ꓟꓬꓱꓺ ꓓꓳꓽ ꓙꓳˍ ꓟ Nick Vujicic ꓟꓸ ꓟꓲꓽ

ꓬꓲꓸ ꓠꓬ ꓶꓼ ꓥꓳꓽ ꓫꓱꓹ ꓥꓳꓽ ꓚ ꓢꓴ ꓟꓸ ꓒ ꓥ ꓢꓲ꓾ ꓢꓯꓼ ꓖꓶꓽ ꓘꓶꓽ ꓫꓸ ꓕꓱ ꓢꓴ ꓕꓲ ꓣꓳˍ ꓟꓲ ꓥ ꓡꓳ= ꓬꓲ ꓔꓯ 12 ꓦ ꓟ 4 ꓠꓬꓲ꓾ 1982 ꓕꓯ Australia ꓗꓴꓷꓼ Melbourne ꓗꓪ ꓦꓵꓻ ꓔ ꓡꓳ=

ꓬꓲꓸ ꓐꓹ ꓐ ꓟꓬꓱ ꓠꓬ Boris Vujicic ꓥ ꓢꓲ ꓬꓲꓸ ꓟꓹ ꓟ ꓟꓬꓱ ꓠꓬ Dushka Vujicic ꓥ ꓡꓳ=

ꓠꓱꓸ ꓐꓯ ꓮ ꓙꓵꓽ ꓔꓬꓹ ꓢˍ ꓟꓲ ꓬꓲ ꓠꓬ ꓦꓵˍ ꓕꓯ ꓡꓰ autosomal recessive tetra-amelia ꓐꓰ ꓐꓯˍ ꓟ Tetra-amelia syndrome ꓠꓻ ꓾ꓛꓲ ꓠꓬꓲꓺ 2 ꓠꓬꓲ ꓡꓰꓽ ꓙꓳˍ ꓟ ꓗꓪ ꓐꓰ ꓗꓳꓸ ꓗꓷ ꓠꓬ ꓬꓲꓸ ꓠꓬ ꓛꓲ ꓒꓯꓹ ꓡꓯꓽ ꓒꓯꓹ 4 ꓐꓽ ꓡꓱꓸꓼ ꓟꓽ ꓙꓳ ꓟ ꓠꓻ ꓐꓰ ꓕꓲ ꓪꓽ ꓦꓵꓻ ꓡ ꓗꓷꓳ= ꓛꓲ ꓒꓯꓹ ꓡꓯꓽ ꓒꓯꓹ ꓟꓽ ꓙꓳ ꓟ ꓫꓵꓽ ꓪꓴ ꓠꓬ ꓤ ꓠꓱ ꓤ ꓐꓰ ꓬꓲꓸ ꓕꓲ ꓦꓲꓻ ꓢꓴ ꓐꓴ ꓐꓱ ꓶ ꓓ ꓪꓴꓸ ꓕꓯꓽ ꓠꓽ ꓮ ꓘꓶꓸ ꓬꓰ ꓫꓸ ꓓꓴ ꓥꓳ=

ꓬꓲ IQ ꓠꓬ ꓠꓱꓸ ꓐꓯꓼ ꓤ ꓠꓱ ꓤ ꓡꓰ ꓐꓰ ꓗꓹ ꓟꓲ ꓾ ꓬꓲ ꓔꓯ ꓠꓬ ꓠꓱꓸ ꓐꓯꓼ ꓤ ꓠꓱ ꓤ ꓐꓴ ꓔꓬꓹ ꓟ ꓢꓳ ꓦꓲ ꓗꓪ ꓢꓳ ꓪ ꓟꓽ ꓓ=

ꓬꓲ ꓠꓬ ꓬꓲꓸ ꓛꓲ ꓠꓬꓲ ꓐꓴ ꓔꓯ ꓣꓱꓽ ꓢꓲ ꓕꓳꓽ ꓶ ꓐꓳˍ ꓟ ꓾ computer ꓗꓪ ꓕꓳꓽ ꓶ ꓲꓼˍ ꓟ꓾ ꓗꓽ ꓠꓯꓹ ꓟ ꓐꓰ ꓟꓶꓽ ꓝꓲ ꓛꓳꓹ ꓟ ꓐꓴ ꓔꓯ ꓮ ꓤꓹ ꓮ ꓤꓹ ꓬꓰ ꓢꓳ ꓗꓷꓳ=

ꓬꓲ ꓠꓬ Austria ꓗꓴꓷꓼ Queensland ꓗꓪ ꓟ Runcorn ꓟꓵꓽ ꓢꓳ ꓦꓲꓻ ꓓꓽ ꓟ ꓗꓪ ꓐꓰ ꓢꓷꓸ ꓠꓲꓹ ꓔꓯ ꓝ ꓢꓲ ꓢꓳ ꓣꓴ ꓗꓷꓳ= ꓬꓲꓸ ꓠꓬ ꓞꓳ ꓤ ꓔꓯ ꓣꓱꓽ ꓙˍ ꓟ ꓟꓬꓱꓽ ꓬꓰˍ ꓟ ꓢꓳ ꓤ ꓐꓴ ꓜꓴꓻ ꓗꓪˍ ꓟꓲ ꓔ ꓬꓰ ꓗꓷꓳ=

