ꓟ Corona Virus ꓐꓯ_ ꓟ ꓐꓵꓼ ꓐꓵꓻ ꓠꓻ ꓫꓵꓽ ꓔꓯ꓾ ꓠꓻꓫꓬꓹ ꓖꓶ ꓢꓴ ꓟ ꓸꓒ Li Wenliang

#creditphot , Dr. li Wenliang , Covid-19

ꓮ ꓙꓵꓽꓢꓴ ꓔꓯ  ꓧꓪ ꓸ ꓧꓪ ꓹꓼ

 

ꓠꓬꓲꓸ ꓠꓬꓲ ꓠꓬ ꓧꓶꓽꓟꓵꓽ ꓗꓪ  ꓓ  ꓪ ꓴꓸ ꓠꓻ_ ꓟ  Corona Virus ꓐꓯ_ ꓟ  ꓐꓵꓼ ꓐꓵꓻ ꓠꓻ ꓫꓵꓽ ꓔꓯ꓾ ꓠꓻꓫꓬꓹ ꓖꓶ ꓢꓴ ꓟ ꓸꓒ Li Wenliang  ꓟꓸ ꓟ ꓲꓽ ꓥꓳ =

ꓠꓻ ꓫꓬꓹ ꓟꓸꓸꓒ Li Wenliang  ꓠꓬ ꓧꓶꓼ ꓟꓵꓽ ꓗꓪ  ꓓ ꓪꓴꓸ ꓠꓻ- ꓟ  ꓠꓻ ꓫꓵꓽ ꓔꓯ ꓾ ꓡ ꓞꓳ  ꓮ ꓟꓬꓹ ꓔꓯ ꓤ ꓟꓳ ꓠꓹ ꓟ  ꓐꓱ ꓶ꓾ ꓟ ꓸ ꓖꓶ ꓢꓴ  ꓟ ꓸꓒ ꓕꓲ ꓣꓳ  ꓥꓳ =

ꓬꓲ ꓠꓬ ꓐꓵꓼ ꓟ ꓵꓻ ꓠꓻ ꓫꓵꓽ ꓠꓻ ꓔꓬ ꓢꓴ  ꓡ ꓞꓳ ꓮ ꓟꓬ ꓔꓯ ꓠꓯꓻ ꓞꓲꓽ ꓦꓲ ꓗꓪ  ꓠꓻ ꓫꓬ ꓖꓶ ꓔꓬ ꓕꓯ ꓾ ꓬꓲ ꓥ ꓟ ꓲ ꓠꓻ ꓫꓵꓽ ꓓꓵ ꓡ ꓢꓲ꓾ ꓟ ꓲ ꓠꓯ ꓗꓰ ꓐꓰ ꓧꓪꓽ ꓖꓳ  ꓓꓱꓽ ꓡꓳꓹ ꓬꓰ ꓪ =

 

ꓟ ꓸ ꓒ ꓡꓲ ꓠꓬ ꓬꓲꓹ ꓟ ꓽ ꓫꓵꓻ ꓕꓯ ꓐꓯ ꓔꓲꓸ ꓟ  ꓠꓬ ꓾ “ꓟ ꓲ ꓠꓯ ꓟꓬꓱꓺ ꓓꓳꓽ ꓙꓳ_ ꓟ  ꓡ ꓞꓳ ꓕꓲ ꓣꓳ ꓟ ꓽ ꓒꓬꓱꓼ ꓠꓲꓹ ꓫꓵ =  ꓥꓪ  ꓠꓯꓸꓼ ꓗꓪ  ꓥꓪ  ꓐꓹ ꓐ ꓐꓰ ꓟ ꓹ ꓟ 

ꓟ ꓲ ꓔꓬ ꓾ ꓥꓪ  ꓮ ꓐꓲ  ꓮ ꓟ ꓲ ꓕꓲ ꓣꓳ_ ꓟꓲ ꓔꓬ꓾ ꓥꓪ  ꓦꓲꓻ ꓢꓲꓺ ꓟ   ꓤ ꓘꓶ ꓺ ꓗꓪ  ꓡ ꓤꓳ  ꓮ  ꓐꓲ ꓕꓲ ꓣꓳ_ ꓟ ꓲ ꓔꓬꓹ ꓡꓳ =”

ꓖꓳ ꓡꓱ ꓥ_ ꓟ ꓲ ꓬꓲ ꓠꓬ ꓠꓯꓻ ꓞꓲꓼ ꓟ ꓸꓒ  ꓥ  ꓟ  ꓪꓴꓸ ꓠꓬꓲ ꓠꓯꓻ ꓞꓲꓼ ꓦꓲꓻ ꓗꓪ ꓙꓰ ꓢꓲ ꓠꓻ ꓢꓴ ꓔꓯ ꓠꓻ ꓫꓬ  ꓖꓶ ꓗꓷꓳ =

 

