ꓟ, ꓟ ꓟ‐ꓡꓲ ꓑꓮꓲ꓿ (Mother of God)

#Happy solemnity of Mary #Mothe of God #creditphoto

Sunday, January 01, 2023

ꓟ, ꓟ ꓟ‐ꓡꓲ ꓑꓮꓲ꓿

ꓢꓲꓽ ꓫꓬ ꓟ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓠꓬ ꓟ, ꓟ ꓟ‐ꓡꓲ ꓔꓯ ꓮ ꓠꓱ ꓟ ꓙꓵ, ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓟ, ꓟ ꓚꓵ ꓥ ꓡꓳ ꓐꓰ ꓟꓬꓱꓺ ꓓꓳꓽ ꓖꓶ ꓒꓵꓽ ꓗ, ꓖꓶ ꓔꓬ ꓟ ꓥ ꓡꓳ꓿ A.D 400 ꓘꓳꓼ ꓕꓯ Constantinople ꓟꓬꓱꓽ ꓔ ꓟ ꓮ ꓟꓶ ꓟ ꓙꓵ, ꓗꓪ ꓠꓬ (Turkey ) ꓗꓴꓷꓼ Istanbul ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ ꓠꓬ ꓟ, ꓟ ꓟ‐ꓡꓲ ꓠꓬ ꓢꓲꓺ ꓒ ꓬꓰ‐ꓢꓴ ꓬꓲ, ꓟ, ꓟ ꓟꓽ ꓥ ꓐꓰ ꓥꓳꓽ ꓡꓰ ꓟ ꓚꓱ, ꓔꓯ ꓟ. ꓔꓬ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ A. D 431 ꓘꓳꓼ ꓕꓯ ꓢꓲꓽ ꓫꓬ ꓟ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓬꓲ‐ꓩ‐ꓢꓳ ꓡꓳ ꓒꓱ ꓗꓪ ꓖꓪꓽ ꓙꓱ ꓜꓲꓼ ꓓꓴ ꓓꓽ ꓟ ꓬꓰ ꓗꓷꓳ꓿ ꓕꓱ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓐꓰ ꓟ, ꓟ ꓟ‐ꓡꓲ ꓠꓬ ꓢꓲꓺ ꓒ ꓬꓰ‐ꓢꓴ ꓟ, ꓟ ꓚꓵ ꓥ ꓟ ꓔꓯ ꓟ. ꓖꓶˍ ꓗꓷꓳ ꓟ ꓥ ꓡꓳ꓿

ꓕꓱ ꓬꓲ‐ꓩ‐ꓢꓳ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓖꓪꓽ ꓙꓱ ꓗꓷ ꓟ ꓠꓬ ꓮ ꓟꓬ, ꓛꓲ ꓧꓪ. ꓡꓰ ꓟ ꓚꓱ, ꓔꓯ ꓖꓪꓽ ꓙꓱ ꓪ ꓡꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓕꓱ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓡ ꓗꓷ ꓟ ꓔꓲꓺ ꓒ ꓓꓽ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓟ, ꓟ ꓟ‐ꓡꓲ ꓐꓬꓱ ꓔꓯ ꓔꓯꓺ ꓔ ꓢꓲ ꓠꓬꓲ ꓡꓳ ꓒꓱ ꓘꓴꓽ ꓗꓪ ꓛꓳꓽ ꓗꓷꓳ꓿ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓪ ꓔꓲ Sixtus (3) ꓠꓬ ꓟ, ꓟ ꓟ‐ꓡꓲ ꓠꓬ ꓢꓲꓺ ꓒ ꓬꓰ‐ꓢꓴ ꓟ, ꓟ ꓚꓵ ꓥ ꓡꓳ ꓐꓰ ꓐꓯ ꓑꓶ ꓗꓷ ꓟ ꓥ ꓡꓳ꓿

ꓡꓴ‐ꓘ ꓕꓳꓽ ꓶ (2ꓽ21) ꓝꓲ. ꓗꓪ ꓦꓱ ꓼꓠꓬꓲ ꓕꓲ ꓠꓬꓲ ꓗꓪ ꓤ ꓠꓱ ꓤ ꓔꓯ ꓶˍ ꓟ ꓗ ꓫꓵ ꓬꓰ ꓠ, ꓟ ꓦꓬꓼ ꓠꓬꓲ ꓐꓲ ꓡ ꓠꓬ꓾ ꓧꓶ. ꓕꓯ ꓬꓲ ꓟ, ꓟ ꓖꓳ ꓓꓱ ꓗꓪ ꓟꓽ ꓶꓻ ꓡꓰ ꓢꓰꓽ ꓕꓯˍ ꓡꓰ ꓟꓴ ꓗꓪ ꓝꓲ ꓓꓴ ꓡꓰ ꓐꓮ ꓖꓶ ꓡ ꓟˍ ꓡꓰ ꓐꓰꓬꓲ ꓔꓯ꓾ ꓬꓰ‐ꓢꓴ ꓟꓬꓱ ꓖꓶˍ ꓡꓳ꓿

ꓝꓮꓲ ꓬꓲ ꓚꓰ ꓬꓲ ꓪꓴ ꓕꓳꓽ ꓶ 17ꓽ 12 ꓕꓱ ꓗꓪ `ꓠꓴ ꓪ ꓕꓲ ꓤꓶ ꓡꓰ ꓕꓲ ꓤꓶ ꓗꓪ ꓟ ꓞꓳ ꓑ ꓤ ꓥ ꓔ ꓑꓳ ꓔꓯ ꓠꓬ ꓠꓴ ꓪ ꓚꓲ ꓛꓬꓽ ꓤ ꓠꓱ ꓔꓯˍ ꓟꓲ꓾ ꓠꓴ ꓪ ꓦꓲ ꓗꓪ ꓦꓵꓻ ꓔ ꓟ ꓐꓶꓽ ꓒ ꓤ ꓠꓱ ꓔꓯˍ ꓟꓲ꓾ ꓒꓴ ꓡꓰ ꓪꓴꓻ ꓔꓯ, ꓡ ꓟ ꓐꓶꓽ ꓒ ꓤ ꓠꓱ ꓔꓯˍ ꓟꓲˍ ꓦꓵꓻ ꓟꓶ ꓗ ꓠꓯ ꓦꓰꓼ ꓠꓬꓲ ꓕꓲꓽ ꓠꓬꓲ ꓗꓪ ꓶˍ ꓟ ꓗ ꓫꓵ ꓬꓰ ꓖꓶ꓿ ꓐꓯ ꓔ ꓟ ꓢꓲꓽ ꓫꓬ ꓕꓳꓽ ꓶ ꓔꓯ ꓐꓲˍ ꓡꓰ ꓝꓲ ꓟ ꓥ ꓡꓳ꓿

ꓟ, ꓟ ꓟ‐ꓡꓲ ꓠꓬ ꓢꓲꓺ ꓒ ꓬꓰ‐ꓢꓴ ꓟ, ꓟ ꓚꓵ ꓥ ꓟ ꓐꓰ ꓣꓳ ꓝꓴꓲ ꓙꓳ ꓢꓴ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓟ ꓟꓴ ꓗꓪ ꓗꓪ ꓛꓲ ꓡꓰ ꓢꓴ ꓥ ꓡꓳ꓿