ꓟꓬꓱ ꓓꓳꓽ ꓙꓳˍ ꓟ Bill Gates ꓚꓱꓹ

ꓟꓬꓱ ꓓꓳꓽ ꓙꓳ_ꓟ  Bill Gates ꓚꓱꓹ

ꓟꓬꓱ ꓓꓳꓽ ꓙꓳ ꓟ Bill Gates ꓠꓬ Microsoft ꓔꓯ ꓬꓲꓸ ꓪꓴꓸ ꓫꓬꓹ ꓖꓶ ꓢꓴ ꓥ ꓡꓳ= Bill Gates ꓔꓯ  1955 10ꓦ 25 ꓠꓬꓲ ꓕꓯ American ꓗꓴꓷꓼ Seatle, Washington ꓡꓳ ꓒꓱ ꓗꓪ ꓦꓵꓻ ꓗꓷ ꓪ= Bill Gates ꓐꓹ ꓐ ꓟꓬꓱꓸꓸ ꓠꓬ Willam H. Gates Sr ꓥ ꓢꓲ ꓬꓲꓸ ꓟꓹ ꓟ ꓠꓬꓱꓸꓸꓠꓬ Mary Maxwell ꓥ ꓡꓳ= ꓬꓲꓸ ꓐꓹ ꓐ ꓠꓬ ꓫꓵꓽ ꓪꓴꓸꓸ ꓫꓬ ꓒ ꓕꓲ ꓣꓳ ꓥ ꓡꓳ= Bill Gates ꓞꓲ ꓣꓳˍ ꓟ ꓙꓵꓻ ꓗꓪ lakeside ꓟꓬꓱꓸꓸ ꓔ ꓟ ꓢꓳ ꓦꓲꓻ ꓗꓪ ꓟꓲ ꓠꓯ ꓕꓳ ꓶ ꓔꓯ ꓢꓳ ꓣꓴ ꓟꓶ ꓡꓰ  ꓪ= Bill Gates ꓠꓬ Computer ꓢꓷꓸ ꓠꓲꓹ ꓔꓯ ꓥ ꓟꓲ ꓢꓳ ꓦꓲꓻ ꓗꓪ ꓐꓰ ꓢꓳ ꓪ ꓡꓰ ꓪ=

ꓬꓲ ꓠꓬ Computer ꓔꓯ ꓮ ꓘꓶꓸ ꓠꓲꓹ ꓟ ꓐ ꓢꓲ ꓢꓳ ꓣꓴˍ ꓟ ꓪꓴꓸ ꓠꓬꓲ ꓬꓲꓸ ꓘꓳꓼ 13 ꓘꓳꓼ ꓡꓳꓹ ꓬꓰ ꓕꓯ ꓬꓲꓸ ꓪꓴꓸ Computer program ꓔꓯ ꓐꓳ ꓖꓶ ꓪ= ꓝꓮꓲ Bill Gates ꓠꓬ ꓬꓲ ꓞꓳ ꓒꓯ ꓐꓴ ꓐꓰ ꓕꓲ ꓪ ꓔ ꓢꓲ ꓠꓬꓲ Payroll computer program ꓔꓯ ꓐꓳ ꓖꓶ ꓪ= ꓬꓲꓸ ꓘꓳꓼ 17 ꓘꓳꓼ ꓡꓳꓹ ꓬꓰ ꓕꓯ ꓬꓲ ꓠꓬ Traffic counter ꓐꓱ ꓶ program ꓔꓯ ꓐꓳ ꓖꓶ ꓗꓷ ꓪ= Bill Gates ꓠꓬ ꓟꓲ ꓠꓯ ꓢꓷꓸ ꓠꓲꓹ ꓔꓯ 1973 ꓘꓳꓼ ꓕꓯ ꓢꓳ ꓓꓳ ꓪ= ꓝꓮꓲ Collage ꓗꓪ ꓕꓳ ꓶ ꓢꓳ ꓠꓹ ꓟ ꓐꓱ ꓶ scholarship ꓪ ꓠꓹ ꓟ ꓕꓳ ꓶ ꓠ ꓠꓬꓲˍ ꓕꓯ ꓥˍ ꓟ ꓬꓲ ꓧꓶꓸꓸꓮ ꓟꓬꓽ ꓪ ꓢꓴ ꓕꓲ ꓣꓳ ꓥ ꓡꓳ= ꓬꓲ ꓠꓬ Harvard Collage ꓢꓳ-ꓦꓵ ꓗꓪ ꓢꓳ ꓪ ꓡꓰ ꓪ=

Bill Gates ꓠꓬ computer ꓔꓯ ꓮ ꓟꓬꓸ ꓠꓲꓹ ꓟ ꓐ ꓟ ꓪꓴꓸ ꓠꓬꓲ Harvard Collage ꓢꓳ ꓦꓲꓻ ꓗꓪ ꓐꓰ ꓓꓳ ꓡ ꓢꓲ ꓬꓲꓸ ꓞꓳ ꓒꓯ ꓥ ꓟ Paul Allen ꓐꓰ  ꓕꓲ ꓪ Microsoft company ꓔꓯ ꓒꓴ ꓗꓷ ꓪ= ꓬꓲꓸ ꓪꓴꓸ ꓕꓯ computer basic ꓐꓰ ꓥꓳꓽ ꓫꓵꓼ ꓮ ꓟꓬ ꓔꓯ computer ꓗꓪ ꓐꓳ ꓙꓲꓻ ꓠꓹ ꓟ ꓫꓬꓹ ꓗꓷ ꓪ= ꓝꓮꓲ Bill Gates  ꓠꓬ 1985 ꓘꓳꓼ 11ꓦ ꓟ 1 ꓠꓬꓲ ꓔꓯ Microsoft Window ꓔꓯ ꓫꓬ ꓖꓶ ꓗꓷ

Bill Gates ꓠꓬ 1989 ꓘꓳꓼ ꓕꓯ Microsoft word ꓐꓰ Excel ꓕꓯ ꓫꓬꓹ ꓖꓶ ꓗꓷ ꓪ= ꓬꓲꓹ ꓠꓬ 1994 ꓘꓳꓼ 1ꓦ 1 ꓠꓬꓲ ꓕꓯ Melida French ꓐꓰ ꓡꓯ ꓒꓯ ꓝꓸ ꓪ ꓡꓰ ꓪ= ꓪꓴ-ꓢ ꓡꓰ ꓬꓲ ꓠꓬꓲ ꓫꓵꓸ ꓔꓯ ꓤ ꓠꓱ ꓤ 3 ꓣꓳ ꓖꓶ  ꓗꓷ ꓪ= Bill Gates ꓠꓬ ꓮ ꓟꓬꓹ ꓢꓯꓼ ꓔꓵꓼ ꓢꓲ ꓠꓬꓲ  computer program ꓮ ꓟꓬꓹ ꓔꓯ ꓫꓬꓹ ꓖꓶ ꓢꓴ ꓥ ꓡꓳ=