Nick 17 ꓘꓳꓼ ꓙꓳ ꓡˍ ꓕꓯ ꓬꓲ ꓠꓬ ꓪꓽ ꓘꓴ ꓦꓲ ꓗꓪ ꓫꓸ ꓕꓱ ꓪꓴꓸ ꓔꓴˍ ꓡꓳ= ꓬꓲ ꓠꓬ Queensland ꓡꓳ ꓒꓱ ꓗꓪ ꓟ Griffith University ꓗꓪ ꓐꓰ specializing in financial planning and accountancy ꓙꓵꓽ ꓪꓴꓸ ꓛꓴꓽ ꓟꓶ ꓗꓷꓳ=

ꓞꓳ ꓤ ꓟꓲꓽ ꓙꓬꓼ ꓗꓪ ꓫꓸ ꓕꓱ ꓢꓴ ꓕꓲ ꓣꓳ ꓥ ꓟ ꓕꓲꓽ ꓡꓰꓹꓼ ꓬꓲ ꓠꓬ ꓟꓬꓽ ꓠꓬꓲ ꓕꓳꓽ ꓶ ꓢꓳ ꓔꓬ ꓟ ꓤ ꓠꓱ ꓤ ꓾ ꓞꓳ ꓡꓱ ꓞꓳ ꓡꓯꓸ ꓐꓴ ꓐꓰ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓐꓱ ꓶ ꓢꓯꓼ ꓖꓶꓽ ꓫꓸ ꓕꓱˍ ꓡꓳ=

ꓖꓳ ꓟ ꓡꓰ ꓟꓽ ꓞꓲ ꓬꓲ ꓠꓬ ꓟꓵꓽ ꓗꓳꓹ ꓓꓵ ꓓꓵ ꓗꓪ ꓟ ꓘꓴ-ꓜꓲ-ꓞꓳ ꓪꓽ ꓘꓴ ꓦꓲ  ꓗꓪˍ ꓟꓲ ꓫꓸ ꓕꓱ ꓗꓷˍ ꓡꓳ= ꓮ ꓡꓲꓳ ꓐꓯˍ ꓠꓬ ꓬꓲ ꓠꓬ ꓬꓰ-ꓢꓴ ꓙꓲ-ꓢꓴ ꓤ ꓠꓱ ꓥ ꓟ ꓢꓲ ꓤ ꓐꓴ ꓔꓯ ꓠꓲꓹ ꓠꓵˍ ꓟ ꓕꓲ ꓡꓰꓹ ꓐꓰ ꓬꓰ-ꓢꓴ ꓥˍ ꓟꓲ ꓬꓲ ꓔꓯ ꓠꓲꓹ ꓠꓵˍ ꓡꓳ꓾ ꓐꓰ ꓙꓵꓻ ꓔ ꓟ ꓪꓴꓸ ꓠꓬꓲ ꓥ ꓡꓳ=

Nick ꓬꓲꓸ ꓟꓬꓱꓽ ꓣꓱꓽˍ ꓟ ꓗꓪ ꓟꓵꓽ ꓕꓯꓽ ꓗꓳꓹ ꓕꓯ ꓗꓪ ꓟ ꓗꓴꓷꓼ 60 ꓗꓴꓷꓼ ꓟꓽ ꓞꓲ ꓗꓪ ꓙꓰ ꓗꓷ ꓢꓲ꓾ ꓡ ꓞꓳ ꓬꓲꓸ ꓦꓬ ꓫꓬꓹ ꓟ ꓞꓲ ꓐꓰ ꓜꓲ  ꓡꓯꓽ ꓘꓳ ꓗꓷꓳ=

2005 ꓘꓳꓼ ꓕꓯ ꓬꓲ ꓠꓬ California ꓡꓳ ꓒꓱ  Agoura Hills ꓗꓪ ‘Life Without Limbs’ ‘ꓛꓲ ꓒꓯꓹ ꓡꓯꓽ ꓒꓯꓹ ꓟꓽ ꓙꓳ ꓟ ꓤꓶ’ ꓐꓰ ꓟꓬꓱ ꓔ ꓟ NGO ꓕꓲ ꓟ ꓔꓯ ꓫꓬꓹ ꓔꓶ ꓗꓷꓳ=

