟ ꓡꓽ ꓞꓳ ꓐꓯ ꓢꓲ ꓢꓷꓸ ꓙ ꓟꓳ ꓙ ꓗꓷꓳ=

ꓮ ꓟꓶ ꓗꓪ ꓛꓲ ꓬꓲ ꓠꓬ Oscar ꓡꓯꓼ ꓫꓴ 1 ꓟ꓾ Golden Globe ꓡꓯꓼ ꓫꓴ 3 ꓟ꓾ Screen Actors Guild ꓡꓯꓼ ꓫꓴ 2 ꓟ ꓟꓶ ꓗꓷ ꓢꓴ ꓥꓳ= Angelina ꓠꓬ ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓔꓬ ꓖꓴ ꓟꓽ ꓙꓳ ꓟ ꓟꓯꓼ ꓞꓰꓹ ꓑꓬ ꓢꓴ ꓐꓴ ꓔꓯ ꓬꓰ ꓙ ꓔꓳꓹ ꓙˍ ꓟ ꓜꓴꓻ UNHCR ꓗꓪ ꓣꓱꓽ ꓙ ꓢꓴ ꓕꓲ ꓣꓳˍ ꓟꓲ ꓥ ꓡꓳ=

ꓝꓮꓲ ꓬꓲ ꓠꓬ ꓧꓪꓽ ꓗꓴꓹ ꓙꓲ ꓗꓪ tattoo ꓐꓳˍ ꓟ ꓔꓯ ꓠꓲꓹ ꓒꓴ ꓢꓴ ꓥ ꓢꓲ꓾ ꓬꓲꓸ ꓖꓳ ꓓꓱ ꓗꓪ tattoo 14 ꓟ ꓐꓳ ꓔ ꓡꓳ=

ꓬꓲꓸ ꓓꓱꓽ ꓗꓷ꓾ ꓔꓯꓺ ꓗꓷ ꓟ ꓢꓯꓸ ꓐꓬꓱꓽ ꓮ ꓙꓵꓽ ꓠꓬ 55 ꓟ ꓟꓽ ꓞꓲꓺ ꓙꓳ ꓢꓲ ꓖꓳ ꓟ ꓘꓴꓽ ꓗꓪ Hackers, Gia, George Wallace, Girl Interrupted, Lara Croft: Tomb Raider, Mr & Mrs Smith, The Good Shepherd, Wanted, Salt, The Tourist, Maleficent, Changeling ꓐꓴ ꓠꓬ ꓟꓵꓽ ꓕꓯ ꓗꓳꓹ ꓕꓯ ꓗꓪ ꓮ ꓘꓶꓸ ꓟꓬꓱꓺ ꓓꓳꓽ ꓪꓴꓽ ꓡ ꓢꓲ꓾ ꓒꓴ ꓮ ꓟꓬꓹ ꓟꓶˍ ꓟ ꓢꓯꓸ ꓐꓬꓱꓽ ꓐꓴ ꓥ ꓡꓳ=

Angelina ꓠꓬ Hollywood ꓗꓪ ꓪꓽ ꓒꓵꓽ ꓮ ꓟꓬꓹ ꓪˍ ꓟ꓾ ꓮ ꓟꓬꓹ ꓟꓶˍ ꓟ ꓢꓯꓸ ꓐꓬꓱꓽ ꓔꓯꓺ ꓢꓴ ꓘꓴꓽ ꓗꓪ ꓟ ꓕꓲ ꓣꓳ ꓥꓳ= ꓝꓮꓲ ꓬꓲ ꓠꓬ Liverpool ꓑꓰ ꓡꓴꓸ ꓑꓰꓹ ꓜꓴ ꓔꓯ ꓮ ꓘꓶꓸ ꓠꓲꓹ ꓒꓴ ꓢꓲ ꓢꓯꓼ ꓖꓶ ꓢꓴ ꓕꓲ ꓣꓳˍ ꓟꓲ ꓥ ꓡꓳ=

Angelina Jolie ꓠꓬ ꓬꓲ ꓕꓲ ꓤꓶꓻ ꓗꓪ 3 ꓧꓪꓹ ꓡꓯꓽ ꓒꓯꓹ ꓝ ꓗꓷꓳ=Jonny Lee Miller, Billy Bob Thornton Brad Pitt ꓐꓴ ꓐꓰ ꓡꓯꓽ ꓒꓯꓹ ꓝ ꓗꓷ ꓟ ꓥꓳ= ꓬꓲ ꓔꓯ Maddox꓾ Pax꓾ Zahara꓾ Shiloh꓾ Knox ꓐꓰ Vivienne ꓟꓬꓱꓺ ꓔ ꓟ ꓤ ꓠꓱ 6 ꓫꓵꓸ ꓙꓳˍ ꓡꓳ= ꓮ ꓟꓶ ꓬꓲꓸ ꓞꓲꓼ ꓠꓬ 45 ꓘꓳꓼ ꓙꓳ ꓢꓲ꓾ Los Angeles ꓗꓪ ꓔꓬ ꓡꓳ=

Add new comment

2 + 13 =