ꓠꓻ ꓫꓵꓽ ꓕꓱ ꓟ  ꓠꓬ ꓓ  ꓪꓴꓸ ꓠꓬ ꓬꓲꓸ ꓟ ꓸ ꓟ ꓲꓽ ꓟ ꓽ ꓢꓷ  ꓟ  ꓠꓻ ꓫꓵꓽ ꓕꓲꓟ  ꓥ ꓡꓳ = ꓬꓲ ꓐꓮ ꓖꓶ_ ꓟ  ꓫꓸ ꓕꓱ ꓘꓶꓽ ꓠꓬ꓾ “ꓥꓪ  ꓠꓬ ꓠꓪ  ꓠꓴ ꓗꓴꓷꓼ ꓐꓰ ꓠꓪ  ꓠꓵ ꓕꓲ ꓦꓲꓸ ꓘꓴꓽ ꓠꓯꓸꓼ ꓗꓪ  ꓮ ꓡꓲ ꓟ  ꓔꓯ  ꓢꓷ ꓠ  ꓗ_ ꓡ꓾ꓸ” ꓐꓯ- ꓥ = ꓬꓲꓸ ꓠꓬ ꓬꓲꓸ ꓕꓲ ꓦꓲꓻ ꓔꓯ  ꓮ ꓘꓶꓸ ꓠꓲꓸ ꓠꓵ_ ꓥ_ ꓟ ꓲ꓾ ꓬꓲ ꓔꓬ ꓟ  ꓧꓶꓽ ꓟꓵꓽ ꓔꓯ ꓠꓲꓹ ꓠꓵ ꓟ  ꓪꓴꓽ ꓟ  ꓪꓴꓽ_ ꓠꓬꓲ꓾ ꓠꓯꓻ ꓞꓲꓼ ꓦꓲ ꓻ ꓗꓪ  ꓙꓰ ꓢꓲ ꓾  ꓠꓻ ꓫꓵꓽ ꓠꓻ ꓔꓬ ꓢꓴ ꓔꓯ ꓠꓻ ꓫꓬꓹ ꓖꓶ ꓗꓷꓳ =

ꓠꓯꓻ ꓞꓲꓼ ꓦꓲꓻ ꓗꓰ ꓔꓬꓹ ꓟ  ꓞꓳ  ꓠ ꓻ ꓐꓴ ꓠꓬ ꓟ ꓲꓺ ꓠꓯꓺ ꓗꓪ  ꓟꓶ ꓤ ꓢꓯꓸ ꓔꓬ ꓠꓲꓫꓵ_ ꓟ  ꓟꓬꓺ ꓢꓶꓽ ꓡꓰ ꓟ ꓸꓒ ꓡꓲ ꓔꓯ ꓡꓳ_ ꓠꓬꓲ ꓔꓬꓹ ꓡꓳ = ꓓꓣꓸꓡꓲ ꓔꓯ ꓡꓳꓸ ꓠꓬꓲ ꓔꓬ ꓕꓯ ꓾ ꓬꓲ ꓠꓬꓲ ꓟꓬꓺ ꓐꓲꓺ ꓮ ꓟꓬꓹ ꓓꓳꓺ ꓗꓷꓳ =

 

ꓟ ꓸ ꓒ ꓡꓲ ꓠꓻ ꓫꓬꓹ ꓔꓬ ꓕꓯ ꓾ ꓠꓻ ꓫꓵꓽ ꓓꓵꓽ ꓡ ꓢꓲ꓾ ꓟ ꓽ ꓫꓵꓻ ꓕꓯ ꓫꓸ ꓕꓱ ꓘꓶꓽ ꓠꓬ꓾ “ꓠꓪ  ꓠꓲꓹ ꓠꓵ ꓟ  ꓞꓳꓽ ꓒꓯꓹ ꓐꓴ ꓐꓰ ꓥꓪ  ꓠꓲꓹ ꓠꓵ ꓟ  ꓠꓪ  ꓔꓬꓹ ꓟ  ꓟꓵꓽ ꓳ ꓾ ꓥꓪ  ꓙꓰ ꓠꓹ ꓟ   ꓬꓲꓸ ꓙꓵꓹ ꓛꓲꓺ ꓡ-ꓳ ꓾  ꓠꓻ ꓫꓵꓽ ꓕꓱ ꓟ  ꓔꓯ ꓫꓬꓹ ꓓꓻ ꓡꓰ  ꓟ  ꓕꓲ ꓠꓬꓲ ꓗꓪ  ꓥꓪ  ꓔꓯ ꓓꓵꓽ ꓙ ꓟꓶ ꓖꓶꓽ꓾” ꓫꓸ ꓕꓱ  ꓗꓷꓳ =

ꓠ ꓻ ꓫꓬ ꓟ ꓸ ꓒ  ꓡꓲ ꓔꓯ ꓠꓬ꓾ ꓧꓶꓼ ꓟꓵꓽ ꓡꓰ ꓟ  ꓛꓲꓻ ꓕꓲꓽ ꓟ ꓲꓺ ꓠꓯꓺ ꓡꓱꓹꓼ ꓟꓬꓱꓺ ꓓꓳꓽ ꓖꓶꓽ_ ꓟ  ꓟ ꓸꓒ ꓓꓽ ꓥꓳ =

Add new comment

4 + 1 =