ꓖꓳ ꓕꓲ ꓘꓳꓼ ꓗꓪ ꓡꓰꓽ Nick ꓠꓬ ‘Life’s Greater Purpose’ ꓐꓯˍ ꓟ ꓢꓯꓸ ꓐꓬꓱꓽ DVD ꓫꓬꓹ ꓗꓷꓳ=

ꓢꓯꓸ ꓐꓬꓱꓽ ꓖꓳ ꓟ ꓠꓬ ꓾ꓬꓲꓸ ꓠꓬ ꓬꓲꓸ ꓤꓶ ꓗꓪ ꓮ ꓡꓰ ꓢꓳ ꓣꓴ ꓗꓷ ꓟ ꓬꓲꓸ ꓤ ꓠꓱ ꓤ ꓤꓶꓻ ꓔꓯ ꓟꓸ ꓖꓶ ꓔ ꓟ ꓢꓯꓼ ꓐꓬꓱꓽ ꓥ ꓡꓳ=

2008 ꓘꓳꓼ 3 ꓦ ꓕꓯ Nick ꓠꓬ Bob Cummings ꓡꓰ ꓠ  ꓠꓬꓲˍ ꓟ interview ꓐꓱ ꓶ United States ꓗꓪ ꓟꓸ ꓖꓶˍ ꓟ ‘20/20’ television series ꓗꓪ ꓐ ꓗꓷꓳ=

2009ꓘꓳꓼ ꓕꓯ Nick ꓠꓬ Joshua Weigel ꓡꓰ ꓢꓯꓸ ꓐꓬꓱꓽ ꓓꓶꓽˍ ꓟ ‘The Butterfly Circus’ ꓢꓯꓸ ꓐꓬꓱꓽ ꓗꓪ ꓐ ꓗꓷꓳ= ꓢꓯꓸ ꓐꓬꓱꓽ ꓖꓳ ꓟ ꓗꓪ ꓠꓬ ꓢꓯꓸ ꓐꓬꓱꓽ ꓔꓯ ꓟꓳꓸ ꓟꓬꓱꓺ ꓓꓳꓽ ꓙꓳ ꓢꓴ Eduardo Verastegui ꓐꓰ American Doug Jones ꓐꓴ ꓡꓰ ꓐ ꓢꓲ ꓓꓶꓽ ꓔ ꓟ ꓥ ꓡꓳ=

2010 ꓘꓳꓼ ꓕꓯ Nick ꓠꓬ ‘Life Without Limitsꓽ Inspiration for a Ridiculously Good Life’ ꓐꓯˍ ꓟ ꓕꓳꓽ ꓶ ꓔꓯ ꓐꓳ ꓗꓷꓳ=

ꓖꓳ ꓟ ꓡꓰꓽ ꓟꓽ ꓞꓲ ꓬꓲ ꓠꓬ ‘Biography of a Determined Man of Faith’ ꓐꓰ ꓟꓬꓱꓺ ꓔ ꓟ ꓢꓯꓸ ꓐꓬꓱꓽ DVD ꓔꓯˍ ꓟꓲ ꓫꓬꓹ ꓗꓷꓳ=

Nick ꓠꓬ 2011ꓘꓳꓼ ꓕꓯ ꓬꓲ ꓠꓬ ꓕꓲꓽ ꓘꓳꓼ ꓕꓲ ꓧꓪꓹ Switzerland ꓗꓪ ꓬꓰˍ ꓟ ꓜꓲꓼ ꓓꓴ ꓗꓪˍ ꓟꓲ ꓫꓸ ꓕꓱˍ ꓗꓷꓳ=

2008 ꓘꓳꓼ ꓕꓯ ꓬꓲꓸ ꓠꓬ Dallas ꓒ ꓕꓲꓺ ꓗꓪ ꓙꓳˍ ꓟ Texas꓾ McKinney ꓗꓪ Kanae Miyahara ꓐꓰ ꓟꓬꓱꓺ ꓔ ꓟ ꓤ ꓟꓶ ꓤ ꓐꓰ ꓜꓲ ꓡꓯꓽ ꓘꓳ ꓗꓷ ꓢꓲ ꓾ ꓬꓲꓸ ꓪ ꓐꓴ ꓠꓬ 2012 ꓘꓳꓼ 2 ꓦ 12 ꓠꓬꓲ ꓕꓯ ꓡꓯꓽ ꓒꓯꓹ ꓝ ꓗꓷꓳ= ꓬꓲꓸ ꓪ ꓐꓴ ꓔꓯ ꓤ ꓠꓱ 4 ꓣꓳ ꓙꓳ ꓢꓲ꓾ ꓬꓲꓸ ꓪ ꓐꓴ ꓠꓬ California ꓖꓴ ꓟꓶꓸ ꓗꓪ ꓔꓬ ꓡꓳ=

ꓠꓴ ꓟꓽ ꓙꓲꓻ ꓐꓰ ꓓꓵꓽ ꓙ ꓔ ꓟ ꓠꓬ ꓗꓶˍ ꓟ ꓥ ꓡꓳ= ꓠꓴ ꓮ ꓫꓵꓽ ꓔꓯˍ ꓟꓲ ꓟꓶ ꓟꓽ ꓒꓵꓽ ꓐꓰ ꓓꓵꓽ ꓙ ꓔ ꓟˍ ꓟꓲ ꓗꓶˍ ꓟ ꓕꓲ ꓫꓵꓽ ꓥꓳ=